ساعات ساعات

كان يا ما كان.. فى مكان غير المكان... وزمان قبل الزمان بزمان كان فيه انسان... بيدور له فى الدنيا على مكان حب يجرب ويشوف الدنيا جه وقته خلاص انه يتولد بس ايه ده انا مش راضى اتولد ليه اربع ساعات او اكتر الولادة هى الدنيا وحشه اوى كده وحتى خلاص بعد ما اتولدت واللى كان كان نزلت زعلان ومش راضى اعيط ولا اتكلم ولا ابوح بصوت الداية قالت هى البنت مالها؟ حاولوا يفوقوها بصل ... كولونيا... اى حاجه البنت معترضه حست ان الدنيا وحشة اوى ودنيتها الصغيرة كانت اجمل بكتير لالالا دنيتى دى هتكون اجمل دى ماما وبابا حواليا مستنين افتح عيونى واتولد للدنيا علشان يفرحوا بيا ده انا اول فرحتهم مش حرام عليا اقتل فرحتهم دى بيا وجت فكرة للداية هات يا عم السيحارة ديا وخدت نفس كبير منها وفتحت بقى ونفخت فيه دخان السيجارة هب بطنى اتنفخت وادتها عطسة نونو على ادى كده ومن بعدها فقت وعشت حبيت الدنيا بس علشان ربنا كتبلى اب وام بجد نعمة كبيرة مستحملينى وانا صغيرة ووانا كبيرة يارب افضل اطيعكم ولا اعصى لكم امر وربنا يبارك لى فيكم ويخليكم ليا ودى كانت حدوتى تقريبا نفس الوقت ده قبل الفجر بشوية بس بتاريخ 22/ 12/ 1985 يعنى من 23 سنة...

وحشتووووووووووووووووووونى جدااااااااااااااااااااااااااااااااا الحمد لله رب العالمين عدنا بعد غياب12 يوم بحالهم حاسه انهم سنين والله بجد وحشتونى اوى ووحشتنى مدوناتكم وكلامكم وحشتنى الكتابة ربنا يقدرنى وماغيبش عنك يا مدونتى يا حبيبتى كنت مفتقداكم اوى انتم بقيتم حاجة اساسية فى حياتى يمكن زى الميه والهوا وكفاية اطمئنانكم عليا وانكم لسه فاكرين منى لو قلت مليون كلمة شكر مش هتكفيكم بجد انتم احلى اصحاب ربنا يخليكم ليا وعلشان نعوض فرحة العيد اللى مفرحتهاش هجاوب تاج العيد اللى وصلنى من اتنين ربنا يبارك فيهم- فرحانه جدا:) شكرا صوت من مصر ودينا ضحك ولعب وجد بسم الله نبدأ ماذا يمثل لك العيد ؟ وما أكثر شئ يبهجك في مظاهر العيد ؟ العيد تجديد... واكتر حاجه بحبها الاطفال وهما بيلعبوا والعيد ميبقاش عيد من غيرهم انا كنت اخر الجيل الصغير عندنا فى الشارع بس دلوقتى ظهر جيل اولادنا ههههههههههههه خييييييييييير يعنى الحمد لله رجعت احس بالعيد من تانى علشان الاطفال بيلعبوا وبسمع دوشة كده والشارع ليه روح اوصف لنا طقوسك في العيد .. من ليلة العيد لآخر يوم ؟ وانا صغيرة مكنتش بنام ليلة العيد خالص وافضل حاضنه هدوم الع...

If God willing I'll translate the Quotes of the day here in this post ... The 1st day at the kindergarten ... I left it 10/2009

هاخد اجازة ربنا العالم اد ايه بس ان شاء الله مش هتطول وان شاء الله لنا عودة مع كذا مناسبة حلوة اوووووووووى وحدوتة اوعدكم انكم لاول مرة فى حياتكم هتسمعوها كل سنة وانتم طيبين بحبكم اوى ربنا يخليكم ليا اللهم اعطنا من الخير ما تعلم انه الخير ورضنا به وما علمته غير ذلك فتكرم علينا بألا تجيبنا إليه وادخره لنا فإننا نسألك يا رب على قدر ما نعلم وما أقل ما نعلم واكثر ما نجهل اللهم ان قلوبنا وجوارحنا لا نملك شيئا منها فهى لك وحدك فحيث جعلتها لك وحدك فكن انت يا رب وليها ولا تحرك قلوبنا الا بحبك ولا تعمل جوارحنا الا فى طاعتك بحيث يكون كل امر منك ممتثلا ويكون كل نهى منك مجتنبا يا رب امين

وحشنى شكل الفصل اوى وحشتنى السبورة وحشونى الطلبة وحشتنى بحة صوتى فى الفصل اسكتى يا بنت ... اسكت يا ولد وحشونى البنانيت لما بيسلموا عليا ويبوسونى كل ما ادخل الفصل اكيد بنات ابتدائى مش اعدادى خالص بنات اعدادى وحشين شايفين نفسهم اوووى اما ابتدائى ملايكة وحشنى الجرى بتاعى من الدور التانى للسادس علشان الحصة وحشونى تلامذة 6 ابتدائى على الرغم من اللى عملوه فيا يلا بقى الله يسامحهم ولما اشتغلت بالمكافـأة فى بلد بعيد وحشتنى بهدلتى فى المواصلات علشان الحق ميعاد الحصة بتاعتى افتكرت اول حصة دخلت لسنة رابعه اعتقد وكانت تعارف وسألت كل واحد نفسه يطلع ايه وكده والطلبة قالولى زميلنا ده صوته حلو اوى وعايز يطلع مغنى قلت له قوم غنى.. وفعلا غنى وقلت له برافو حد تانى بيعرف يغنى؟ قالو لاء بس هنحفظ اغانى ونغنيها تانى يوم رايحة المدرسه عادى لقيت زمايلى مقابلينى وبيقولوا انتى بتخلى العيال تحفظ اغانى خدى بالك البلد كلها عرفت ههههههههههههههههه كان موقف محرج اوى ايه ايام وحشتنى الجوابات اللى كانت بتوصلنى من التلاميذ هو اه كانوا بيكتبوا كلمات كتير غلط بس اهم حاجه احساسهم ولما يقابلونى فى الشارع دلوقتى ويقولولى وحشت...

انا عارفة انى مجنونة لسه عاملة موضوع اغنية عن الرسول صلى الله عليه وسلم البوست اللى فات يمكن من دقايق بس قلت اعمل واحد تانى هتكلم عن اى حاجة وفى اى حاجة انا انذرتكم دى تحويشة اسبوع بحاله يعنى محدش يقولى صدعتينى ابدأ بايه ابدأ بايه ابدأ بايه مش عارفه بس انا اتعلمت حاجات كتير اوى الاسبوع ده لقيت كام مقالة عن اركان الاسلام بالانجليزى the five pillars of Islam واتعرفت على مفردات جديدة مكنتش اعرفها قبل كده تعرفوا ان معنى كلمة ركعة بالانجليزى unit وكمان الاحاديث الشريفة لرسول الله محمد صلى الله عليه وسلم اسمها the traditions of Muhammad وضوء يعنى ablution والخمس صلوات بيتكتبوا كده Fajr.. the dawn prayer Dhur.. the early afternoon prayer Asr.. the late afternoon prayer Maghrib.. the evening prayer Isha.. the night prayer وصلاة الجماعة اسمها congregational prayer الاقامة يعنى summons قرأت كتاب الصحة الاجتماعية لقيته عند اخويا المفروض بيدرسه فيه معلومات هايلة بجد وفى اخر الكتاب مجموعة من الممارسات الشعبية فى دلتا مصر والطب الشعبى وكده ومجموعة امثال حلوووووووة وبمناسبة الامثال جدتى كانت قالت و...

Muhammad [pbuh] Muhammad I wish I were beside you my dear I can’t describe the Pain the Hurt I feel I know I will try Year after Year To be by your side Where I will be healed I lost my smile in a sad stream of tears Apart so many miles my love remains sincere As the days go by I weep in fear to think that I could die And never be near I lost my smile in a sad stream of tears Apart so many miles my love remains sincere Muhammad I wish I were beside you my dear I can’t describe the Pain the Hurt I feel Muhammad I wish I were beside you my dear I can’t describe the Pain the Hurt I feel The Pain the Hurt I feel peace be upon him To download the song click here please visit this link too... here

امبارح كان يوم ظريف لطيف وجميل خالص اتعرفت فيه على انسانة جمييييييييييلة اوى اتعلمت حاجات كتير حلوة منها وكفاية ان بداية اليوم بانى اشوف مامتها وهى كمان اللى عرفتنى كنت خايفة اوى ومترددة انى اعرف حد من عالمى الافتراضى عالم التدوين بس بجد انا مش ندمانة ابدا بل بالعكس سعيدة جدا كفاية انها فرحتنى بركوب القطر تانى لانه كان وحشنى اووووى واحساس انى اصحى واركب مواصلات الصبح كده رجعنى لايام الدراسة نفس الطريق ماشية فيه.. بجد احساااااااس تحفة انا عارفه ان احنا الاتنين حصل لنا موقفين بايخين جدا بس بجد هى طلعت قوية ومؤمنة .. ربنا يثبتها ياارب وينولها كل اللى فى بالها ويجزيها كل الخير يارب اما موقفى كان موقف مش ظريف خالص ههههههههه المهم ان الموقفين دول خلونا نغير الخطة بتاعتنا بدل ما نروح من كفر الشيخ للمنصورة على طول قررنا العودة بالقطار لمنزل كل منا فقط لمدة ساعة والخروج مرة اخرى ومواصلة اليوم ونكمل اللى اتفقنا عليه هى وفت بوعدها معايا مع انى لو كنت مكانها مكنتش هقدر اكمل اليوم ابدا المهم واحنا مروحين فى القطر من فرحتى بجد بمعرفتها كنت شايفة اللون الاخضر كتييييييييير اوى وكأن بشوف الشجر والسما ل...

السلام عليكم ده كنز لقيته شوفوه وادعولى هناااااااااااا

امبارح بابا اخد اجازة من الشغل وكان عايز يروح الارض بتاعتنا وقالى تعالى معايا يا منى حبيبى كان حاسس بيا وانى مبخرجش من البيت بقالى كتير كانوا ساعتين بس بعمرى كله كالعادة بلاقى راحتى هناك لما بكون متضايقه اوى لانى الصبح مزاجى مكانش حلو علشان موضوع صاحبتى لانها عرفت انى حطيت حوارنا على المدونة وزعلت منى ربنا يهديها يا رب المهم كان اليوم تمام وعال خالص وطول منا هناك بفكر انى اعمل موضوع عن الارض وقعدت اصور كذا مكان هناك لان كل مكان له ذكرى عندى وكمان بسبوسة صاحبتى اتطمنت عليها واتكلمنا برضه مع انها وحشانى والصراحه مش بحب اكلمها نت ولا تليفون انا بحبها تبقى قدامى ونتكلم كلام جميل كلام معقول واليوم زى الفل ومفيش حاجه تعكنن عليا جدى كان فاتح نت وقالى مين اللى كان فاتح من شويه قلت له انا قال لا امال فين محمد .. ده قال كلام مش حلو وشتيمه و و و يا نهار ابيض والله يا جدو محمد نايم بقاله اكتر من 3 ساعات وانا اللى كنت موجوده اللى حصل بقى ان ايميل اخويا اتسرق والظريف اللى سرقه قال كلام مش عارفه اقول ايه ياربى غير حسبى الله ونعم الوكيل طبعا حصل تحول على طول ودخلت نمت ولا عملت موضوع الارض ولا اى حاجه ...

عمرى ما شفتها سعيدة ولا فرحانة زى ما كانت بتكلمنى النهاردة كانت عايزة تقولى على كل اللى حصل فى يومها وحصل وسمعتها كان يوم جميل وشافت فيه حبيبها بعد ما سمعتها جوايا حاجه واحده عايزة اقولها "معدتيش تكلميه علشان اهلك ونفسك ولو هو من نصيبك هيجيلك لو بعد كام سنة حتى او على الاقل لما تتخرجوا ويبقى راجل يعتمد عليه" انا حاسه انك بتخوني مامتك وباباكى بكلامك له وهما ما يستهلوش منك كده اللى كنت خايفه منه حصل .. وقتلت فرحتها واتقلبت الفرحة لبكاء جامد يا حبيبتى والله انا اسفه بس انا خايفه عليكى قفلت معاها وكلمتها بعد كده بحوالى نص ساعه لسه بتبكى طيب اعمل ايه حاولت اخفف عنها وقلت لها ده انا سمعت اغنية لام كلثوم جميلة بتاعة "دارت الايام" وبتقول فيها مقدرش على بعد حبيبى انا ليا مين الا حبيبى قالت لى شفتى انتى قلتى ايه؟ يعنى اللى طلبتيه منى ده معرفش اعمله وصعب عليا بصى بقى انا معدتش هروح الكلية خالص علشان تستريحى يا حبيبتى مش عايزاكى تاخدى قرار وانتى متضايقه انا مش عايزه افكر خالص والله انا خايفه عليكى ومش عايزاكى تندمى على حاجه انتى تعرفى منين ان هو هيكون من نصيبك بصراحة مقدرتش اكم...

ارادة الله لا قــــــرارى .... وحكمة الله لا اختيارى اتت بروحى الى وجــود .... تريد فى ساحه اختبارى اراد ربى اختبار ذاتــــى .... إرادتـــــى همـــتى ثباتى وكيف امضى مع الحياة .... وأين اغـــدو وما مسارى انى رضيت بما ارتضاه .... لــــى الإله ومــا قضـاه فـفى هــداه وفـى حمــاه .... مـأوى ومـنجى لكل سـار الحمد لله رب العالمين انا بخير دلوقتى واحسن كتير ربنا ما يحرمنى منكم ولا من وجودكم فى حياتى معلش انا عارفه انى قلقت ناس كتير بس عرفت اد ايه انتو بجد بتحبونى وبجد انا حبيتكم اوى الحمد لله

يا رب انا تعبانة اوى مش عارفه مالى حاسه بكل المفاهيم متلخبطة عندى حالتى دلوقتى زى ما كنت داخلة الجامعة لسه وبجد مش عايزه احس بكده تانى ابدا زى ماتكون دماغى اتفرمتت ومفيهاش حاجه خالص حاسه انى محتاجه اتعلم أ ب الحياة من تانى حاسه انى مش عارفه منى يا ترى يا مدونتى عارفانى؟ بقالى معاكى 10 شهور حكيتلك كل حاجه وارتحت معاكى اوى يا ترى عرفتى منى؟ لو عرفتينى ردى عليا وقوليلى انا مين؟ طيب ردوا عليا انتو انا مين؟ يارب لك الحمد على كل نعمة أعطيتها أو منعتها، فأنت أعلم بي مني بما يفيدني وبما يضرني.. اللهم يا مقلب القلوب ثبت قلبى على دينك استغفر الله العظيم واتوب اليه استغفر الله العظيم واتوب اليه استغفر الله العظيم واتوب اليه

اتفرجت على الفيلم وكانت عندى الرواية قرأتها عجبانى جدا على فكرة وعجبانى شخصية احمد العريس اللى اتقدم لأمينه ومش عارفه بدأت اقتنع ان البنت مالهاش اللى بيتها وتسيبها من الشغل ده نهاااااااااائى الحوار ده حصل بين امينه واحمد: انتى كمان عايزه تشتغلى؟ وليه لأ؟ شغل البيت كفايه على الست.. ده شغل عايز وقتها كله. يعنى هفضل اكنس واطبخ طول النهار والليل؟! كفاية انك تقعدى فى انتظار جوزك.. الانتظار يولد الشوق.. والشوق يولد الحب.. والحب هو السعادة.. تصورى سعادة الراجل وهو راجع البيت ملهوف وعارف ان مراته مستنياه، وتصورى سعادة الزوجة لما الساعة تبقى اتنين ويقرب ميعاد عودة زوجها بعد ما استنته ساعتين وتلاته.. وتصورى شقاء الاتنين لما كل واحد منهم يرجع شقيان من الشغل وعارف ان مافيش حد كان فى انتظاره.. دى تبقى حياة كرب.. حياة أليه.. يبقى مفيش لازمة للجواز.. اسمح لى اقولك انك راجل خيالى مش واقعى... نهاية الفيلم مش زى الروايه خالص فى الفيلم اتجوزت عباس اما فى الرواية ما اتجوزوش وكل ما حد يسألها مش ناويين تتجوزوا ترد وتقول: انا حرة بس فى الاول وفى الاخر هى اتغيرت وده اللى مبسوطه منه حست انها متنفعش تعيش من غير...

كان عند امرأه صينية مسنة إنائين كبيرين تنقل بهما الماء وتحملهما مربوطين بعمود خشبى على كتفيها وكان احد الإنائين به شرخ والاناء الاخر بحالة تامة ولا ينقص منه شئ من الماء وفى كل مرة كان الاناء يصل الى نهاية المطاف من النهر الى المنزل وبه نصف كمية الماء فقط ولمدة سنتين كاملتين كان هذا يحدث مع السيدة الصينية حيث كانت تصل منزلها بإناء واحد مملوء ونصف وبالطبع كان الإناء السليم مزهوا بعمله الكامل وكان الاناء المشروخ محتقرا لنفسه لعدم قدرته وعجزه عن اتمام ما هو متوقع منه وفى يوم من الايام وبعد سنتين من المرارة والاحساس بالفشل تكلم الاناء المشروخ مع السيدة الصينية " انا خجل من نفسى جدا لانى عاجز ولدى شرخ يسرب الماء على الطريق للمنزل" فابتسمت المرأه الصينية وقالت" الم تلاحظ الزهور التى على جانب الطريق من ناحيتك وليست على الجانب الاخر" انا اعلم تماما عن الماء الذى يفقد منك ولهذا الغرض غرست البذور على طول الطريق من جهتك حتى ترويها فى طريق عودتك للمنزل ولمدة سنتين متواصلين قطفت من هذه الزهور الجميلة لازين بها منزلى مالم تكن انت بما انت فيه ما كان لى ان اجد هذا الجمال يزين منزلى ...

السلام عليكم لقيت مقطع فيديو عند سفاح كرموز وفيه الاغنية دى أبكى ... أنزف ... أموت وتعيشى ياضحكة مصر وتعيش يانيل ياطيب وتعيش يانسيم العصر وتعيش ياقمر المغرب وتعيش ياشجر التوت أبكى ... أنزف ... أموت وتعيشى ياضحكة مصر وتلا ميذ المدارس والنورج اللى دارس والعسكرى االلى دايس على الصعب علشان النصر يا مراكب يا صوارى يا شوارع يا حوارى يا مرازع يا صوامع يا مصانع يا مطابع يا مينا يا كبارى يا ........... يا بيوت أبكى ... أنزف ... أموت وتعيشى ياضحكة مصر * تعبت فى كتابة كلمات الاغنية وفى كلام طاير ابقو حاولو تكملوه * كمان لقيت مجموعة طوابع مصرية انا عمرى ما كنت من هواة جمع الطوابع بس لقيتها جميلة بجد طوابع العزة والكرامة اضغط هنا لتحميلها كل سنة وانتم طيبين يا مصريين * شكرا M.K * وختامها مسك بقى هناااااااااادى حبيبتى دماغ صناع السنة دى كتب كتابها يوم الاربع بتاع بكره يا جدعااااااان هى عملت الدعوة عامة ههههههههههههههههه مبروك يا هنودتى ربنا يجمعكم على خير ي...

السلام عليكم ورحمة الله وبركاته اولا الف شكر لكل اللى سأل على شغلى فى المدرسة ربنا يخليكو ليا يارب واحب اقول لكم قدر الله وما شاء فعل محصلش وانى رجعت المدرسة واختاروا ناس تانية الحمد لله انا مش زعلانة والله جايز علشان انا عرفت الخبر ده وايمانى زايد وكنا فى ايام رمضان وكنت سمعت قصة عن الرضا بقضاء الله عروة بن الزبير، هو ابن أخت السيدة عائشة رضي الله عنهم ذهب ذات يوم هو وابنه لأمير المؤمنين في دمشق فذهب الصبي ليلعب مع الخيل فدهسته فمات. وعندما أرادوا إخباره بما حدث ذهبوا ليلقوه وقد أصابته الآم شديدة في ساقه وأخبره الأطباء عن وجود ورم فيها ولابد من بترها. فما علم الناس فيما يعزونه: فقد ابنه أم بتر ساقه. قال عروة بن الزبير: اللهم لك الحمد كان لي سبعة أبناء أخذت واحداً وأبقيت ستة، وكان لي أربعة أعضاء أخذت واحداً وأبقيت ثلاثة، فإن كنت قد أخذت فقد أبقيت، وإن كنت قد منعت فقد أعطيت، فلك الحمد على ما أخذت ولك الحمد علي ما أبقيت ولك الحمد علي ما منعت ولك الحمد علي ما أعطيت بجد اثرت فيا اوى الحمد لله وبعدين انا طلعت من المدرسة دى بأصحاب جميلة اوى وكان فرح واحده منهم امبارح ماشاء الله كانت عسولة او...

منذ زمن طويل كانت هناك مدينة يحكمها ملك وكان أهل هذه المدينة يختارون الملك بحيث يحكم فيهم سنة واحدة فقط وبعد ذلك يرسل الملك إلى جزيرة بعيدة حيث يكمل فيها بقية عمره ويختار الناس ملك آخر غيره وهكذا أنهى أحد الملوك فترة الحكم الخاصة به وألبسه الناس الملابس الغالية وأركبوه فيلا كبيراً وأخذوا يطوفون به في أنحاء المدينة قائلين له وداعاً وكانت هذه اللحظة من أصعب لحظات الحزن والألم على الملك وجميع من كان قبله ثم بعد ذلك وضعوه في السفينةالتي قامت بنقله إلى الجزيرة البعيدة حيث يكمل فيها بقية عمره ورجعت السفينة إلى المدينة وفي طريق العودة اكتشفوا إحدى السفن التي غرقت منذ وقت قريب ورأوا شاباً متعلق بقطعة من الخشب عائمةعلى الماء فأنقذوه وأخذوه إلى بلدتهم وطلبوا منه أن يكون ملكاً عليهم لمدة سنة واحدة ولكنه رفض في البداية ثم وافق بعد ذلك وأخبره الناس على التعليمات التي تسود هذه المدينة وأنه بعدمرور 12 شهراً سوف يحمل إلى تلك الجزيرة التي تركوا فيهاذاك الملك الأخير بعد ثلاث أيام من تولي الشاب للعرش في هذه المدينة سأل الوزراء هل يمكن أن يرى هذه الجزيرة حيث أرسل إليها جميع الملوك السابقين ووافق الوزراء و...

عمر الانسان اكبر مكتوب مليانه صفح وياه بتدوب If you do something Good you shall have your reward كلامى ايام ثانوى وكان فى الفسحة

أذكر ستة أسرار قد لا يكتشفها من يقابلك لأول مره!!!؟ انا كنت حليت السؤال ده فى واجب جانى من اينو.. وما اعتقدش ان اجابته اتغيرت http://sometimes-good-bad.blogspot.com/2008/07/blog-post.html ـــــــــــــــــ ـ ـ ـ ــــــــــــــــــ سبع حاجات نفسك تعملهم!!! 1- نفسى انى ازور بيت الله 2- نفسى امارس اللغة اللى قضيت حياتى كلها اتعلمها وصدت من قلة الاستخدام والممارسة 3- نفسى يبقى عندى بستان كبييييييييييير وفيه نخل جميل كدة وكتييييييييييير واعمل حاجه بينى وبين ربنا 4- نفسى احفظ كتاب الله اوى و نفسى اقرب من ربنا اكتر واكتر 5- نفسى اكون حاجة بجد.. واتغير للأحسن 6- نفسى افضل اتعلم طول عمرى وادرس 7- نفسى اطيع امى وابويا على طول ومايزعلوش منى ابدا ـــــــــــــــــ ـ ـ ـ ــــــــــــــــــ سبع حاجات معرفتش تعملهم!!! 1- معرفتش اجيب تقدير وطلعت بمقبول فى الليسانس بس اتعوضت فى الدبلومة الحمد لله 2- معرفتش استمر مع صناع بس كان غصب عنى 3- معرفتش امارس الانجليزى وانا بقالى سنتين دلوقتى مش بستخدمه لما صدى ااووووى وبجد ندمانه بس مش عارفه اعمل ايه ياريت لو فيه نصيحة منكم يبقى كتر خيركم اوى ـــــــــــــــ...

احساسى دلوقتى زى اللى كان فوق على الجبل ووصل لقمته وبعدين وقع وقعه صعبة.. بس جه رمضان وبدأ يطلع لفوق تانى .. الحمد لله رب العالمين .. بس يارب افضل فوق كده وما انزلش تانى واول مرة احس ان ده عيد بجد يعنى فرحة بس فرحة من نوع تانى كل سنة وانتم طيبين ومن ربنا قريبين ودايما مبسوطين وفرحانين ـــــــــــ ـ ـ ـ ــــــــــ ايمى معلش على تأخير التاج بس بجد اكتشفت انه صعب وعايز قعدة كده مع النفس عموما موعدنا مع تاج سبعاوى ان شاء الله

بسم الله الرحمن الرحيم البوست اللى فات نقلت فيه قصيدة البردة للإمام البوصيرى كاملة هى طويلة بس رائعة بجد وحبيتها تكون عندى فى مدونتى دى بقى أغنية مسعود كيرتز " البردة " هو واخد منها ابيات ده لينك تحميلها http://www.4shared.com/get/36207531/365b88a0/__-__.html ودى كلماتها مولاى صلى وسلم دائما ابدا على حبيبك خير الخلق كلهم محمد سيد الكونين والثقلين والفريقين من عرب ومن عجم مولاى صلى وسلم دائما ابدا على حبيبك خير الخلق كلهم هو الحبيب الذى ترجى شفاعته لكل هول من الاهوال مقتحم مولاى صلى وسلم دائما ابدا على حبيبك خير الخلق كلهم مولاى صلى دائما ابدا على حبيبى خير خلق الله كلهم ثم الرضا عن ابى بكر وعن عمر وعن على وعن عثمان ذى الكرم مولاى صلى وسلم دائما ابدا على حبيبك خير الخلق كلهم يارب بالمصطفى بلغ مقاصدنا واغفر لنا ما مضى يا واسع الكرم مولاى صلى وسلم دائما ابدا على حبيبك خير الخلق كلهم ــــــــــ ـ ـ ـ ـــــــــ فى حاجه بقى انا لسه عارفاها النهاردة وهى ان معنى الصلاة على النبى صلى الله عليه وسلم بيختلف صلاة الله ... الاجابة صلاة الملائكة ... الدعاء صلاتنا احنا ... استغفار لنا وكمان...

مولاي صلــــي وسلــــم دائمـــاً أبــــدا علـــى حبيبــــك خيــر الخلق كلهـم أمن تذكــــــر جيــــــرانٍ بذى ســــــلم مزجت دمعا جَرَى من مقلةٍ بـــــدم َمْ هبَّــــت الريـــــحُ مِنْ تلقاءِ كاظمــةٍ وأَومض البرق في الظَّلْماءِ من إِضم فما لعينيك إن قلت اكْفُفاهمتـــــــــــــــا وما لقلبك إن قلت استفق يهـــــــــم أيحسب الصب أن الحب منكتـــــــــــم ما بين منسجم منه ومضطــــــــرم لولا الهوى لم ترق دمعاً على طـــــللٍ ولا أرقت لذكر البانِ والعلــــــــــمِ فكيف تنكر حباً بعد ما شـــــــــــــهدت به عليك عدول الدمع والســـــــــقمِ وأثبت الوجد خطَّيْ عبرةٍ وضــــــــنى مثل البهار على خديك والعنــــــــم نعم سرى طيف من أهوى فأرقنـــــــي والحب يعترض اللذات بالألــــــــمِ يا لائمي في الهوى العذري معـــــذرة مني إليك ولو أنصفت لم تلــــــــــمِ عدتك حالي لا سري بمســــــــــــــتتر عن الوشاة ولا دائي بمنحســـــــــم محضتني النصح لكن لست أســـــمعهُ إن المحب عن العذال في صــــــممِ إنى اتهمت نصيح الشيب في عـــــذلي والشيب أبعد في نصح عن التهـــتـمِ في التحذير من هوى النفس ----------------...

سؤال عندى احساس انه فى يوم ما هيتسأل ليا بعد 60 سنة ان شاء الله لما اكون جده كبيرة كده و(شنانى) واقعة حفيدتى هتيجى تسألنى : جدتى ... هو يعنى ايه مسحراتى؟؟ تفتكروا ممكن تحصل مش عارفه بس هى جت فى دماغى هتوحشنا يا رمضان 27 رمضان

عن ابن عباس رضي الله عنهما أن رسول الله صلى الله عليه وسلم قال للعباس: "يا عماه ألا أعطيك؟ ألا أمنحك؟ ألا أحبوك؟ ألا أفعل بك عشر خصال إذا أنت فعلت ذلك غفر الله لك ذنبك أوله وآخره وقديمه وحديثه وخطأه وعمده، وصغيره وكبيره، وسره وعلانيته، عشر خصال، أن تصلي أربع ركعات تقرأ في كل ركعة فاتحة الكتاب وسورة، فإن فرغت من القرآن قلت: سبحان الله والحمد لله ولا إله إلا الله والله أكبر خمس عشرة مرة، ثم تركع فتقولها وأنت راكع عشرا ، ثم ترفع رأسك من الركوع فتقولها عشراً، ثم تهوي ساجداً فتقولها وأنت ساجد عشراً، ثم ترفع رأسك من السجود فتقولها عشراً، ثم تسجد فتقولها عشراً، ثم ترفع رأسك فتقولها عشراً. فذلك خمس وسبعون في كل ركعة، تفعل ذلك في الأربع ركعات. إن استطعت أن تصليها في كل يوم مرة فافعل، فإن لم تفعل ففي كل جمعة مرة، فإن لم تفعل ففي كل شهر مرة، فإن لم تفعل ففي كل سنة مرة، فإن لم تفعل ففي عمرك مرة" صلاة التسابيح ..ماهيتها .. وحكم أدائها http://www.islamweb.net/ver2/fatwa/ShowFatwa.php?Option=FatwaId&lang=A&Id=2501 24 رمضان

قصيدة للإمام الشافعى رحمه الله دع الأيام تفعل مـا تشـاء وطب نفساً إذا حكم القضاء ولا تجزع لحادثـه الليالـي فما لحوادث الدنيا من بقـاء وكن رجلاً عن الأهوال جلداً وشيمتك السماحـة والوفـاء وأن كثرت عيوبك في البرايا وسرك يكون لهـا غطـاء تستر بالسخاء فكـل عيـبٍ يغطيه كمـا قيـل السخـاء ولا ترى للأعادي قـط ذلاً فإن شماتـه الأعـدا بـلاء ولا ترج السماحة من بخيل فما في النار للظمـآن مـاء ورزقك ليس ينقصه التأنـي وليس يزيد في الرزق العناء ولا حزن يدوم ولا سـرور ولا بؤس عليك ولا رخـاء إذا ما كنت ذا قلـب قنـوعٍ فأنت ومالك الدنيـا سـواء ومن نزلت بساحته المنايـا فلا أرض تقيـه ولا سمـاء وأرض الله واسعـة ولكـن إذا نزل القضا ضاق الفضاء دع الأيام تغدر كـل حيـن فما يغني عن الموت الدواء 22 رمضان

جملة كانت فى مقدمة كتاب قرأتها وعجبتنى خرجت اتأرجح بين الأمل الباسم واليأس العابس ولكن بسمات الأمل كانت تتراءى غلابة لعبوس اليأس تفتكروا؟؟؟؟؟ الله اعلم

20 رمضان *اللهم ارحمنا بالقرءان واجعله لنا إماماً ونوراً وهدى ورحمةً، اللهم ذكرنا منه ما نسينا وعلمنا منه ما جهلنا وارزقنا تلاوته آناء الليل وأطراف النهار واجعله لنا حجة يا رب العالمين * اللهم اصلح لنا ديننا الذي هو عصمة أمرنا، واصلح لنا دنيانا التي فيها معاشنا وأصلح لنا آخرتنا التي فيها معادنا واجعل الحياة زيادة لنا في كل خير واجعل الموت راحة لنا من كل شر * اللهم اجعل خير عمرنا آخره وخير عملنا خواتيمه وخير أيامنا يوم نلقاك فيه يا رب العالمين * اللهم إنا نسألك عيشة هنية وميتة سوية ومرد غير مخز ولا فاضح * اللهم إنا نسألك خير المسألة وخير الحياة وخير الممات وثبتنا وثقل موازيننا وحقق إيماننا وارفع درجاتنا وتقبل صلاتنا واغفر لنا خطيئاتنا ونسألك العلا من الجنة, اللهم إنا نسالك موجبات رحمتك وعزائم مغفرتك والسلامة من كل إثم والغنيمة من كل بر والفوز بالجنة والنجاة من النار * اللهم أحسن عاقبتنا في الأمور كلها وأجرنا من خزي الدنيا وعذاب الآخرة * اللهم اقسم لنا من خشيتك ما تحول به بيننا وبين معصيتك و من طاعتك ما تبلغنا به جنتك ومن اليقين ما تهون به علينا مصائب الدنيا ومتعنا بأسماعنا وأبصارنا وقو...

السلام عليكم يا أجمل اصحاب الموضوع ده كنت كتبته من ايام القراءه للجميع السنة دى بس محصلش ونشرته على المدونة اللى فكرنى بيه انى رحت النهارده مكتبة وجبت كتاب "ايزيس واوزوريس" ان شاء الله هقراه بس بعد رمضان شكرا يا زوزو على يوم النهاردة.. بجد انا فرحانه وحاسة ان روحى رجعتلى المهم ده نص الموضوع ــــــــــــــ ــ ــ ــ ـــــــــــــ اوبريت الكنز القراءة للجميع القناة الاولى المصرية من زمان اوى ما اتفرجتش على القناة الاولى , فتحتها النهاردة لقيت اوبريت الكنز للقراءة للجميع. ياااااااااااااااه من زمان اوى مش شفت الحاجات دى من ايام ماكنت صغيرة اوى يمكن ايام ابتدائى ولا اصغر كمان.. زى اوبريت الليلة الكبيرة والحاجات الجميلة دى كل اللى شفته كان تقريبا 5 دقايق وهحكيهم ليكو كان بيحكى عن 3 اشخاص بيغنو علشان يروحو لبكره وجه واحد عايز يروح معاهم لبكره, بصوله باشمئزاز ومشيو. وكان مجموعه قاعدين على قهوه بيتكلموا نادوا عليه وقالوله لازم تفكر فى بكره علشان تروحله وتوصله, انت اخرك اول امبارح. وقام واحد شكل نجيب محفوظ وقاله لو عايز تروح لبكره فكر ... فكر مثلا فى جدك , قاله يااااااااااه جدى، وفجأه ظ...

السلام عليكم ده كتاب جميييييييييل جدا واحدة كانت اهدته ليا جزاها الله كل خير يارب و دورت عليه على النت ولقيته وحبيتكم تقروه بجد رااااااااااااااااائع ــــــــــــ ـ ـ ـ ـــــــــــ فى هذا الكتاب الشفاء بالقران؟ كيف احب القران؟ لمــاذا تقرأ القران؟ كيــف تحفظ القران؟ قــواعـــد اصلاح النفس. مــا الطريق الى ولاية الله؟ مـا هو ماء الحياة للقلب؟ مــا اسرار الجهر بالقران؟ علاقة حفظ القران بالتدبر؟ ما الطريق الى رؤية نور القران؟ الترتيل وأثره فى تدبر القران. افضل هدية تقدمها الى ولدك. حلاوة المناجاة.. كيف اجدها؟ كيف اربى ابنائى على القران؟ ما الطريق الى الحياة الطيبة؟ ما سر العلاقة بين الصوم والقران؟ التكرار وسيلة فعالة لتحقيق التدبر. الحفظ التربوى للقران وصناعة الانسان. كتاب من ينجح فيه يحصل على عشرة مليارات. لينك تحميله اهو http://www.saaid.net/book/open.php?book=1262&cat=98 17 رمضان ــــــــــــ ـ ـ ـ ـــــــــــ تحديث ــــــــــــ ـ ـ ـ ـــــــــــ دى خطوات عملية ان شاء الله تساعدنا على التدبر ــــــــــــ ـ ـ ـ ـــــــــــ 1 _ احسن الاستعداد والتهيئة * اختار الوقت المناسب " يعن...