Posts

Showing posts from 2012
Image
طبعا مش محتاجه اقول حاجه
نفسى فى حاجات زى الاول نفسى لما اطلب الاقى زى منا بدى نفس الاحساس نفس الاحتياج  

اصحاب

Image
  قعدة الاصحاب غير اى قعدة برضه وحشونى اوى ومهما نتكلم فى التليفون مش زى ما نكون مع بعض يوم الاربع انا رحت مع منى كفر الشيخ علشان الشهادة بتاعتنا وطبعا لسه ما طلعتش - منا عايزاها ابروزها واعلقها واتفرج عليها يعنى لا اقدمها فى شغل ولا تونسنى فى البيت - النهاردة رحنا لنبيلة العروسه الجديدة نبارك لها وبرضه لمتنا مع بعض حاجه تانيه الحمد لله رب العالمين

نعود للفضفضه

احم احم طبعا منا لازم استأذن قبل ما ادخل  المدونة بقت مهجورة اوى مش كده وكان شكلها كئيب كده  مفيش تجديد بس لا.... قررنا نحن منى نغير شكلها ونديها تدوينه جديدة يلا بقى ان شاالله ما حد حوش ------- امبارح انا عملت حاجه حلوة اوى  قعدت امص قصب وعملت حمام زيت لشعرى وحطيت رجلى فى مايه من زمان ما عملتش حاجه زى كده او محسيتش انى براحتى كده ------ دايما دايما هى بتكون السبب فى المشاكل هى مش بتقصد تعمل حاجه بس من كتر ما بتضغط عليا بنفجر فيه هو وده غلط انا عارفه ------ احنا كبرنا يا ولاد الدنيا خدتنا اوى بقى كل همنا العيال كل اصحابى اللى عندها طفل... كل فين وفين لما بكلمها  واللى عندها اتنين .... تقريبا معدتش بعرف اخبارها ------ هو انا دلوقتى عندى كام سنة؟؟  26 ونص يعنى فى نهاية السنة هبقى 27 مش عارفه ليه حاسه مادام 27 جت هتيجى وراها 30 على طول بدون اى سنين فى النص ------ نفسى اشتغل اوى لانى زهقت من قعدة البيت زائد انى بقيت حاسه انى جاهله اوى ومنعزله عن الدنيا بس ارجع واقول منا كده مرتاحه واحسن من البهدلة نفسى رشا لما تكبر تلاقى
الحمد لله كما ينبغى لجلال وجهه وعظيم سلطانه
لفيت شويه فى المدونه بتاعتى قريت بوستات زمان وحشتنى روح الكتابة واحساسى لما كنت بكتب وقتها دلوقتى جه فى بالى اكتب بوست فكتبت جميل الحمد لله ---- بقالى فترة متابعة مسلسل حريم السلطان المسلسل جامد على فكرة حملت حلقاته بدل ما اقعد قدام التليفزيون ساعتين علشان اشوف حلقة من كتر الاعلانات وبرضه المسلسل فتحلى مجال انى ادور فى كتب التاريخ تانى فرصه كويسه للقراءة ---- فضفضت كتير اوى مع اصحابى الاصحاب بجد نعمه وخصوصا لما تلاقى حد مهتم بيك وبيسأل على اخبارك اول بأول لانه حاسس بكل حاجه انت بتمر بيها الحمد لله رب العالمين ---- رشا هانم تعلن العصيان ومش عايزانى اكمل البوست ده هتموت وتمسك الكى بورد لن اسمح لكى بذلك يا روشا يا حبيب قلب ماما بحبك يا اجمل حاجه حصلتلى فى حياتى ربنا يبارك فيكى ويبعد عنك كل شرور الدنيا ويحفظك ويحميكى يارب ----- استغفرك ياربى واتوب اليك سامحنى واغفرلى يارب اهدنى للصراط المستقيم وفك كربى واهديلى حالى واللى حواليا الحمد لله اللهم صلى وسلم على سيدنا محمد

شدى الضفاير

Image
زى ما يكون حمل ومش قادرة اشيله خلاص سايباها ارخى ايدى اوى كده الله احساس جميل ---- نفسى ماما تسرحلى شعرى زى زمان --- والأن مع كلمات الاغنيه اللى لقيتها فى بوست عند كات روز واول ما سمعتها دخلت قلبى اوى لانى حاساها اوى فكتبت كلماتها ----- امايا يااما امايا يااما شدى الضفاير شدى رباطها عصبينى لوقادره يااما لو قادرة يا اما تقيديها قيديها وقيدينى شعورى موجه عماله تلعب عماله ترقص فوق جبينى شعورى شوق وبشوقى حايرة منا عارفه ماشيه منا عارفه طايرة وكلام فى سرك وبقولهامره عذاب بحسه عذاب وثورة امايا يا اما امايا يااما شدى الضفاير شدى رباطها عصبينى لوقادره يااما لو قادرة يا اما تقيديها قيديها وقيدينى امايا يااما جوايا ليل امايا يااما جوايا ايه جوايا حيرة جوايا ضلمه جوايا طير قلقان فى عشه لا انا قادرة اشيله ولا قادرة اهشه وكلام فى سرك بقولها مره عذاب بحسه عذاب وثورة امايا يااما شدى الضفاير شدى رباطها عصبينى لوقادره يااما لو قادرة يا اما تقيديها قيديها وقيدينى

معدتش لاقيه عناوين

هنقول استحملت كتير بقالى شهر تقريبا فى الموال اللى مبينتهيش ده اللى صعبان عليا تعب بابا وهو كمان صعبت عليه نفسه انه مش قادر يعملى حاجه حسيت ان "انت" بتستغل الظروف دى اول مره اخرج وانا كده مع انى كنت ضد الفكرة دى حتى لو حصل ايه سمعت كلام ينرفز وليا الحق انى اتنرفز واعلى صوتى يبقى يتقال انى بعلى صوتى ومبسمعش الكلام خير كله خير

عرفت ازاى

أ گثرْ مَآ يُمزّق ﺂﻟوَرق آلأبيَضْ ; - عُنفَ آلمِمْحآهِ ! ... ... وَ أكْثرَ مَآيُمزّق آلقلْبَ ﺂﻟطّيبْ كِثرَةِ ﺂﻟمُسآمَحِه ---- عرفت بيحصل ازاى قلبى معادش زى الاول ولو رجعت النهارده فى حاجات كتير هتتغير انت اللى بدأت

كنت حاسه

كنت حاسه ان ده اللى هيحصل مادام جيت واشتكيت ليكى يا مدونتى هنشوف اخرها يعنى ليوم السبت ---- انا مخسرتش حاجه الحمد لله بس كل تكالى عليك انت يا رب لا اله الا انت سبحانك انى كنت من الظالمين

ازاى؟؟؟

أگثرْ مَآ يُمزّق ﺂﻟوَرق آلأبيَضْ ; - عُنفَ آلمِمْحآهِ ! ... ... وَ أكْثرَ مَآ يُمزّق آلقلْبَ ﺂﻟطّيبْ كِثرَةِ ﺂﻟمُسآمَحِه طيب تيجى ازاى؟ معقول زى فيلم" يا انا يا هو" اكمنه طيب اوى سيطر عليه وعايز يقتل شخصيته واحد تانى شرير انا مبقتش فاهمه حاجه !!!!

رشا هى المسئولة

رشا هى اللى كتبت اخر حرف فى البوست اللى فات وهى اللى خلتنى انشره من غير ا اكمله اصلى شايلاها على رجلى مش عارفه يا ترى هيكون فيه وقت فاضى شوية زى دلوقتى ولا لما تبدأى تمشى وتنشرى حاجاتك فى البيت وتثبتى وجودك هكون فاضيه؟؟؟ ليه بس انا اشغل بالى بحاجه بعدين يلا سلام بقى علشان هى تنادينى هو صحيح انتى هتتتكلمى امتى بقى عايزاكى تقولى ماما الاول انا بقولك اهو :)

عودة

عايزة ارجع اكتب تانى عايزة احكى عايزة ارغى عايزة افضفض عايزة اتعلم كل يوم حاجه جديدة عايزة اقرا من تانى عايزة اعلمها كل حاجه صح عارفين ساعات بحس انى عايشه فى حلم او مش متخيلة اللى انا فيه يعنى مثلا انى اتجوزت وخلفت لسه حاسه انى لواحدى دى حياتى انا ومش مسئولة عن حد لما بقرأ جملة التعريف الخاص بيا I'm a girl who lives sometimes in a good mood and sometimes oh in a very very bad one بقول هو انا المفروض اغيرها ولا اخليها زى ما هى! ----- اوقات جميلة بقضيها معاكى يا رشا وبأمانه ببقى فى منتهى السعادة لما احس انك مش محتاجه حد غيرى يكون معاكى لسه الحكايه دى يدوب من شهر بس يعنى لما كنتى خمس شهور فيه حد انا مهمه فى حياته يبتسم اول ما يشوفنى انا عارفه انى غاليه عند ناس كتير بس انتى الوحيده اللى شفتها ظاهرة وواضحة ----- رجعت اقرأ تانى الف ليله وليله بس ايه ليلة كل كام ليله مش مهم اهم حاجه انك تقرأيها معاياذ
قلقتينى عليكى اوى يا حبيبة ماما بس طلع الحمد لله مفيش حاجه والدكتور طمنى تقومى النهارده تقعى من على السرير انا ناقصه يعنى الحمد لله برضه جت سليمة المهم انا بحبك اوى وكان نفسى اكتب كل حاجه جديده بتعمليها فى كشكول صغير علشان لما تكبرى تقريها او احكيهالك قبل النوم احنا فيها ويارب انفذها بقى نيجى للجزء الرخم انا زعلانه منك اوى زعل مالوش حدود بجد متضايقه وكل ما افتكر حاجه حلوة علشان انسى زعلى منك مش بيأثر ربنا يسامحك ووالله بجد عمرك ما هتلاقى حد يحبك ادى او زيى فى الدنيا دى كلها اما نشوف اخرتها ايه نفسى لما اعيط تطبطب عليا مش تزعقلى وتضايق منى ده انا ماليش غيرك انت نفسى بتصعب عليا انت عارف انى مستحملة حاجات كتير علشان خاطرك انت