ساعات ساعات

اللهم الهمنى رشدى وقنى شر نفسى اول ما هبدأ كلامى لازم اكلمك انت الحمد لله رب العالمين يارب بارك لى يارب انا عارفه انك دايما معايا ومش هتسبنى وانا متأكده ومتطمنه على نفسى الحمد لله بجد حاسه بكرمك ورحمتك بيا يارب فرح ماما وبابا ويتطمنواعليا بجد نفسى افرحهم قوى هيوحشونى مهما اتخانقنا ولا زعلنا هما اللى بيصلحونى وبيتمنوا انى اطلب حاجه وينفذوها حتى من قبل ما اطلبها ياترى الحياه الجديدة دى شكلها هيكون ازاى انا عارفه انه كله بيعدى والناس كلها عايشه عادى بس المشكلة انك مكنتيش كده يا منى انتى مكنتيش عادى بقيتى تتصرفى عادى كنت بستغرب لما الاقى حد ساب شغله واتفرغ للموضوع ده وبس انا عملت كده بس على فكره هى مسؤليه ومسؤلية كبيرة كمان ان شاء الله ربنا هيعينى الحمد لله الحمد لله الحمد لله حاجات اتغيرت فيكى يا منى فرحت بحاجات جديدة جميلة وبنانيتى بقيت اخد بالى جدا من كلام الناس ونواياهم محدش عاد سهل ابدا قلبى بقى مليان مشاعر مختلفة نبدأ بالحب جميل فيه غيرة وده مش حلو وكمان كان فيه كره اتضايقت انى ممكن اكره انسان بالدرجه دى او ان شعورالكره ده يكون جوايا اللهم نقى قلبى يارب العالمين فيه فرحه كمان فى قلبى

فات شهر 7 وكمان شهر 8 و9 اهو بيودع لا رحتى المكتبة ولا حاجه يا منى ما علينا والله وحشونى الناس هناك فى المكتبة طيب يعنى اعمل ايه تصدقوا ممكن اروح بس ده النهاردة الخميس وبكرة الجمعه وكمان السبت اجازة حتى لما قررتى منفعش اعمل فيكى ايه بس يا منى اختى بتقولى انتى مش عاجبانى يا منى ولا انا والله واكيد انتى عرفتى يا مدونتى لانى رجعتلك تانى المهمممممم انا هكمل قراية كتاب اماكن فى القلب لاستاذى عبد الوهاب مطاوع من على الجهاز وخلاص تصبيرة بعد ما نسيتى القراية ده انا حتى بقيت بطيئة فى الكتابة اخ ماذا افعل؟؟؟ ولا حاجه روحى اقرى وخلاص يا منى

هتكلم عن كتاب السر انا قرأتته من شهر يناير وكنت عايزة اكتب عنه مش عارفه اتأخرت ليه ما علينا الكتاب جميل على فكره نفذت جزء فيه واتحقق الحمد لله جزء تانى طبقته غلط خالص ههههههههههههه كنت بقول لنفسى انا عصفورة لغاية ما بقيت عصفورة بجد اكيد العكس اللى حصل لا بس بجد كان محتاج شوية قوة ارادة ودى حاجة اكتشفتها فيا مؤخرا ما علينا ده انتى بقيتى لكاكه اوى يا منى نتكلم عن بعض الجمل اللى فى الكتاب اللى لفتت نظرى * اول حاجه خالص هى the law of attraction in action بداية الكتاب بيتكلم عن اللى انت بتتخيله هو اللى هيكون وده بالظبط زى " تفائلوا بالخير تجدوه" وانا عند حسن ظن عبدى بى" كاتب قال: ان افكارنا زى ارسال اشارات التليفيزيون ممكن اغير الارسال علشان اغير الصورة... ممكن ليه لاء I'm the master of my thoughts I can change it from bad to good ولو انا عايزة اغير المود بتاعى من وحش لحلو افكر فى حاجه جميلة انا مثلا احب اغنية... حتة موسيقى .. طفل... اى حاجه حلوة ممكن فيلم رومانسى.. العب مع القطة... اكل شيكولاته.. اتفرج على الطبيعة والخضرة... اشوف حد سعيد... مدونتى كمان اسمع كلام ربنا من

لو هنتكلم عن التمثيل فيه حاجه انا كنت بعملها يمكن من غير احساس قبل كده ودلوقتى بعمل نفس الحاجه بس باحساس وده مدينى احساس انى اول مره اعملها لانى بعملها فى وقتها الصح اللى ربنا كاتبه فعلا الحمد لله رب العالمين انا حسيت بانتصار بجد حاسه انى حققت حاجه محصلتش قبل كده فرحانه بكده على فكرة يبقى ده مش تمثيل ده حقيقة انتى فيكى حاجات كتير حلوة يا منى دورى بس واكتشفى نفسك يارب احفظنى استودعك نفسى خليك معايا يارب "معية الله" الله يا رب يا رب يا رب

مدونتى انتى عارفانى صح؟؟ وعارفه انى هاجى احكيلك على موقف النهارده بصى هو هيضايقهم وهيتعب اعصابهم لفترة قليلة وده غصب عنى لانى بجد هرتاح من تعب القلب ده وانى احاول ارضى الاتنين على حساب نفسى بس هما صعبانين عليا اوى هاين عليا ارجع فى الكلام اللى انا قلته بس بقول خلاص اللى حصل حصل ياترى ممكن يحصل فى يوم ويذلنى علشان الموقف ده بس ده حقى وهو عارف كده وان انا عايزة كده انا ضربت اول بمبة وفرقعت صح ونشنت تمام بس تعرفى يا مدونتى وانا بقول البمبة دى كان هاين عليا اضحك واكتم فى الضحكة وهى بتفلت منى ااااااااااااااه كان نفسى حل الموضوع ده يكون على ايده هو مش انا لان انتى عارفه انى مبحبش اشيل مسؤلية بحب دايما يكون حد شايلنى هقنع نفسى وان شاء الله ده اللى هيحصل بإذن الله الموضوع هيعدى على خير وعمره فى يوم ما هيحصل اللى انا خايفه منه لانى خلاص حاسه بأمان وثقة بالله الحمد لله رب العالمين ----- اجمل ما فى الموضوع انى همثل وهلعب لعبة صغيرة وانا مجنونة وبحب الحاجات المجنونة ومفيش اجن من كده كان طول عمرى حاسه انى حياتى دى مسلسل وانى انا البطلة وفيه حد بيتفرج عليا بس مستنياه يجى يقولى ويوجهنى وجه فعلا عموما

القطط كائنات لطيفة اوى.. يمكن مكانش فيه اهتمام قبل سنة من دلوقتى بيهم كانت قطط عادية ممكن تعدى فى الجنينة عندنا اه مرة كنت ارتبطت بقطة فيهم وزعلت جدا لما ماتت.. بس دلوقتى بقت حاجه تانيه ممكن لو زعلانة او فى حاجه مضيقانى ومجرد ما القطة تيجى وتقعد على رجلى فى عز الليل ... بحسها محتجانى انا وبس وبحس انها بتكلمنى.. بقعد اشكيلهم واحكيلهم امبارح انا كنت حزينة علشان القطة الصغيرة كان تعبانه وبجد كانت هتموت اعتقد لو بنى ادم تعب مكنتش هتأثر اوى كده بجد انا عيطت بدموع علشانها.. الحمد لله بقت احسن دلوقتى عسولة اوى وانا بديها الدوا زى الاطفال الصغيرين وقفلت فمها من المرارة بتاعته:) دلوقتى وانا بكتب الجزء ده القط الكبير اللى بقاله سنة عندنا طلع على الـcpu ووقع كمان السماعات وبطل الاغانى ولما جيت اكتب الجملة دى اتحرك شغلها تانى:) اغنية قصة حبنا لرامى صبرى... تحفة المهم انا مش قادرة افهم ازاى كائنات لطيفة زى القطط ممكن تجيب امراض وحشة كده يارب عافينا يارب.. بس هما بجد مسليين ودمهم خفيف جداااااا ---- اثناء قرايتى ليا فى اجنداتى ومدونتى اكتشفت تحسن الحمد لله.. وهو ان الحمد لله بقت حاجات صغيرة تفرحنى م

اول مرة افتح شباك اوضتى بالليل فى الوقت ده ريحة شجرة ملكة الليل حلوة اوى ملت الاوضة بعبيرها والهوا جميييييييييل اوى بحب الليل ---- دائما لا أمل مشاهدة فيلم "فى شقة مصر الجديدة" --- بقلب فى دفاترى القديمة امبارح والنهاردة مش عارفه ليه --- بقرأ "اوقات عصيبة" لتشارلز ديكنز عندى الترجمة وان شاء الله اقرأ الرواية الاصلية مش التبسيط بتاعها --- يارب استجب للدعوات اللى قرأتها النهارده وبالذات اللى ألحيت عليك فيه انت العالم بالحال يارب ---

I want to stop that childish behavior I know that I love being like a child But you are right.. sometimes I should act like a grown up Two days ago I watched "The Prisoner of Zenda ", the way princess Flavia acts is wonderful . It's amazing now I want to be a princess I want to act like a real one I'll do my best and try hard to be one please Allah help me

الحان : سيد مصطفى غناء : سيد مصطفى - شافية احمد - كارم محمود كلمات الاغنية الجوز الخيل والعربية انغامهم كلها حنية سوق ياسطى لحد الصبحية على راسى ياهانم وعنيا الاسطى عاجبنى يامحلا غناه والدنيا ياروحى ماهيش سايعاه فرحان بالخيل اللى مانساه وحياته فى الدنيا هنية سوق ياسطى لحد الصبحيه على راسى ياهانم وعنيا ان شد السرعة بايده يمين بيحودوا زى البنى ادمين وان شد شمال برضك قايمين بواجبهم وشوية سوق ياسطى لحد الصبحية خدامك انا والعربية الجوز الخيل والعربية انغامهم كلها حنية بشتغلوا عليهم الالاتييه ---- بحبها اوى وكانت وحشانى بفتكر ايامنا واحنا صغيرين كانت حاجات جميلة اوى ---- ل لتحميل ----

كأسراب النمل .. كنقط صغيرة متدافعة.. انى لا استطيع التمييز بين وجوهكم.. لانى انظر من فوق.. من فوق من على ارتفاع شاهق يبدو كل الناس مثل بعض.. يبدون كالنمل.. سحنتهم واحدة.. وهيكلهم واحد.. مجرّد نقط تندفع في اتجاهات متعددة. وإذا صعدت إلى أعلى برج في القاهرة ثم نظرت إلى الناس تحت فإنك سوف تراهم مجرد نقط.. مجرد كرات تتدحرج على أديم الأرض ككرات البلياردو.. وستبدو عربات المرسيدس الفارهة كطوابير من الصرارصير اللامعة.. إن الأمور تختلف كثيراً حينما ننظر إليها من بعيد.. إنها تتضاءل وتتشابه وتصبح ذات سحنة واحدة.. وتصبح تافهة مثيرة للدهشة والتساؤل.. إنك تتعجب وأنت فوق في علوّك الشاهق تنظر إلى الصرصار الصغير المرسيدس.. وتسأل نفسك.. أهذا هو الشيء الذي كنت طول عمرك تحلم بأن تقتنيه؟! من أجل هذا الصرصار يحدث أحياناً أن يرتكب رجل عاقل جريمة، فيسرق ويقتل ليجمع بضع جنيهات يشتري بها هذا الصرصار؟! من أجل أن يكون وجيهاً أنيقاً؟.. ولكن لا يبدو أن هناك فارقاً بين الأناقة والبهدلة من هذا الارتفاع الشاهق.. إن كل الثياب تبدو واحدة من فوق.. أجمل النساء تبدو كأقبح النساء.. الوجوه الفاتنة والقبيحة تبدو من فوق كوجوه

بمناسبة مرور العام الثانى على هنا فى هذة المدونة المتواضعة حبيت اجاوب على تاجين مره واحده يرجعونى لاحساس التدوين الاولانى خالص ياااااااه يلا ما علينا اول تاج من انجل.. تسلم يا جميل على التاج الجامد ده والتانى من اينو.. انا عارفه انى اتأخرت اوى بس اهو جاوبته تسلمولى يا بنات ----------- الاول س1: أنتِ مين بقى؟ منى ده اسمى.. مش عارفه اقول ايه تانى س2: هل أنتِ متزوجة ؟ وهل عندكِ أولاد؟ نو نو نو لا يوجد.. لا استنوا لما كنت بشتغل فى الحضانه كان ولد صغير اسمه ادم كان بيقولى ماما يا خراشى يا ولاد كانت قمر منه اوى س3: ماذا تفعلين بوقت فراغك ؟ اقرا.. ممكن فيلم س4: هل لديكِ هوايات؟ وهل تمارسينها ؟ هوايه هوايه هوايه...ممممم ممكن الشغل اليدوى والكروشيه بس حسب المزاج واحتمال مرة فى السنة كده غالبا بتكون فى شهر ابريل ليه مش عارفه س5: هل تحبي؟ومن بقلبك الآن؟ اكيد امال القلب ده اتخلق ليه... بس اتمنى احب بجد شريك حياتى اللى لسه فى علم الغيب س6: لو لم تجدي من تحبي فماذا ستفعلين ؟ ماذا سأفعل .. برضه هحب بس فى خيالى انه وبس وده اللى قررته من فترة على فكرة والتجربة ناجحه جداااااااا مفيش تعب اعصاب ولا نرفزة

عزيزتى2010... اهلا بكى انتظرتك بفارغ الصبر اريد ان اشعر بالتغيير فاصدقك القول 2009 لم تكن كما اتمنى اخدت منى الكثير الحمد لله حبيبتى2010 اريد فيكى كل الخير لى ولكل الناس اريد بشارة الصابرين اريد رجوعى الى الله كما كنت بل وافضل اريد عملا.. فأنا اشعر بالسعادة لكونى عاملة اتمنى ان تكونى افضل حالا ابوح لكى بسر؟؟؟؟ انا متفائلة فأنتى رقم زوجى وانا احب الارقام الزوجية كما ان عمرى الان رقم زوجى هل تعلمى ما احسن شئ حدث لى فى 2009؟؟؟ هو اشتراكى فى المكتبة العامة انتهيت الحمد لله من خطابى انتظر وفى لهفه رد هذا الخطاب تحياتى ودعواتى الى كل شهورك وايامك بالسعادة لكل الناس صديقتك الجديدة .. منى