ورجعنا تانى... فيه حاجات وحشانى


وحشتووووووووووووووووووونى جدااااااااااااااااااااااااااااااااا
الحمد لله رب العالمين عدنا بعد غياب12 يوم بحالهم
حاسه انهم سنين والله
بجد وحشتونى اوى ووحشتنى مدوناتكم وكلامكم
وحشتنى الكتابة
ربنا يقدرنى وماغيبش عنك يا مدونتى يا حبيبتى
كنت مفتقداكم اوى
انتم بقيتم حاجة اساسية فى حياتى
يمكن زى الميه والهوا
وكفاية اطمئنانكم عليا وانكم لسه فاكرين منى
لو قلت مليون كلمة شكر مش هتكفيكم
بجد انتم احلى اصحاب
ربنا يخليكم ليا
وعلشان نعوض فرحة العيد اللى مفرحتهاش هجاوب تاج العيد
اللى وصلنى من اتنين ربنا يبارك فيهم- فرحانه جدا:) شكرا


بسم الله نبدأ
ماذا يمثل لك العيد ؟ وما أكثر شئ يبهجك في مظاهر العيد ؟
العيد تجديد... واكتر حاجه بحبها الاطفال وهما بيلعبوا والعيد ميبقاش عيد من غيرهم
انا كنت اخر الجيل الصغير عندنا فى الشارع بس دلوقتى ظهر جيل اولادنا ههههههههههههه خييييييييييير
يعنى الحمد لله رجعت احس بالعيد من تانى علشان الاطفال بيلعبوا وبسمع دوشة كده والشارع ليه روح
اوصف لنا طقوسك في العيد .. من ليلة العيد لآخر يوم ؟
وانا صغيرة مكنتش بنام ليلة العيد خالص وافضل حاضنه هدوم العيد وحطاهم جنبى على السرير
واحب اسمع تكبيرات العيد اوى.... وطبعا باقى الايام لعب بقى وتنطيط
دلوقتى اول يوم عيد بروح اصلى صلاة العيد وبعدها بيبقى شد اعصاب علشان توزيع اللحمة .. بس يارب ما يقطع لنا عادة
وحاجه اساسية اخد الكبدة واعملها لنا على الفطار

احكي لنا أطرف موقف حصلك في العيد ؟
والله مش فاكرة حاجه بالتحديد بس يمكن لو مدونتى كانت موجوده من زمان كنت افتكرت حاجات كتير

بتحرص على تهنئة الأهل والأقارب والأصدقاء بالعيد .. ولا مش بتهتم ؟؟
لا اكيد بهتم و بحاول على اد ما اقدر

مين أول حد تزوره أو تكلمه في التليفون /الموبايل عشان تهنيه بالعيد ؟
اصحابى

إيه الفرق بين العيد الحالي .. وعيد (أيام الطفولة )؟
يانهار ابيض ده فرق كبير اوووووووى
ايام الطفولة لعب وتنطيط وخروج
انما دلوقتى الجلوس فى المنزل فقط

تفتكر الحياة من غير عيد .. هتفرق كتير ؟؟؟
اها اكيد
والحمد لله رب العالمين السنة دى بجد اكتر سنة حسيت فعلا معنى العيد

إيه أجمل رسالة تهنئة بالعيد وصلتك .. قلنا طبعااا بتقول إيه ؟؟ ومن مين؟؟
" فى ناس زى الماس ... ذكراهم ترفع الراس... بقلوبنا نخليهم وبقدوم العيد نهنيهم" من سحر صاحبتى من كفر الشيخ ايام الدبلومة
حبيت الرسالة دى اوى

لسه بتاخد عيدية ؟؟ من مين ؟؟ وبتديها لمين ؟
اه طبعا لسه باخد عيدية من جدتى ومن بابا وماما
مبديش لحد ههههههههههههههههههه

إيه رأيك في التاج ؟
جميل اوى اوى اوى
وبجد كنت محتجاه علشان افرح نفسى لان ايام العيد مقضيتهاش زى ما اتمنيت بس الحمد لله رب العالمين على كل حال

Comments

عودا حميدا
وكل عيد وأنتم بخير

تحياتي
يااااااااااااااه
الدنيا منورة والله
ايوه كده
مال لما الناس الحلوين يبعدوا
يبقى فضل مين ينور المدونات
ارجو ان تكون ايام كانت استجمام والصحة فيها كانت عال العال
علشان انتى وحشانا ويكنك بعيده من زمان

تحياتى الراقيه
وننتظر العيديه وحتة لحمة
Mona Shereif said…
من غير عنـــوان
-------------------
كل سنة وحضرتك طيب
بجد سعيدة اوى بتشريفك بلوجتى
نورتنى




ABOALI
---------
ده نورك والله يا ابوعلى
انا كنت حاسه انى بعدت اووووووووى ومن زمان
ومعرفتش بجد اهمية المدونة واصحابى الا لما بعدت عنها كتير كده
كل سنة وانت طيب
العيديه واللحمة خلاص بعتهم
وصلوا ولا ايه ؟؟؟؟
:)
نورتنى
Meme said…
welcome back sweetheart we really missed you
kol sana wente 6aeba
Eno said…
حمد الله علي السلامه

كده مش تعيدي معانا
ولا تلعبي معانا بالبلونات ؟؟

كلامك جميل اوي عن العيد وبيفكرني باايام زمان
وكمان مودك ماشاء الله ولا قوة الا بالله حلو اوي ربنا يجعل كل ايامك سعيده يارب :)
كل سنه وانتي طيبه
حمدلله ع السلامة ياقمراية
والله ليكى وحشة كبيرة
وكل سنة وانتى لكل الخير والصحة ولاسعادة بعد العيد ماخلص
:)

وحشتينا ويارب مش تغيبي تانى
وتكون الاحوال دلوقتى احسن ياقمر
يااااااااااااااااارب
وعاوزين نسمع اخبار حلوة كتير بقى
شدى حيلك
بس براحة عليه
:)))

دمتى بحب وسعادة حبيبتى
Kiara said…
حمد الله علي السلامه ياقمر


وحشاااااااااني وفين الخبر الحلو اللي قولتي عليه

واجابات بريئه زيك

اممممممممموه
الف حمد الله علي السلامة
وحشتينننننننننني وحشتينيييييييييي

قوي قوي قوي

كل سنه وانتي طيبة كنت متاكدة انك مش هاتتأخري علينا

بوسه كبيرة كبيرة
mohamed ghalia said…
مع إنها متأخره
بس برده كل سنة وانتى طيبة
وحمدا لله على السلامة
دمتى بكل الود
حمدلله على السلامه بجد ليكى وحشه وعموما عيد سعيد والرساله حلوه ؟
ghorBty said…
الحمد لله انك بخير


وبجد وحشتيني ربنا يبارك فيك ويسر لك الاحوال


وكل عام وانت بخير يا عسل

دمت طيبه

ومستنين مواضيعك الحلوة
Gigi said…
السلام عليكم ورحمة الله وبركاته
منوره ياصاحبة أطيب قلب والحمد لله علي سلامتك وكل عام وأنت طيبه يارب
عساك من عواده
اخيرا نورتي ياقمر كنا مفتقدينك جدا بجد وكل سنه وانتي طيبه يارب وماتغبيش كده تاني وبعدين فين المناسبات الي قولتي عليها انتي هتهزري بقى

كل سنه وانتي طيبه وماتغبيش تاني
السلام عليكم..
إزيك يامنوشه ياقمر
.....
بالطبع إجاباتك زيك عسوله
الأهم إني إطمن عليكي..
...
دمتي بخير
Mona Shereif said…
Meme
-------
وانتى كمان وحشتينى والله يا ميمى
وانتى طيبة يا جميلة
ربنا ما يحرمنى منك





Eno
------
الله يسلمك يا اجمل اينو
معلش بقى بس كان لازم اقعد مع نفسى شويه اظبط امورى
وبعدين ملحوقه ونعمل كل يوم عيد
كل سنة وانتى بخير وسعيده
الحمد لله رب العالمين
وحشتينى اوى





آخر العنقود
-----------------
الله يسلمك يا مونى
ربنا يبارك فيكى يااااارب
الحمد لله رب العالمين الامور دلوقتى احسن كتير اووووى
ودايما على طول هتكون فيه اخبار حلوة
ربنا ما يحرمنى منك





مولان
---------
الله يسلمك يا كوكتى
حمد الله على سلامتك انتى يا جميل
الاخبار الحلوة فى الطريق
الف شكر على زوقك
يارب تكونى بخير دلوقتى
اموووووووووه








وومن
-------
الله يسلمك يا ميرا
الف مبروك يا حبيبتى وربنا يتمم لكم بألف خير يارب
طبعا مقدرش اغيب عنكم
ربنا يخليكم ليا
:)





mohamed ghalia
----------------
وانت طيب يا محمد
الله يسلمك يارب
معلش بقى ظروف وعدت الحمد لله على خير
نورتنى





صوت من مصر
-------------
الله يسلمك يا محمد
والله انت الاحلى ربنا يبارك فيك
وبجد شكرا شكرا على التاج






ghorBty
---------
الحمد لله رب العالمين
وانتى طيبه يا حبيبة قلبى
تعرفى انى كنت حاسه انك معايا فى كل وقت
:)





Gigi
------
وعليكم السلام ورحمة الله وبركاته
الله يسلمك يا جيجى
يا كسوفى من الكلام الجميل ده ربنا يخليكى يا قمر
وانتى طيبه يا حبيبتى
نورتينى بجد







حاسوباتيه
-----------
اهلا بالجميل
وانتى طيبة يا حبيبتى
لالالالالالالالا انا مش ههزر خالص اصبرى بس الصبر طيييييييب
ان شاء الله مناسباتنا كلها حلوة
حاضر مش هغيب تانى
:)





M.K
------
وعليكم السلام ورحمة الله وبركاته
الحمد لله تمام يا جمييييييل
وحشتينى
ربنا يخليكى يارب
فى حفظ الله
:)
Selfmeaning said…
ايه يابنتى الغيبة ديه
مش معقول بجد
وحشتينى موت
و كل سنة و انتى طيبة
و اتمنى انك تبقى السنة ديه فى بيتك
و تبقى عالطول فرحانة
السلام عليكم ورحمة الله وبركاته

بارك الله فيك

وجزاكم الله خيرا نود مشاركتكم معنا في الحوار المفتوح مع مدونة عاشقة النقاب

لمتابعة الحوار وطلب المشاركة في الحوار ومعرفة يوم الحوار إضغط علي ملف التعريف
أو
كن معنا علي هذا الرابط
http://akhbarhawety.blogspot.com/

مع تحيات رابطة هويتي إسلامية
كلمة حق said…
كل عام وأنتم بخير بمناسبة رأس السنة الهجرية.

يارب تكون سنة جديدة تحمل فى طياتها الامل لغد مشرق .

نرجو نكم مشاركتنا بأقتراحاتكم وأرائكم فى الرابطة

نحتاج مشاركتكم الفعالة

"رابطة هويتى اسلامية"
كلمة حق said…
السلام عليكم ورحمة الله وبركاته

أختى الكريمة

كيف حالك اولا أتمنى أن تكونى على احسن حاك

منذ فترة طلبتى نقلك من أعضاء المجلس الاستشارى للرابطة إلى الاعضاء المشاركين
لن أسألك عن السبب لعدم التدخل فى شؤنك ولكن أسأل فقط هل هذا القرار له علاقة بالرابطة أو بأعضائها أو أسلوبها
ام أنه لأسباب شخصية

وهل لفترة بسيطة أم للأبد

ولماذلا لم تشاركينا بتعليقاتك وأرائك فى الرابطة وقد حزفتى الشعار من مدونتك

أرجو منك الرد على للأهمية فنحن نريد ان نطمئن عليكى ليس أكثر وهذا القرار كان مفاجئ بالنسبة لنا جميعا

أبو خيرى
Mona Shereif said…
Selfmeaning
-------------
معلش يا اجمل نونا
وانتى طيبه يا جميل وبخير يارب
على فكره كنت عندك من يومين اول مارجعت بس النت كان فصل ومالحقتش ارد
الحمد لله انك ما سافرتيش
اختيار ربنا اجمل اختيار



أخبار المدونين
--------------
وعليكم السلام ورحمة الله وبركاته
ان شاء الرحمن
جزاكم الله خيرا




كلمة حق .... هويتى اسلامية
-----------------------------
وعليكم السلام ورحمة الله وبركاته
اهلا بيك
والله وحشنى تعليق حضرتك جدا
الحمد لله انا بخير
وشكرا على سؤالك جزاك الله خيرا
سبب خروجى من الرابطة هى ظروف شخصية وانا قلت انها بسبب ظروف بمر بيها
كمان معدتش بكون منتظمة زى الاول
ان شاء الله هشارك بتعليقات انما ارجع للعضويه فبجد انا مش هقدر لانى هظلمكم معايا وحرام عليا
بس ان شاء الله اى افكار هتكون عندكم واشارك بالتعليقات ان شاء الرحمن
الشعار انا لقيتكم غيرتو الصور فحبيت اغيره انا كمان ومعرفتش لان زى ما قلت النت كان وحش ومبلحقش ارد خالص ولا اعمل اى حاجه
معلش واعذرونى بجد
وبالله عليكم تفتكرونى فى دعائكم
الف شكر بجد






M.K
----------
وانتى طيبه يا جميييييييييييييييل
ربنا يبارك فيكى
والله كنت عارفه انى هلاقيكى فاكرانى كده
كل سنة وانتى كمان طيبه
خلاص عدينا وبقينا 23 سنة
كبرنا
هههههههههههههههههههههه
يارب كل سنينك تكون خير يارب
holyday said…
سلام عليك
كيف حال
مع ان هدا اول مرور
انا ضفتك في لسته عندي
عجبتني هلبه
ونتمني نولو صحاب

علب فكره
صوره هلبه عجبتني
معبره

اختك
فتاة من زمن اخر
Mona Shereif said…
holyday
-----------
وعليكم السلام ورحمة الله وبركاته
اهلا بيكى يا جميل
ربنا يبارك فيكى
والله يسعدنى نكون اصحاب
تسلميلى يارب
والمدونة كلها تحت امرك
:)
نورتينى

Popular posts from this blog

الجوز الخيل

ارادة الله لا قرارى

اذن يا بلال