تحويشة كلام

انا عارفة انى مجنونة
لسه عاملة موضوع اغنية عن الرسول صلى الله عليه وسلم البوست اللى فات يمكن من دقايق
بس قلت اعمل واحد تانى

هتكلم عن اى حاجة وفى اى حاجة
انا انذرتكم دى تحويشة اسبوع بحاله
يعنى محدش يقولى صدعتينى
ابدأ بايه ابدأ بايه ابدأ بايه
مش عارفه
بس انا اتعلمت حاجات كتير اوى الاسبوع ده
لقيت كام مقالة عن اركان الاسلام بالانجليزى
the five pillars of Islam
واتعرفت على مفردات جديدة مكنتش اعرفها قبل كده
تعرفوا ان معنى كلمة ركعة بالانجليزى
unit
وكمان الاحاديث الشريفة لرسول الله محمد صلى الله عليه وسلم اسمها
the traditions of Muhammad
وضوء يعنى
ablution
والخمس صلوات بيتكتبوا كده
Fajr.. the dawn prayer
Dhur.. the early afternoon prayer
Asr.. the late afternoon prayer
Maghrib.. the evening prayer
Isha.. the night prayer
وصلاة الجماعة اسمها
congregational prayer
الاقامة يعنى
summons

قرأت كتاب الصحة الاجتماعية لقيته عند اخويا المفروض بيدرسه
فيه معلومات هايلة بجد وفى اخر الكتاب مجموعة من الممارسات الشعبية فى دلتا مصر والطب الشعبى وكده
ومجموعة امثال حلوووووووة
وبمناسبة الامثال جدتى كانت قالت واحد عجبنى اوى " بعد الكتير وبعد ما كنا ... صبح القليل يرضى خواطرنا" مش هقولكم كانت بتقولها والدموع ماليه عنيها ازى... ربنا يخليكى لنا يارب ويديكى الصحة ويروق لك بالك يااااااااارب

البدرية منسية
ده برضه مثل بيتقال وفعلا صح جدااااا
لما عملت اللى ورايا فترة الصبح دى بجد حسيت انى فاضية خالص وبالى رايق .. انا جربتها يوم واحد يارب افضل اداوم عليها ولو انى بقالى يومين مش كده خالص ههههههههههههههههه

اه قرأت جزء فى كتاب الرجال من المريخ والنساء من الزهرة... الكتاب ده فعلا كويس
بيقول الكاتب ان الرجال زى الحزام المطاط بيبعد بيبعد بس لازم بيقرب تانى هما بس بيحتاجوا لوقت يبقوا مع نفسهم وبعيد.. ولما اكون متضايقه وعايزه الوم بلاش الومه او اكلمه وانا فى المود ده واحاول اخرج الكلام ده فى ورق او انى اكلم حد تانى

مش عارفه افتكرت اول ما دخلت اعدادى وكان اجبارى اننا نلبس ايشارب مع زى المدرسة
وفعلا التزمت بيه ومرة كنت خارجه من البيت ورايحه مشوار من غير الايشارب وكنت مكسوفه اوى وحاسه ان فيه حاجه ناقصانى
اى نعم كنت بلبسه ونص شعرى بيبقى باين منه... اصلى مكنتش اعرف ليه هو حجاب
لغاية ما دخلت الجامعه والحمد لله بقيت التزم بالحجاب صح وكفاية نظرة الاحترام اللى بشوفها فى عنين الناس والتعامل كمان
الحمد لله على نعمة الحجاب

الحلال حلو اوى اوى اوى
بجد حاجه حلوه لما البنت تجرب حاجات لاول مره مع اللى ربنا كتبهولها ومن نصيبها
يا بنات متستعجلوش واصبروا محدش بيتجوز مرات حد
بقيت اخاف على الشباب اوى
يارب احفظهم يارب

يوم الاحد اللى فات كنت متضايقة اوى وبعيط من كذا موقف وان الصغير معادش بيحترم الكبير..
الكبير لو زعقلك يبقى خايف عليك ليه انت شايف انه بيكرهك
كمان احساس صعب لما تحس ان البعيد عنك قرب بس برضه حاسس انه بعيد اوى يمكن لما كان بعيد كان اقرب من وهو قريب
خرجت مش عارفه انا رايحه على فين بس قلت لازم اسعد نفسى
اشتريت شيبسى وعصير واكلت فى الشارع
هنقول صح ولا غلط انا مش عارفه
المهم انى كنت فرحانه وانا بعمل كده

بتابع مدوناتكم من غير ما اسيب تعليقات ليه مش عارفه
والله يمكن ما بيفوتش كام ساعه على بعض من غير ما افتح مدوناتكم
جايز وحشنى احساس لما الاقى مدونة حلوة وعلى مزاجى وامسكها من اولها لاخرها قراية وكمان اقرا التعليقات
بس انا بقرأ لكم كل كلمة

حاجة اخيرة بقى
هى كتابة اليوميات غلط؟
يعنى من الاخر اللى انا بعمله فى المدونة ده غلط
بس فعلا انا دورت على حاجه تانيه ما لقيتش نفسى غير فى كده
ولقيت راحة كبيرة بوجود مدونتى وكتابة الكلام ده ... ليه كمان اتحرم من الراحة دى
لما سمعت من كذا شخص وقالى ان كتابة الحاجات واليوميات دى غلط - مع العلم ان الناس دى بجد خايفه عليا وانا عارفه انهم بيتمنوا الخير ليا- بس كانت نفسيتى هباب اوى
ياريت تجاوبونى ووحشتونى وكمان سامحونى
سلام عليكم

Comments

mahasen saber said…
يعيش الانسان وهو بيتعلم
جميل قوى يا منى شغفك بتنمية لغتك الانجليزيه
ربنا يوفقك وعجبتنى قوى قوىى الاغنيه

وحشتينى جدا جدا جدا
mohamed ghalia said…
أختى العزيزة
جميل قوى انك بتتعلمى من كل حاجة بتقرأيها
وكمان جميل إنك بتهتمى بكل كلمة بتنكتب فى مدونات أصدقائك
أما عن موضوع الكتابات الشخصية أنا من رأيى التنويع كويس ميبقاش كل المواضيع عن حياتك يعنى مرة كده ومره كده
تحياتى أختى العزيزة
مفكر said…
السلام عليكم::

لما أنا بقرأ عن يومياتك هعرف شخصيتك كلها..

انا كمان في مرة هكتب كلام حشو زيك وعايز ابقى أشوفك ونشوف مين بيحشي أحسن..

كويس انك ليكي اطلاعات مختلفة..

هقولك اقتراح::

انت خايفة على الشباب؟

طيب اعملي بوست اكتبي فيه انت خايفة على السباب ليه وعايزاهم يعملوا ايه..مثلاً..

انت قارئة؟ طيب اعملي بوست أفيضي علينا فيه مما قرأت ومما فهمت وشعرت..

كدة يعني..

أخوك في الله

مفكر
نعكشة said…
انا مكنتش عارفة الكلماتت الانجليزي اللي قولتيها
مش كلها بس كتير منها
تسلمي


الصحة الاجتماعية الطب الشعبي زي اية؟؟؟؟ بس عشان ابقى واخدة بالي


ساعات كتير بحب اسمع الامثال الشعبية

كانت جدتي الله يرحمها لما تقول مثل كانت بتقول قصته معاة

ربنا يرحمها بقة و يطيل في عمر جدتك في العمل الصالح ان شاء الله


البدرية منسية يعني اية؟؟؟ يعني البركة الصبح يعني

؟؟؟
اعتقد ان فيه حديث باين فيما معناه
إن في البكور بركة


انا حضرت درس تنمية بشرية عن الكتاب بتاع نساء من الزهرة و رجال من المريخ دة
كانت لذيذة موت

ربنا ينعم علينا جميعا بنعمة الحجاب الصح

انا محتاجة اخد كورسات مكثفة في الاحترام


مين قال ان الاكل في الشارع غلط؟؟؟
انا عايشة في الشارع صراحة

مش عارفة صراحة اذا كتابة اليوميات خطأ دينياً و مسمعتش فتوة بتحريمها

بس ممكن غلطا من وجهة نظر اجتماعية عشان محدش يعرف عنك معلومات يستخدمها ضدك

مش عارفة والله

بس من رأيي المعوق بس خدي بالك متكلميش عن حاجات شخصية قوي يعني و خلاص

انما اكتبي يوميات عادي

دة رايي
انا لست مفتية
ولا خبرة في المعاملات الانسانية

سو لكي الحق في اخذة او لأ


يا رب دايماً تبقي مبسوطة

سلام عليكي
كلمة حق said…
السلام عليكم

أختى الكريمة

جزاك الله خيراً على هذه المعلومات القيمة
ربنا يبارك فيكى ويرزقك الثبات

وبالنسبة لوضوع اليوميات أرى أنه ليس خطأ طالما لا تفعلين فيها شىء خاطىء بل يمكن أن يكون دعوة
نعم دعوة فمثلاً كما ذكرتى عن موضوع الحجاب وتجربتك فيه يمكن أن يكون دعوة لغير المتحجبات الى الحجاب بس لازم تخلصى النية

ومن وقت للتانى جددى وتكلمى فى موضوعات أخرى حسب أهميتها بالنسبة لك ولدينك ولبلدك.

ومن خلال مشاركتك معنا فى رابطة هويتى اسلامية سوف تتواصلين مع مجموعة هى بحق من أفضا المدونين أصحاب الاهداف وسوف نتعلم الكثير من بعضنا

أرجو أن تقرأى رسالتى الجديدة فى مدونة الحب
من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
ارسل ميلك اذا كنت ترغب في كود البنر
من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
ارسل ميلك اذا كنت ترغب في كود البنر
السلام عليكم ورحمة الله وبركاته
لقد تم بتوفيق من الله اختيار أعضاء المجلس الاستشاري
وهم
كلمة حق ( أبو خيري )
جبهة الدفاع عن العمدة حزين ( أبو فاطمة )
أخر العنقود
غربتي
امة الله ( موناليزا )
هل تبحث عن السعادة (محمد غالية )
ملك المدينة
فتوح أبو المفاتيح
ولا يهمك ( بس خلاص )
ساعات ساعات
وليد الإسلام
إحنا ( زرزور )
نتمنى من الإخوة الأعضاء في المجلس الاستشاري تحديد الموعد لأول جلسة للمجلس الاستشاري في اقرب فرصة
طريقة التحديد
مثال
اليوم ما بين كذا وكذا الساعة ما بين كذا إلي كذا
نرجو سرعة الرد في أسرع وقت
مع الرجاء إعداد اقتراحاتك لورقة العمل في الجلسة
جميل اوى ترجمة الكلمات اللى قلتيلنا عليها ربنا يكرمك
اما عن رايى الخاص فى كتابة اليوميات
فانا وجهة نظرى ان اى حاجة ليها هدف والقارئ هيستفيد منها او صاحب الموضوع مثلا بياخد اراء القراء يبقى ايه المانع
Meme said…
اول حاجه وحشيتينااااااااا
تانيا شكرا على مفردات الانجليزي بجد ماكنتش اعرفهم
والامثال طبعا مااعرفهمش لانها اكيد امثال شعبيه عندكم بس حلو مثل البدريه منسيه فالاول مافهمتوش الا لما فسرتيه
كمان ضحكتيني لما اشتريتي الشيبس حسيت كأنك طفله صغيره و فرحانه ربنا يسعدك كمان و كمان
الكتاب سمعت عنه بيقولو ان مبيعاته هايله بس ماقريتاش
نجي لحكايه كتابه اليوميات ...غلط من اني ناحيه؟؟؟ يعني حرام و لا عيب؟؟؟ما اعتقدش انها لا حرام و لا عيب بالعكس اعتقد انها فسحه عشان الواحد يطلع اللي جواه احسن ما ينفجر و في نفس الوقت بيتعلم من غيره
والله اعلم
Eno said…
السلام عليكم
وحشتني اوي يامني
الموضوع بتاعك حلو اوي والاغنيه اللي قبله كمان حلوه اوي
اول حاجه بشكرك عن المعلومات اللي في اول الموضوع
اما بقيت كلامك انا حسيته من قبل مااكون قريته
انا زيك لما بكون مضايقه وقاعده لوحدي بحاول ادور علي حاجه اعملها وتسعدني يمكن اكون مش ددايما بلاقيها بس كفايه اني بحاول
حاولت كتير اني اكتب يوميات ليا في البلوج بتاعتي بس لقتني هزعل ناس كتيره اوي ممكن اكتبلهم موضوع تاني يفرحهم او يسليهم
وبفضل اكتب اللي جوايا مابيني وبين ورقه وقلم
اني تكتبيها علي المدونه دي حاجه حلوه مش وحشه بالعكس بتشركينا في كل جوانب حياتك وده ممكن يخليكي تستفادي كتير من اللي حوليكي
كلامك جميل اوي وعاوزله قاعده ولو قعدت اعلق بيقا هعلق عن كل كلمه كتبتيها :)

تحياتي ليكي يارب دايما ليكي كل السعاده :)
السلام عليكم ..
وحشتيني يا منمونه..
..........
رجعنا تاني لتوارد الأفعال...
.........
أنا فعلا لما بكون مضايقه..
بروح على البقاله
وبشتري شيبسي وعصير
وحاجات تانيه ..
مش حقول مصاصه عشان متنطليش كيارا بالنص..
..............
كتاب الرجال من المريخ والنساء من الزهره
فعلا بدأت أفكر أقراه من فتره
وإنتي سبقتيني..
.........
جميله المعلومات الجديده الي تعلمتيها..
..........
دمتي بخير..
يا قمرايه..
Kiara said…
يامنوش انتي اكتبي اللي تكتبيه المهم انك مرتاحه وده الاهم اصل الراحه بقت غاليه اوي

وفرحانه بيكي انك بتنمي اللغه ربنا معاكي ياقمر
ساعات ساعات
انتى اخترتى المره دى ساعات جميلة ليكى فعلا ولى شخصيا
لن استطيع وصف سعادتى بهذا البوست لعدة اسباب
1- بدء خطوات الثبات الانفعالى ليكى
2- اولى خطواتك المهمة فى تشكيل حياتك
3-تحميس ورفع روحك المعنويه لنفسك بدون تدخل خارجى
4-الراحة فى طاعة الرحمن والتاءكيد على ذلك منك
5-استغلال الوقت الذى هو حياتك باءفاده للجميع ليكى ولينا


وحاجات كتيرة والله عاجبنى يا ساعات ساعات عجبتنى
انا شخصيا افرح لمن يعرفون استغلال حياتهم وعدم التهويل فى المشاكل التى تسمى توابل
فاءذا كان هناك هم كبير فنحن نتذكر ان رب الهم اكبر
لذا نمضى فى الحياه ونحن نعرف الطريق

لذا سأظل احييك مرات ومرات واشكرك على المعلومات الاكثر من مفيده لى شخصيا
واستمرى بهذه الفطرة الجميله التى تتمتعى بيها مع التقائيه الرائعة

اما ما اريد قوله بالنسبه للتدوين
سأقول لك قول الامام على
فاءن استصعب عليك شيىء فيه قولى لى

قال الامام
ليس مالايعرف ينكر
ولا ليس كل عرف يقال
ولا كل ماقيل حضر اهله
ولا كل ماقيل جاء اوانه


فاءن ادركتى

ليس كل ما يعرف يقال

وفهمتى قصدى
فاءنتى ستكونى دائما فى راحة البال
وان شاء الله تكونى
ما شاء الله
مدونة متميزة
منى said…
تصدقى عايزه ارجع اذاكر انجليزى تانى وارجع لهوايه الترجمه انتى كده حمستينى

وكتب اخوكى لم يمتحن ان شاء الله هجى استلفها منكم يعنى اعملوا حسابكم من دلوقتى

الحلال حلو اوى اوى اوى
فعلا احساس جميل والاجمل لما تيجى تعملى حاجه ومقلقه منهاوتقولى لنفسك لاء نتقى الشبهات احسن
احساس رائع

طب ليه مكلمتنيش وانتى مضايق بس خدى بالك متنسيش نفسك مع الشيبسى اصل عواقبه وخيمه
ههههههه
موضوع اليوميات انتى عارفه رايى
يارب يكون النت جه عندكم
سلام يا منمن
Lady E said…
يااااااه يا نونا وحشتييييييني جدا جدا جدا

معلش مدخلتش مدونتك من فترة بس بجدانتي دايماعلى بالي

في كل مرة بقرأ البوستات اللي بتكتبيها بحس بجد انك شخصية جميلة جدا وانا بحبك في الله

وعارفة نفس الكلام بتاع المدونة وكتابة يومياتك حصل معايا
بس انا سايبها لله لاني بفضفض عن نفسي والحمد لله مش بعمل حاجة غلط

دمتي في حفظ الرحمان
Mona Shereif said…
mahasen saber
--------------
انتى اللى وحشتينى اوى يا محاسن والله
ومبروك عليكى يا حبيبتى خبر الجريدة
ربنا ينجحك دايما يارب
Mona Shereif said…
mohamed ghalia
-----------------
اهلا بيك يا محمد
الحمد لله رب العالمين
طبعا لازم اتابع اصحابى ربنا يخليكوا ليا
اما عن التنويع فا انا الحمد لله تقريبا بعمل كده
بس اللى قلقانه منه المواضيع اللى بكتبها عن حياتى دى
عموما خير ان شاء الله وربنا يوفقنا الى ما يحبه ويرضاه
نورتنى يا محمد
Mona Shereif said…
مفكر
------
وعليكم السلام ورحمة الله وبركاته
انا شايفه ان اليوميات حاجه جميلة
بنتعلم منها وانا بحبها اوى عندى اى حد
يمكن دى اكتر حاجه بستمتع بيها
اقتراحاتك جميلة جدا
وانا كنت عملت قبل كده الكلام ده
يعنى الى حد ما
ربنا يكرمك والف شكر على اقتراحك بجد
نورتنى
Mona Shereif said…
نعكشة
--------
نورتينى يا نعكوشة بأول زيارة وبأحلى تعليق
ايه الجمال ده
وعايزه اقولك ظبطت تعليق تمام ويدوب بعمل نشر

النت فصل وطار التعليق
ااه يانى هكتب تانى
ده يعلمنى اعمل كوبى الاول
المهم يا قمر
انتى ئؤمرينى فى اى كلمات اهو الواحد بيحاول

يرجع للى نسيه من كام سنه
كتاب الصحة الاجتماعية يا ستى اتكلم عن صحة

المرأة فى جميع مراحل عمرها و انها لازم تستشير

المختصين وازاى تحافظ على صحتها وهى ام وكده

يعنى
الجزء الاخير من الكتاب اتكلم بقى عن حياة الناس

قبل ما كانوا بيروحوا لدكاترة واتكلم عن المجبراتى

والداية والوصفات اللى كانوا بيعملوها وقال

الحاجات الصح والحاجات الغلط

اما الامثال الشعبية دى حكاية بجد الواحد بيكون

مستمتع بيها جدا
ربنا يرحم جدتك وجدى وموتى الملسمين اجمعين

يارب العالمين

حديث الرسول صلى الله عليه وسلم البركة فى

البكور تمام برافوا عليكى وهو ده المقصود

من زمان محضرتش كورسات والكتاب تحفه

وبيضم مواقف كتير حلوة بس ربنا يقدرنا ونطبق ده

صح

والحجاب نعمة ربنا يقدرنا ونحافظ عليها ويثبتنا

هههههههههههههههه
الاكل فى الشارع ساعات بتكسف بس لما كنت

متضايقه قلت عادى بقى مفيش مشكلة المهم اسعد

نفسى

اما اليوميات عندك حق ان حد ممكن يستخدمها

ضدى بس برضه انا مش بقول كل حاجه يعنى فى

حاجات جوايا مينفعش تطلع بأى شكل من الاشكال

لو حتى لنفسى

رأيك جميل وتعليقك اجمل ربنا ما يحرمنى منك ولا

من زيارتك ابدا

يارب كلنا نكون مبسوطين دايما
وعليكم السلام ورحمة الله وبركاته
Mona Shereif said…
كلمة حق
---------
وعليكم السلام ورحمة الله وبركاته
جزانا واياك يارب كل الخير ان شاء الله
يارب اللهم امين
اهم حاجه النية والحمد لله رب العالمين
الحمد لله المدونة تقريبا بتتكلم عن حاجات كتير مش

حاجات شخصية وبس
يمكن الفترة دى بقيت اتكلم عن حاجات تخصنى من

اللى بشوفه او انى مش عايزه اضيع وقت حلو ربنا

كتبهولى وبتمنى الكل يفرح معايا

الرابطة ان شاء الله اكيد هتضيفلى كل جديد ومفيد

وبجد الحمد لله لانى كنت عايزه اعمل حاجه

وماكونش سلبية لانى شفت مدونات مش كويسه

بتتكلم عن ربنا بطريقه وحشه جدا وعن الاسلام

كمان ومكانش فى ايدى حاجه اعملها يعنى الرابطة

جت فى وقتها الحمد لله

موضوعك قرأته برضه على فكرة اول ما حضرتك

نزلته بس للاسف مرديتش مش عارفه ليه عموما ان

شاء الله هيكون تعليقى موجود قريب
جزاك الله خيرا ربنا يكرمك
Mona Shereif said…
م/ الحسيني لزومي
--------------------
الف شكر ليك
نورت المدونة
Mona Shereif said…
رابطة هويتي اسلامية
---------------------
وعليكم السلام ورحمة الله وبركاته
ان شاء الله رب العالمين بس اتمنى النت ما يفصلش

لانه بيعملها كتير اوى دلوقتى
ربنا يوفقنا يارب ويبارك فيكم
Mona Shereif said…
موناليزا
----------
تسلمى يا مونى الله يبارك فيكى ويحميكى
طمنتى قلبى
والحمد لله انا شايفه انى هى مش بتضر حد انما

بالعكس ممكن تفيدهم وعموما ربنا يقدرنا دايما
ربنا يخليكى ليا يا حبيبتى
Mona Shereif said…
Meme
-----------
وانتى وحشتينى والله يا ميمى
لا شكر على واجب يا جميل
وكل ما اعرف امثال جديده هقولها هو انا اطول
يارب يا ميمى هههههههههههه احساس الطفولة ده

جميييييييييل اوى ياريت نحسه على طول
الكتاب انا ما اشتريتهوش بس حملته من على النت

ممكن تبقى تنزليه هو جميل فعلا

كلامك عن اليوميات جاى على مزاجى وعلى هوايا
الحمد لله رب العالمين
وان شاء الله منعملش حاجه غلط ولا حرام
وحشتينى يا حبيبتى اووووى ونورتينى
Mona Shereif said…
Eno
------
وعليكم السلام ورحمة الله وبركاته
وانتى كمان وحشانى خالص يا اينو... يارب دايما

على طول بنحب بعض كده .... الحمد لله رب

العالمين
الله يخليكى يا اينو لاشكر على واجب يا حبيبتى
وعلى طول قلبك دايما بيبقى عارف كلامى من غير

ما اقوله ومن قبل ما اكتبه ... علشان قلبك طيب ربنا

يحميكى يارب
والله يا اينو انا بتضايق لما بتعب الناس اللى حواليا

وخصوصا اللى بحبهم
بس لما بلاقيكم جنبى بفرح اوى... علشان كده كل ما

بفرح بحب افرحكم معايا
وانت تكتب براحتك يا باشا ده بلوجتى كلها تحت

امرك ... يااااااارب يا اينو انتى كمان يا حبيبة قلبى
اه من الحق انتى بتكلمى نوسة او تعرفى اى اخبار

عنها؟ وحشتنى اوى البنت دى
سلام يا قمر ربنا ما يحرمنى منك
Mona Shereif said…
M.K
-------
وعليكم السلام ورحمة الله وبركاته
وانتى كمان وحشتينى يا جميل جداااا
ده اجمل حاجه توارد الافكار اللى بتجمعنا على طول
ههههههههههههههههههههه لا كيارا سيبيها عليا

هنقول مصاصة كمان وهبقى اجيبلها شويه هتسكت

على طول
يارب دايما سباقين فى الخيرات واننا نتعلم طول

حياتنا بس من غير ما نتألم
انتى الاجمل يا حبيبتى ربنا يبارك فيكى
Mona Shereif said…
مولان
--------
فعلا الراحة بقت غالية اوى عندك حق
ربنا يفرحك دايما يارب ويحميكى
بس مش هتقوليلى انتى مين بقى
ولا اللى فى بالى صح ولا غلط
نورتينى يا جميل
وبرافو عليكى انك مسيبتيش التدوين لانه جميل فعلا
وبجد انا بزعل لما بلاقى الناس مشت من غير ما
تطمنا عليهم
ربنا يوفقنا دايما
Mona Shereif said…
ABOALI
------------
الحمد لله يا ابو على
ربنا دايما يقدرنا على اننا نفرح الناس اللى بنحبهم على طول يارب
والاسباب اللى حضرتك كتبتها دى فرحتنى انا ربنا يبارك فيك ياااااااااارب
جميل اوى انك كتبت ان المشاكل توابل... بجد هايله
الحمد لله
قلت لحضرتك قبل كده ان ردك بقى مهم جدا ليا ومع كل مره بشوفه بتزود حاجات كتير ليا... جزاك الله خيرا
رضى الله عنه
حاضر
ليس كل ما يعرف يقال
هسمع الكلام ان شاء الله
تسلم يارب من كل شر
Mona Shereif said…
من غير عنـــوان
-----------------
ربنا يبارك في حضرتك يارب
نورتنى والمدونة زادت تميز بتعليق حضرتك
Mona Shereif said…
منى
--------
شفتى بقى يا منى
ياريت نترجم ونشيل الصدأ اللى جه على اللغة بتاعتنا اللى تعبنا فيه وعشنا حياتنا كلها نتعلمها
يخراشى ده انا اجيبهالك من دلوقتى ههههههههههههه اخويا مبيفتحهومش اصلا

صح يا منى لازم نتقى الشبهات وربنا يقدرنا ويثبتنا

لما كنت متضايقه كنت بره وبعدين يا منى انتى كلمتينى فى الوقت اللى كنت خلاص هههههههههههههههههههههه وانتى شفتى انا كنت عامله ازاى ههههههههههههههههههههههه ربنا يخليكى ليا ويبارك فيكى يا حبيبتى

لااااااااااااا الشيبسى ده ما باكلوش الا فى المواسم
ههههههههههههههههه وفين وفين لما بخرج واعمل حاجه براحتى

اليوميات اعتقد انا وصلت لقرار كويس الحمد لله

وخلاص النت وصل ربنا يهديه ياااااااااارب
سلام يا جميل ربنا يخليكى ليا يااااااااااارب
Mona Shereif said…
Lady E
------------
والله وانتى كمان يا ليدى وحشانى اووووووووى
يا حبيبتى ولا يهمك اهم حاجه اللى فى القلب وكويس انك رجعتى تانى لاحسن كنت هزعل منك اوى
والله انتى اللى جميلة ربنا يبارك فيكى يا حبيبتى
فعلا نسيبها على الله واهم حاجه نكون مرتاحين

والحمد لله مبنضرش حد
اهم حاجه راحتناااااااااااااااااااا
ربنا ييسرلك امورك يا حبيبتى
Eno said…
مرسي يامنمن علي الكلام الجميل ده
علي فكره انا مش بكلم نوسه غير علي البلوج بس هي نزلت بوست جديد اول امبارح تقريبا انا علقت عندها ووصلتها سؤالك ياقمر

ادخلي انتي كمان اطمني عليها

سلام ياقمر :)
يؤ يؤ هو كل ما ادخل مدونة القي حد بيقول انه مجنون

وبعدين إلي عايز يبقي مجنون لأزم يجي المستشفي عندي الأول لأني أنا مديرها هههههههه

****************

بالنسبة لموضوع الأحترام بين الكبير والصغير .. فحاليا الموضوع ده بقي قليل خالص بسبب التاثير السلبي للأعلام علي الأطفال والكبار كمان

******************

وبالنسبه لموضوع أنك تصحي بدري فبجد دي أجمل حاجه وبتحسي أن الوقت بقي فيه بركة وأنك لحقتي اليوم من أولة

والرسول عليه الصلاة والسلام بيقول ( بارك الله لأمتي في بكورها )

*************

وبالنسبه لموضوع اليوميات

هي حاجه حلوه بتنفس عن الواحد إلي هو فيه
بس في نفس الوقت بتبقي مش حلوه علشان ممكن تقولي حاجات بتعمليها وتكون مش مظبوطه ،، وممكن أي حد يخدها ويعمل بيها ،، وتبقي أنتي كده بتأثري عليه بالسلب

تقبلي مروري سيدتي
مجنووون
Mona Shereif said…
eno
-----
تسلميلى يا اينو
ربنا يبارك فيكى انك عرفتينى
لاحسن النت كان فاصل بقاله يومين
Mona Shereif said…
مـجـنـووون
-------
ههههههههههه معلش بقى يا مجنون مهو انا لازم اتجنن الاول
وسامحنى انى اتأخرت عن المستشفى بتاعتك

بس لما الصغير معادش بيحترم الكبير الدنيا هتبوظ
وبجد حاجه تنرفززززززززز
ربنا يهدى


جزاك الله خيرا على الحديث
تعرف انا فكرت مره هما ليه ما بيعملوش اوقات الشغل بدرى وبيخلوه مثلا لـ 9 وكده
ههههههههههههههه

اما اليوميات وجهة نظر حضرتك فى محلها
ومكنتش واخده بالى منها
:)
نورتنى وسامحنى على تقصيرى بجد اسفه
السلام عليكم ورحمة الله وبركاته
**لقد تم تحديد الموعد وهو
الجمعة القادمة الموافق 21/11/2008 وذلك في تمام الساعة الثامنة 8 مساءا ..الاجتماع يبدأ في تمام الثامنة وتبدأ المناقشات في تمام الثامنة وعشرة دقائق 8:10 واعلم الجميع عند حضورك عن طريق تسجيل تعليق بإعلام الحضور.

**نرجو من الإخوة الأعضاء إرسال الايميل حتى يستطيع العضو حضور الجلسة " (((لنستطع إرسال الدعوة إليه للمدونة الخاصة بالأعضاء لأنه لا يستطيع التعليق فيها إلا بالايميل ".



نرجو زيارة الرابطة ( حجرة الجلسات ) لمعرفة ورقة عمل الجلسة الأولي.. وذلك صباح الجمعة.
moory-mero said…
السلام عليكم و رحمة الله و بركاته

أولا ميرسي ليكي على الكلمات اللي عرفتيني بيها جزاكي اله خيرا

ثانيا كتير مننا بيكون نفسه يتكلم انا على فكرة فكرت زيك برده ابعد عن المدونات والتدوين عموما

بس من غير ما حد
يقولي انه غلط بس موش عارفه حسيت انها بتعرف الغير عني كل شيء وفي نفس الوقت قلت واقنعت نفسي الانسان خلق بطبعه اجتماعي حتى ولو هو موش كده بس لازم يعرف الناس والناس تعرفه لازم يحس بالغير والغير يحس بيه
حتى لو حصلنا لا قدر الله أذى والله خير حافظ
بس بجد موش عارفه حسيت اني مرتاحه وانا بكتب اللي حساه وشايفاه

سعيده بمروري بمدونتك

في رعاية الله
Aиgel said…

السلام عليكم ورحمة الله وبركاته

أزيك يا منى ؟؟
أخبارك إيه يا جميل؟؟

جميل جدا الموضوع
وكم أعشق أنا المواضيع الذاتية

وبجد زي ما انتي اتعلمتي اشياء جديدة علمتيني كمان حاجات جميلة اوي

ربنا يسعدك يارب

أختك
Angel Love

EMMY BABY said…
منمن انا عايزة اعيط علشان انا حاسة انك واخدة على خاطرك منى علشان بقالى فترة مقصرة معاكى بس والله سامحينى غصب عنى

انتى وحشتينى فعلا

بس بصراحة دخلت اتبسطت من البوست لانى حسيت فيه انك بدأتى تشعرى بالرضا عن نفسك وعرفتى جزء من طريق السعادة ربنا يسعدك كمان وكمان يارب

واحلى حاجة انك بتفيدنا بما تعلمتى بعد لما بتستفيدى

ربنا يكرمك يارب

ايمى حبيبتك

هى غلاسة بقى

حبيبتك ولا لا

ها


انطقى اقرى اعترفى :p

تحياتى يا منمن يا قمر

ايمى
كل ده كلام وعموما عادى بس للعلم كلنا مجانين ؟
Bosssssy said…
ضحكتينى يامنى فى بداية البوست بس رجعتى بكيتينى عند جزء معين افتكر انك عارفاه .............

ابقى اطمنى عليا يامنى عشان انا مش تمام.............

بووووووووووووووسي
Bosssssy said…
وحشتينى اوى يامنى

انا تعبانه اوى يامنى

نفسي اقعد معاكى واكلم معاكى واعيط

ادعيلي كتير يامنى
السلام عليكم ورحمةالله

جزيتى كل الخير حبيبتى على المعلومات الجميلة
دى اول زيارة ليا وان شاء الله مش الاخيرة

ارجوا لتواصل معى على ايميل الياهو
almoslema6z
خاص هويتى اسلامية
تقبلي مرورى
blue-wave said…
ههههههههههههههه
والله دمك زى العسل
بس على فكرة
التدوين اتعمل اصلا علشان الواحد يخرج اللى جواة
تحياتى ليكى
ساعات ساعات

تصدقي انك وحشتيني ووحشتني تعليقاتك وفرحت قوي لما عرفت انك بتابعي المدونات يارب تكوني بتابعيني

علي فكره محدش قال كتابه اليوميات غلط بس حاولي متكتبيش تفاصيل شخصية قوي

لأنها منشوره وفي ناس بتطلع عليها
ودي متخصكيش لوحدك فيها ناس تانيه متخليش حياتك الشخصية كتاب مفتوح

اكتبي اللي انتي عاوزاه وبعدين اقريه مره واتنين لو حاسه انه عادي انشرية لو شخصي قوي بلاش تنشريه او اعمليله مونتاج

كفايه رغي بقي ابقي طمنيني عليكي
الاخت الكريمة
***********
السلام عليكم ورحمة الله

نرجومن سرعة ارسال الايميل الخاص بالمدونة بتاعتكلكى نرسل لكى دعوة لكى تتمنكى من فتح مدونة المجلشس الاستشارى
لأنها مدونةلا تفتح سوى للأعضاء فقط
لذا نرجو سرعة ارسال الايميل لأن موعد الاجتماع قد اقترب اليوم الجمعة الثامنة مساءاً

كل الاعضاء تم ارسال الدعوة لهم ولم يتبقى سواك

وجزاكى الله خيرا
السلام عليكم

نود ارسال الايميل الخاص بالمدونة مرة اخري

هويتي
البدريه منسيه :)
كانت تيته بتقول كده بردو :))
تقريبا كل التيتات زى بعض :)
انا جايه اصبح وامسى وكده يعنى :)
ازييييييييك بقى :)
اليوميات غلط ليه ؟
انا شايفه انها عادى يعنى بالعكس حاجه لذيذه
elsha3er said…
ياة كل دة كلام بس المهم ان احنا بنستنى الكلام دة

اما عن كتابتك ليومياتك او مذكراتك فا دة مش غلط طالما لايسىء للمجتمع والتقاليد


تحياتى


احمد الشاعر
Mona Shereif said…
رابطة هويتي اسلامية
-------------
جزاكم الله خيرا
ربنا يوفقكم على همتكم دى
ويارب يرزقنا الاخلاص
Mona Shereif said…
mero-moory
---------------------
وعليكم السلام ورحمة الله وبركاته
جزانا واياكى يا قمر
منورانى يا حبيبتى بأول زيارة
هو فعلا انا برتاح لما بكتب كده
بس زى ما قلت فى بعض الاوقات حسيت انه مينفعش لما كتير لامونى على كتابة الحاجات دى
بس عموما خير
اهم حاجه راحة الانسان فى حاجه ان شاء الله متغضبش ربنا
انا اسعد جدا والله وبمرورك وردك يا جميلة
ربنا يكرمك
Mona Shereif said…
Angel
----------
وعليكم السلام ورحمة الله وبركاته
الحمد لله يا بيرو انا بخير وحشتينى جداااااااااا
ربنا يخليكى يا قمر
يارب وانتى كمان
ربنا ما يحرمنى منك
تسلميلى يا حبيبتى
السلام عليكم ...
منوش يا قمر
بما إنك متواجد الآن
طمنيني عليكي
......
دمتي بخير
Mona Shereif said…
EMMY BABY
-------------------------
طبعا حبيبتى يا ايمى حتى غصب عنك كمان
والله انا مش زعلانه الله يكون فى عونك يارب وينجحك ويوفقك ان شاء الله
والله انتى وحشتينى اكتر بس بجد فى القلب
الحمد لله رب العالمين
والله انا اللى فرحت بفرحتك ربنا يسعدك دايما ان شاء الله
ربنا يخليكى ويحميكى يا جميل
تسلميلى
Mona Shereif said…
صوت من مصر
-------------------
ههههههههههههههههههههه
الحمد لله
Mona Shereif said…
Bosssssy
--------------
حبيبتى اتطمنى وسيبيها على الله
انتى وحشتينى اوى
على فكرة كل حاجه امبارح فكرتنى بيكى
مرات عم ابراهيم سألتنى عليكى وعلى اخبارك
وخدتى دعوتين تمام
ربنا يوفقك الى ما يحبه ويرضاه اللهم امين
Mona Shereif said…
آخر العنقود
-------------
وعليكم السلام ورحمة الله وبركاته
جزانا واياكى يا جميل
ان شاء الله رب العالمين منورانى على طول
تمام يا قمر وبجد انا سعيدة جداااااااا ربنا يجمعنا على طاعته دايما يارب
مدونتك رائعة ربنا يحميكى
انا فى شهر ابريل دلوقتى ان شاء الله هكملها
تسلمى حبيبتى
Mona Shereif said…
blue-wave
-------------
شكرا كلك ذوق
عندك حق
سوف ننظر فى الامر
تحياتى
Mona Shereif said…
وومن
--------
والله انتى بتوحشينى على طول ودايما فى بالى
رغى ايه ده هو فين اصلا؟؟؟؟؟؟؟
يا حبيبتى انتى تقولى اللى انتى عايزاه
عارفه بحاول انى اقفل كتاب حياتى مش بيرضى
ههههههههههههههههههه اتولد كده اعمله ايه
عموما ربنا يوفقنا الى ما يحبه ويرضاه واكيد هو هيهدينا ان شاء الله
انا بخيرطول مانتى بخير
كل سنة وانتى طيبة ومحققه اللى نفسك فيه ويكون خير ليكى ولللى حواليكى
Mona Shereif said…
انت تسال والكمبيوتر يجيب
-----------------
شكرا على الدعوة
تصدقوا بقى انى كنت بسمع مرة البرنامج العام وسمعت البرنامج واقول انا سمعت فين الكلام ده
فى الاخر مصدقتش نفسى
ان شاء الله هكون عندكم قريب
شكرا على الدعوة الرقيقة
Mona Shereif said…
دكتورة سنان
---------------
وحشتينى خاااااااااالص يا نوسه
ايه الصباح والمساء الجميل ده
انا بخير يا جميل ربنا يخليكى ليا
ربنا ينجحك ويحميكى ويحققلك اللى تتمنيه يا نوسه يارب
انتى اللى لذيذه وجميلة يا قمر
وحشتيييييييييييييييييييييييييينى
Mona Shereif said…
elsha3er
----------
والله انا مكسوفه جدا جدا جدا
شكرا على كلامك
وبجد اسفه جدا على تأخيرى
هل ستتقبل اسفى؟
Mona Shereif said…
M.K
-----
وعليكم السلام ورحمة الله وبركاته
حبيبتى الجميلة
من ريحة رمضان الشهر الكريم
ربنا يخليكى ليا انا الحمد لله بخير
تسلميلى ربنا يبارك فيكى
منوش إنتي مواليد ديسمبر كمان
لا كده مش توارد خواطر وأعمال
دي حاجه مش طبيعيه
....
كل عام وانتي بخير يا قمر ...
Mona Shereif said…
M.K
------
هههههههههههههههههههههه
سبحان الله
كل سنة وانتى معايا على طول يا حبيبتى
السلام عليكم ورحمة الله وبركاته

لقد تم نشر توصيات الجلسة الاولى

نرجو زيارة الرابطة للإطلاع عليها
ghorBty said…
السلام عليكم

حبيت اسلم وبعدين اقرأ الموضوع

بس بدايته مشجعه

عايزه ورقه وقلم ومذاكرة كمان

جزاك الله خيرا

دمت بخير

غربتي
كلمة حق said…
السلام عليكم ورجمة الله وبركاته

ليه عنك عتاب
ازاى لحد دلوقتى لم تقرأى رسالتى الجديدة فى مدون الحب كما ينبغى أن يكون
السلام عليكم ورحمة الله وبركاته

موعدنا الاثنين 24/11 الثامنة مساءا

وذلك لمناقشة بعض الأمور أهمها:

انهاء الانتخابات

مناقشة بعض الاقتراحات

التدوينة الجماعية الاولى التى سوف تنشر 25/11

تحديد موضوع التدوينة القادمة 28/12 وذلك حتى نستعد لها

نرجو الحضور للأهمية وذلك فى مدونة الجلسات الخاصة

فى حالة تعذر الحضور نرجو ارسال تعليق فى حجرة الجلسات بما يفيد ذلك

جزاكم الله كل خير
Mona Shereif said…
رابطة هويتي اسلامية
-------------
تمام جزاكم الله خيرا


ghorBty
-------
وعليكم السلام ورحمة الله وبركاته
اتمنى متكونيش صدعتى منى
هههههههههههههههههه
نورتينى يا جميل
يارب على طول مع بعض فى الخير دايما



كلمة حق ( هويتى اسلامية )
-------------------
وعليكم السلام ورحمة الله وبركاته
والله اسفه بجد بس انا شرحت ظروفى
معلش بقى
funckydoctor said…
برافو عليكى
قريتى ده كله
وموضوع الحجاب عندك أكيد حق فيه
أما موضوع اليوميات فده مش عارف عيبه ايه بصراحة
وتحياتى
اقصوصه said…
عن نفسي

وبإعتقادي الخاص

كتابة اليوميات ابدا مش غلط

اصلا المدونه هي مساحه

يعبر فيها المدونه عن نفسه

وكل واحد يعبر بطريقته المختلفه اكيد

في رايي الشخصي

تقييد التدوين بإطار معين

هو مبثابى أغتيال للمدونين

ولحرية التدوين

تقبلي مروري:)
السلام عليكم ورحمة الله وبركاته

ايه كل التحويشة دي

جزاك الله خيرا وبارك الله فيك

اولا الانجليزي تقيل شوية علي قلبي بسبب اني بكره اللغات ليس لسبب الا اني ضيف فيها شويه " كتير " وهو ده السبب.

مثال بل هي حكمة جدتك (البدرية منسية ) بجد حكمة عظيمة .

قصة الحجاب قصة تنم عن حبك للحجاب بجد وهذا قل ما نراه هذه الايام بارك الله فيك

راجعي نفسك مرة اخري في موضوع الشيبسي وغيرة.

كتابة اليوميات خيرا اذا كانت في طاعت الله .

اما انا لاحظت شئ عجيب في كلامك انت عرفه هو ايه
( مش عارفه افتكرت اول ما دخلت اعدادى وكان اجبارى اننا نلبس ايشارب مع زى المدرسة) وانت الان تعرفين ما يحدث

جزاك الله خيرا

ابو فاطمة من امام باب المدونة ولا قلتيلي اتفضل ولا اي حاجة ولا اشرب حاجة
كلمة حق said…
أنا كنت عارف انك قرأتى البوست ولكن كنت فى حاجة الى رأيك لأن رأيك يهمنى

ربنا يشفيلك جهازك ويطول يا رب فى عمره الافتراضى ويوسع هارده ويسرع رماته وميوقفش له أبدا مروحة بروسيسور ويحميه من الفيروسات قادر يا كريم.

جزاك االله خيرا على الدعاء
وربنا يتمم عليكى يخير لكن متنسيش تقوللى على معاد الفرح علشان نشاركك فرحتك ونعملك فرح على النت
معلومات مفيدة والله بس مش دايما الانسان بيتعلم لما بيقرا او بيتعلم طول ماهو عايش على حسب رغبتو موضوع جميل ياريت تنورى مدونتى التواضعه
جزاك الاه خيرا اختي العزيزة
حقيقي استمتعت وانا بقرأالبوست

دمتي بخير
momken said…
جميل اوى تسلم ايدك

معلومات والفاظ وكلمات ماكونتش اعرفها


تسلم ايدك

تحياتى
ايه فييييييييينك مختفيه ليه
Mona Shereif said…
funckydoctor
--------------
الف شكر على كلامك
نورتنى بعد طول غياب اتمنى تكون وفقت فى امتحاناتك





اقصوصه
--------
انا وصلت لقرار بجد الحمد له نهى كل الحاجات اللى جوايا ده
وكلامك صح اكيد
التدوين ما هو الا مساحة شخصية لكتابة كل اللى جوايا
بسسسسسسسسسسس





كن جميلا...(عضو رابطة هويتي إسلامية)
----------------------------------
وعليكم السلام ورحمة الله وبركاته
حضرتك تنور فى اى وقت مش محتاج دعوه
المدونة مدونتك طبعا
جزانا واياك يارب
بجد اسعدتنى بتعليق حضرتك






كلمة حق .... هويتى اسلامية
---------------------------
ان شاء الله رب العالمين
بس دعواتك بالله عليك








البت المشمشية حلوة بس شقية
---------------------------
منورانى يا قمر بأول زيارة
كلام صح اهم حاجه رغبة الانسان فى التعلم
بس اليوم اللى بيعدى علينا من غير ما نعرف حاجه جديده ميتحسبش من عمونا
نبقى نعيشه كده ليه
انا زت مدونتك على فكره
بس معلقتش ان شاء الله هعلق قريب









ساعد نسرين الايمن
-----------------
جزانا واياك ياااااااااااااااارب
الحمد لله رب العالمين
والله كنت خايفه اصدع الناس بكلامى ده
منورنى بأول زيارة ويارب دايما منورنى
مدونتك جميلة اوى وهاديه ولذيذه










momken
-----------
تسلم يارب
الحمد لله
اهلا بيك بعد فترة غياب طوليه
حمد الله على السلامه
نورتنى بجد






حاسوباتيه
------------
انا هنااااااااااااااا
:)

Popular posts from this blog

الجوز الخيل

ارادة الله لا قرارى

اذن يا بلال