الجوز الخيل

عمرى ما شفتها سعيدة ولا فرحانة زى ما كانت بتكلمنى النهاردة
كانت عايزة تقولى على كل اللى حصل فى يومها
وحصل وسمعتها
كان يوم جميل وشافت فيه حبيبها
بعد ما سمعتها جوايا حاجه واحده عايزة اقولها
"معدتيش تكلميه علشان اهلك ونفسك ولو هو من نصيبك هيجيلك لو بعد كام سنة حتى او على الاقل لما تتخرجوا ويبقى راجل يعتمد عليه"
انا حاسه انك بتخوني مامتك وباباكى بكلامك له وهما ما يستهلوش منك كده
اللى كنت خايفه منه حصل .. وقتلت فرحتها
واتقلبت الفرحة لبكاء جامد
يا حبيبتى والله انا اسفه بس انا خايفه عليكى
قفلت معاها وكلمتها بعد كده بحوالى نص ساعه
لسه بتبكى
طيب اعمل ايه
حاولت اخفف عنها وقلت لها ده انا سمعت اغنية لام كلثوم جميلة بتاعة "دارت الايام" وبتقول فيها مقدرش على بعد حبيبى انا ليا مين الا حبيبى
قالت لى شفتى انتى قلتى ايه؟
يعنى اللى طلبتيه منى ده معرفش اعمله وصعب عليا
بصى بقى انا معدتش هروح الكلية خالص علشان تستريحى
يا حبيبتى مش عايزاكى تاخدى قرار وانتى متضايقه
انا مش عايزه افكر خالص
والله انا خايفه عليكى ومش عايزاكى تندمى على حاجه
انتى تعرفى منين ان هو هيكون من نصيبك
بصراحة مقدرتش اكمل كلام معاها وعيطت انا كمان
وقلت لها خلاص انا هقفل
قالت لى متزعليش منى
قلت انا مش زعلانه منك انا زعلانه عليكى

بس
زعلانه من نفسى اوى انى قتلت فرحتها ومش عارفه اعمل ايه
بجد انا بحبها اوى وبدعيلها على طول والله
ومش عايزاها تتجرح وخصوصا انها لسه صغيرة
اعمل ايه معاها؟
قولولى اعمل ايه