-


يا رب انا تعبانة اوى
مش عارفه مالى
حاسه بكل المفاهيم متلخبطة عندى
حالتى دلوقتى زى ما كنت داخلة الجامعة لسه
وبجد مش عايزه احس بكده تانى ابدا
زى ماتكون دماغى اتفرمتت ومفيهاش حاجه خالص
حاسه انى محتاجه اتعلم أ ب الحياة من تانى
حاسه انى مش عارفه منى
يا ترى يا مدونتى عارفانى؟
بقالى معاكى 10 شهور
حكيتلك كل حاجه وارتحت معاكى اوى
يا ترى عرفتى منى؟
لو عرفتينى ردى عليا وقوليلى انا مين؟
طيب ردوا عليا انتو انا مين؟


يارب لك الحمد على كل نعمة أعطيتها أو منعتها، فأنت أعلم بي مني بما يفيدني وبما يضرني..
اللهم يا مقلب القلوب ثبت قلبى على دينك
استغفر الله العظيم واتوب اليه
استغفر الله العظيم واتوب اليه
استغفر الله العظيم واتوب اليه

Comments

صوت من مصر said…
بجد ربنا يلبيلك طلبك فى الدعاء
ويجمعك مع محمد ويجمعنى بساره ؟
ادعى انت بس وتفائلى طول مانتى بتحبى
October 17, 2008 at 10:30 PM
EMMY BABY said…
مالك بس يا منى

استهدى بالله يا حبيتى

وحاولى تكتبى افكارك على الورق

حاولى تجددى حياتك

حاولى تلاقى حاجة تشغل وقتك وتقربك من هدفك فى الحياة

وان شاء الله ربنا هيكرمك ويهديكى للخير وييسرلك حالك

وربنا يارب يستجيب دعاءك ويجمعك بمحمد

تحياتى

ايمى
October 17, 2008 at 10:32 PM
SHAPE YOUR LIFE (ABOALI) said…
انظرى الى حب سيدنا يعقوب ليوسف
انظرى الى صبر سيدنا يعقوب ليوسف
انظرى الى يقين سيدنا يعقوب ليوسف
انظرى الى اشتياق سيدنا يعقوب ليوسف
انظرى الى دعاء سيدنا يعقوب ليوسف
انظرى الى خوف سيدنا يعقوب ليوسف
انظرى الى كلام سيدنا يعقوب ليوسف
انظرى الى دموع سيدنا يعقوب ليوسف
انظرى و انظرى وانظرى
وقولى اللهم ثبت قلبى باليقين واعد اليا محبوبى

تحياتى
October 17, 2008 at 10:34 PM
SHAPE YOUR LIFE (ABOALI) said…
ملحوظة
صبرى سيدنا يعقوب 40 سنه على بعد سيدنا يوسف


لن نكون مثلهم اكيد
ولكن نمشى على خطاهم بالتأكيد
October 17, 2008 at 10:46 PM
romansy said…
مفيش اسرع من الايام
دايما بتعدى وكانها شريط سريع بيمر
شوقك لمحمد دا اجمل شئ
يارب يخليكوا لبعض ويوفقكوا يارب
على فكرك
عاوزه تعرفى انتى مين
؟
اقولك
انتى البسمه اللى بترسم على شفايفنا
وانتى الامل بكره وبعد على كل اللى يعرفنا
وانتى الاخلاص
وانتى اعز الناس
ياريت تكونى انتى حسه باخلاصنا
October 17, 2008 at 11:08 PM
حاسوباتيه said…
معلش يامنى استهدي بالله كده ومااسرع الايام صحيح بجد بكره محد يرجعلك بالسلامه يارب وتتجمعوا على خير يارب وماتزعليش كده ياقمر مانقدرش على زعلك
October 18, 2008 at 12:37 AM
كلمة حق said…
الاخت الكريمة اجيبك أنا أنت أنسانة مسلمة تحبين الحياة وتحبين أن تجديها جميلة دائما ولكن هذا غير صحيح فالحياة فيها كل مضادان القرب والبعد الفرح والحزن ......فيجب علينا أن تستمتع بلحظات السعادة فيها وأيضا نكون مستعدين بالصبر عندما نواجه عثراتها بهذه الطريقة نحافظ على سعادتنا فيها حتى موعد السعاده الحقيقة فى الجنة بإذن الله رزقنى الله وإياكى الجنة
October 18, 2008 at 12:51 AM
فاروق عادل said…
فى اية حد ضايقك

مبروك اللوك الجديد احسن من بتاع زمان

يعنى الاسود كنتى كويسة البمبى جالك اكتئاب
October 18, 2008 at 1:31 AM
Bosssssy said…
والله يامنى كنت عارفه انه هيكون هوده السبب ........

ايه يابنتى الهبل اللى انتى فيه ده اجمدى شوية ...

فين منى بتاعت زمان ؟؟؟؟؟؟؟؟

تحبى أفكرك ؟؟؟؟؟؟؟

فاكرة واحنا فى الكلية وكنت أجيلك أعيطلك وأقولك مش عارفة اذاكر ... فاكرة كنتى بتعملى معايا ايه ؟؟؟؟؟؟؟؟ كنتى بتقوليلي لا انتى قوية وهتنجحى وهتبقى كويسة لان انتى انسانه كويسة ولو مانجحتيش عشان نفسك هتنجحى عشان باباكى وماماتك ؟؟؟؟؟؟؟

فاكرة فى الدبلومة لما قولتلك لازم نجيب فى الدبلومة دى جيد جدا قولتيلى لا لازم نجيب امتياز ؟؟؟؟؟ صحيح انا طلعت واقعية اكتر منك.هههههههه بس المهم انك كنتى عايشة بالامل

انا النهارده بقى جايه اقولك لازم تبقى قوية وان ماكانش عشانك يبقى عشان باباكى ومامتك اللى انا متأكده انهم دالوقتى متبهدلين عشانك ...... وان ماكانش عشانهم يبقى عشان محمد وان ماكانش عشان كل دول يبقى عشانى انا .......
اوك يامنى ؟؟؟؟؟؟؟ ربنا يهديكى يارب وترجعى منى القوية المؤمنة ....

وبعدين تعالى هنا .. ايه حكاية محمد ده بالظبط ؟؟؟؟؟؟؟ ده ماكنتش موافقة انك تتخطبيلة اصلا .... شفتى بقى ان كان عندى حق كان قلبى حاسس انه هيبهدلك بحبه ...

ربنا يهديكي ......

Pusssssy
October 18, 2008 at 7:50 AM
Eno said…
ايه يامني الف سلامه عليكي مالك بس
يابنتي انتي ومدونتك بقيتي حاجه مهمه جدا في حياتي والله بجد اول مدونه بزورها انتي عشان بكون فرحانه لفرحك وبشركك في المك وبكون مبسوطه بأي موضوع اجتماعي بنتناقش فيه
احنا كلنا معاكي ياقمر اي نعم مش هنيجي حاجه في خطيبك بس اهو بأه :)

ربنا يرجعلك محمد بالسلامه معلش والله انا حاسه بيكي بس عارفه الشوق ده علي قدد مهو احساس متعب بس صدقيني حلو اوي انا جربته كتير اوووي :$

ربنا يهديلك حالك يارب وينولك اللي بتتمنيه :)
October 18, 2008 at 12:22 PM
Meme said…
sweety .. you have faith in god and you're stronger than this so don't worry you will get yourself back
and don't forget we are all here if you need anything
October 18, 2008 at 3:12 PM
منى said…
اقولك انتى مين
انتى منى الرقيقه اللى قلبها طيب اوى عشان كده بتتاثر جامد و بتتوجع اوى
واى حاجه بسيطه حلوه تفرحها
ربنا يفرحك دايما ويحقق لك كل الخير

اقولك على حاجه يا رب تفرحك
ان شاء الله هيبقى فيه لقاء للبنات المدونات فى المنصوره
ايه رايك تيجى معانا
بجد نفسى اشوفك
فكرى لحد ما نحدد الميعاد
سلام
October 18, 2008 at 4:07 PM
Selfmeaning said…
ربنا يصبرك يابنتى

بس بجد حاولى متخليش الياس يسيطر عليكى

و تنسى وجود ربنا فى حياتنا

و استعينه بيه و هتلاقى كل امورك

اتحسنت و بقت فى احسن حال
October 18, 2008 at 5:20 PM
كـــيــــــــارا said…
مالك يامنوووووووووش

قلقاني كده

معلش ربنا هيجمعك بيه

وعلي فكره

انتي انسانه طيبه اوي وبحبك بجد اوي اوي اوي

انسانه حساسه

هو بس محمد وبعده

ربنا هيرجعهولك باذن الله
October 18, 2008 at 7:18 PM
Mona Shereif said…
صوت من مصر
--------------
يارب اللهم امين
ويارب قدرنا على الدعاء وثبتنا وتقبل منا




EMMY BABY
-----------
يارب اللهم امين
انا خلاص بقيت كويسه الحمد لله يا ايمى هى بس ساعات غصب عنى لازم يحصل كده





ABOALI
----------
اكيد بعد ما قرأت تعليقك سمعت سورة يوسف
ربنا يكرمك يارب
الحمد لله رب العالمين
ويارب نقدر نمشى على خطاهم





romansy
----------
ربنا يبارك فيك
لو مكنتش اعرف اخلاصكم مكنتش استمريت معاكم ولا كتبت لكم الكلام ده
ربنا يبارك فيكم ويخليكوا ليا






حاسوباتيه
------------
ان شاء الله يا جميلة
ربنا ما يحرمنيش منك ابدا






كلمة حق
----------
يارب اللهم امين وكل المسلمين
المشكله انى عارفه ان الحياة ساعات وساعات
ربنا يرزقنا الصبر ويجعلنا من الصابرين الشاكرين





طالب ثانوى
-------------
مش قادرة اقولك ان ردك ضحكنى جداااااااااا
وخرجنى من المزاج الكئيب اللى كان مسيطر عليا
ربنا يخليك ويوفقك وينجحك بقى فى الثانوية العامة وترتاح من موالها ده






pusssssy
------------
منى القوية المؤمنة؟
فاكراها
يااااااااه وحشتنى على فكرة
بس عايزه اقولك ان انتى كمان السبب
لما بكون متضايقه كنت بلاقيكى
لانك كنت الوحيده اللى بتفهمينى من اصحابنا وكنت بحسك قريبه اوى
عموما ربنا يرجعك ليا بالسلامة انتى كمان
والله البت اختى بتقولى هى فين علشان هى اللى هتيجى معاكى الكوافير ان شاء الله يعنى لما اجى اتجوز
شفتى بقى يا ستى؟
ربنا يصلح حالك يا حبيبة قلبى ويخليكى ليا ومنبعدش عن بعض ابدا
بس انا عايزاكى ترجعى بقى






Eno
------
والله يا اينو ربنا عالم باللى فى القلوب ويعلم ان انتى غالية اوى عندى اد ايه
يا حبيبتى محمد حاجه تانيه اه بس انتو برضه فى القلب لولا وجودكم معايا فى وقت ضيقتى بفضل ربنا مكنتش هقدر اعيش
الحمد لله رب العالمين
والله وعارفه اد ايه ان الشوق صعب بس جميل
يلا الحمد لله رب العالمين





Meme
-------
thanks Meme for your lovely words which makes me comfortable
thanks for being my friend




منى
-----
والله يا منى انتى اللى رقيقه وجميلة
يارب اللهم امين
الفكرة شغاله واتمنى تتحقق ان شاء الله
ونفسى بجد اشوفك
على فكره انا كل حد عندكم علشان بروح لجدتى
كل سنة وانتى طيبه يا حبيبتى





Selfmeaning
--------------
يارب يا قمر
الحمد لله ان ربنا هو ربنا
الحمد لله انا احسن كتير دلوقتى
ربنا ما يحرمنى منك ابدااااااا ويخليكى ليا





كـــيــــــــارا
-------------------
يارب يا كوكتى يارب
خلاص يا حبيبتى ما تقلقيش انا الحمد لله بخير دلوقتى
وانا كمان بحبك اوى الحمد لله
ربنا ما يحرمنى منكم ابدا يا حبايب قلبى
October 18, 2008 at 9:36 PM
mahasen saber said…
ايه يا جميله اذكرى الله انتى بس وحشك محمد شويتين تلاته اربعه كده
ربنا يجمعكوا علىبعض على خير ان شاء الله
...
وبعدين تعيشى وتنورى المدونه وعبال عشر سنيين تدوين يا قمر
...اذكرى الله واتركك فى امنه ورعايته....
October 18, 2008 at 9:57 PM
مهرة سالم said…
السلام عليكم...
ماذا بكي حبيبتي...
لا اريد أن أراك يوما حزينه أو مكتئبه...
لاتحزني على البعد عن الحبيب
فأن شاء الله سيعود لكي سالم غانم
ومشتاق لكل الحب الذي نحن احسسنا به فما بالك هو...
فعليكي بالدعاء له...
...........
ابحثي عن ذاتك بين كتاباتك
بين أهلك
بين دمعك وابتساماتك..
............
قمرايه عليكي بقرائة القرآن
فهو سكينة كل روح...
.............
آمل أن تكون رسالتكي التاليه أكثر تفائلا...
.................
الله يهديك لما يحب و يرضا دمتي بخير من الله
October 18, 2008 at 10:09 PM
Mona Shereif said…
mahasen saber
---------------
ههههههههههههههههه
ربنا يخليكى يا محاسن
انا الحمد لله بقيت كويسه
ربنا ما يحرمنى منك
يا أجمل اخت




M.K
-------
وعليكم السلام ورحمة الله وبركاته
انا بقيت كويسه اوى الحمد لله يا جميلة
والله انا بدعى اوى وكتير ربنا يقدرنى وادعى كمان وكمان ويتقبل منا اللهم امين
انتى عارفه انا القران ده بجد شفاء
الحمد لله على نعمة القران
الحمد لله
ربنا يخليكى ليا يا حبيبتى
ويجزيكى الخير كله ويبارك فيكى اللهم امين
October 18, 2008 at 10:23 PM
Post a Comment

Popular posts from this blog

الجوز الخيل

-
الحان : سيد مصطفى غناء : سيد مصطفى - شافية احمد - كارم محمود كلمات الاغنية الجوز الخيل والعربية انغامهم كلها حنية سوق ياسطى لحد الصبحية على راسى ياهانم وعنيا الاسطى عاجبنى يامحلا غناه والدنيا ياروحى ماهيش سايعاه فرحان بالخيل اللى مانساه وحياته فى الدنيا هنية سوق ياسطى لحد الصبحيه على راسى ياهانم وعنيا ان شد السرعة بايده يمين بيحودوا زى البنى ادمين وان شد شمال برضك قايمين بواجبهم وشوية سوق ياسطى لحد الصبحية خدامك انا والعربية الجوز الخيل والعربية انغامهم كلها حنية بشتغلوا عليهم الالاتييه ---- بحبها اوى وكانت وحشانى بفتكر ايامنا واحنا صغيرين كانت حاجات جميلة اوى ---- ل لتحميل ----
Read more

تحويشة كلام

-
انا عارفة انى مجنونة لسه عاملة موضوع اغنية عن الرسول صلى الله عليه وسلم البوست اللى فات يمكن من دقايق بس قلت اعمل واحد تانى هتكلم عن اى حاجة وفى اى حاجة انا انذرتكم دى تحويشة اسبوع بحاله يعنى محدش يقولى صدعتينى ابدأ بايه ابدأ بايه ابدأ بايه مش عارفه بس انا اتعلمت حاجات كتير اوى الاسبوع ده لقيت كام مقالة عن اركان الاسلام بالانجليزى the five pillars of Islam واتعرفت على مفردات جديدة مكنتش اعرفها قبل كده تعرفوا ان معنى كلمة ركعة بالانجليزى unit وكمان الاحاديث الشريفة لرسول الله محمد صلى الله عليه وسلم اسمها the traditions of Muhammad وضوء يعنى ablution والخمس صلوات بيتكتبوا كده Fajr.. the dawn prayer Dhur.. the early afternoon prayer Asr.. the late afternoon prayer Maghrib.. the evening prayer Isha.. the night prayer وصلاة الجماعة اسمها congregational prayer الاقامة يعنى summons قرأت كتاب الصحة الاجتماعية لقيته عند اخويا المفروض بيدرسه فيه معلومات هايلة بجد وفى اخر الكتاب مجموعة من الممارسات الشعبية فى دلتا مصر والطب الشعبى وكده ومجموعة امثال حلوووووووة وبمناسبة الامثال جدتى كانت قالت و...
Read more

:)عروسة

-
ظلا متزوجين ستين سنة, كانا خلالها يتصارحان حول كل شئ, ويسعدان بقضاء كل الوقت فى الكلام أوخدمة احدهما الاخر, ولم تكن بينهما أسرار, ولكن الزوجة العجوز كانت تحتفظ بصندوق فوق أحد الرفوف, وحذرت زوجها مرارا من فتحه او سؤالها عن محتواه, الى ان كان يوم اتهك فيه المرض الزوجة, وقال الطبيب ان ايامها باتت معدودة, وبدأ الزوج الحزين يتأهب لمرحلة الترمل, ويضع حاجيات زوجته فى حقائب ليحتفظ بها كذكريات. ثم وقعت عينه على الصندوق فحمله وتوحه به الى السرير حيث ترقد زوجته المريضة, التى ما ان رأت الصندوق حتى ابتسمت فى حزن وقالت له: لا بأس... بإمكانك فتح الصندوق... فتح الرجل الصندوق ووجد بداخله دميتين من القماش وإبر النسيج المعروفة بالكروشية, وتحت كل ذلك مبلغ 25 ألف دولار, فسألها عن تلك الاشياء. قالت العجوز هامسة: عندما تزوجتك أبلغتنى جدتى ان سر الزواج الناجح يكمن فى تفادى الجدل والناقر والنقير. ونصحتنى بأنه كلما غضبت منك, اكتم غضبى وأإقوم بصنع دمية من القماش مستخدمة الابر.. هنا كاد الرجل " يشرق " بدموعه: دميتان فقط؟ ينى لم تغضب منى طوال ستين سنة سوى مرتين؟ وبرغم حزنه على كون زوجته فى فراش الموت فقد...
Read more