حياتى المهنية
السلام عليكم
انا عايزاكم تدعولى اوى بالله عليكم
بكره ان شاء الله هروح المدرسة الخاصة اللى كنت اشتغلت فيها السنة اللى فاتت وسيبتها علشان الدبلومة
هيبقى فيه حاجه من اتنين
يا اما ان شاء الله ربنا هيكتبلى انى ارجع واشتغل فيها تانى
يا اما هرجع بالملف بتاعى.. ويارب ما تحصل لانى ساعتها ممكن انهار بجد
بجد اليوم ده هيفرق اوى فى حياتى
يا رب انت عارف الخير ليا
سواء شغلى فى المدرسة دى
او انى ما اشتغلش
عموما ربنا يقدر اللى فيه الخير
دعواتكم
دعواتكم
دعواتكم
ربنا يخليكو ليا
ومايحرمنى منكم ابدا
ــــــــــــــ ـ ـ ـ ــــــــــــــ
تحديث
02:50 م 14/09/2008
صحيت الصبح.. فتحت المدونة
وقريت دعائكم ليا
بجد ادانى دفعة جامده اووووووووى
وحسيت بالتفاؤل وتوكلت على الله ورحت المدرسة
ركبت العربية وحصل حوار بينى وبين السواق
قال انتى كليه ايه وكده .. طيب ناويه تشتغلى؟
قلت: ان شاء الله انا هقدم اهو ادعيلى
قال: ربنا يوفقك.. بس مش حرام الوش السمح ده يتبهدل!!!!
انا: ..........
طبعا معرفتش ارد واقول ايه
وفعلا حسيت انه عنده حق للحظه.. انا ليه ابهدل نفسى؟؟
بس الحكايه مكانتش ناقصه بصراحه
المهم رحت المدرسة
ولقيت ترحاب فظيع من زمايلى
بجد فرحت اوى وطمنى الموضوع ده
كويس اوى انهم لسه فاكرنى
ها يا منى انتى ناويه تشتغلى معانا تانى السنه دى؟؟
قلت :ان شاء الله ربنا يسهل لسه هعرف النهاردة
كلمت الادارة قالوا استنى هنعمل ليكى اختبار
اختباااااااااااااااااااااااار؟؟؟؟؟؟
اختبار ايه طيب والـ5 شهور اللى اشتغلتهم دول مش كافين ولا ايه؟
ليكى اختبار
قلت حاضر انا هعمل ايه يعنى
وزمايلى سألونى ها قالولك ايه؟
هاعمل اختبار
اختبار ايه يا بنتى مش كنتى معانا السنه اللى فاتت
نفس علامة التعجب والدهشة شفتها عليهم
انتظرت مع الناس اللى جاين جديد ما شاء الله اكتر من 25 مدرسة هتعمل معايا الاختبار
وهما مش محتاجين غير اتنين بس
قلت خير خير خير
وعملت الاختبار
لسه بقى مستنيه يتصلوا بيا
بس اقولكم حاجه
انا متفائله وان شاء الله خير
برضه عايزاكم تدعو كمان
وان شاء الله اعرف النتيجة قريب بقى
لاحسن انتو عارفين القلق والتوتر
----------
تحديث
04:42 م 20/09/2008
النهارده انا جيبت ملفى من المدرسة
سبحان الله حلمت بكده امبارح واتحقق النهارده
قدر الله وماشاء فعل
بس مش عارفه هعمل ايه السنة دى؟
خير كله خير
Comments
جميل انك دعيتي الدعوه دي
وباذن الله ربنا يحققلك اللي يريحك ويكون فيه خير باذن الله
ليكوريكا
بس اوعى تذنبى الاولاد
كفاية اللى اتعمل فينا فى المدرسة
ويرضيكي بالي ترضي بيه وبتحبي تعمليه :)
ابقي طمنينا بأه :)
سلام ياقمر
يفتحللك ابواب الخير قدامك و يشرحلك صدرك
انشاء الله خير بس ما تزعليش لو مارجعتيش لان سبحانه بيقول
و عسى ان تكرهو شيئا و هو خير لكم
ابقي طمنينا
بس علي فكرة الدنيا مش بتقف علي حاجه وأن شاء الله لو محصلش نصيب حتلاقي شغل في مكان تاني
بس أنتي حولي متشغليش بالك وتعملي إلي عليكي والباقي علي الله عزوجل
تقبلي مروري
مجنووون
ان شاء الله
و ربنا يختارلك الصالح
ربنا يصلح حالك
وان شاء الله تشتفلى
كل سنة وانتى طيبة
يارب بجد تحققى امنياتك ؟
وطمنيني عليكي اول لما تدخلي عالبلوج ان شاء الله
ربنا يقدر لك الخير حيث كان و يرضيكي به
ياسمين
ويكتبلك الي فيه الخير...
يا قمرايه ربنا ادرى بمصلحتك..
اتكلي على الله ..
ومن توكل على الله ما خاب
صباح الصباح
مجنووون
مش لاقية اسم
صوت من مصر
عاقلة على ارض الجنون
انا ودماغى
حاسوباتيه
Eno
Meme
Selfmeaning
Enjy
Lady E
M.K
-----------
بجد ربنا يبارك فيكم
انا مش عارفه اوصف مدى سعادتى
جزاكم الله خيرا على كل دعوة انتو دعيتوها ليا ويارب يتقبل منا ومنكم
وفعلا انا احساسى طلع صح ولقيت فيكم اخوااااااااااااات بمعنى الكلمة
الحمد لله رب العالمين
ان شاء الله كله خير
تحياتى
مستنية آخر الأخبار
ملحوظة:قريت التاج و جامد جداااااااااااااااا
بس بالله عليكى حتى لو متقبلتيش ولا تنهارى ولا حاجة ربنا ممكن يرزقك بشغل احسن بكتير
اقوليلى بقى انتى برضه بتشتغلى مدرسة علشان تضربى العيال ههههههههههه
وبجد انا سعيدة بزيارتى ليكى وان شاء الله مش هتكون اخر مرة وهضيف اللينك حالا
تحياتى
ايمى
كل سنه وانتي طيبه ويباركلك خطواتك يارب
---
ان شاء الله يا منى
انا ودماغى
-------
ربنا يسهل وشكرا على اهتمامك
ربنا يبارك فيكى
pusssssy
--------
انتى اللى اخبارك ايه
بجد وحشانى اوى ومحتاجه اتكلم معاكى كتير
لسه ماعرفش الاخبار ايه فى المدرسه بس بجد معدتش فارقه
يارب اشوفك قريب
dina
-----
ان شاء الله يا حبيبتى
ربنا يبارك فيكى الف شكر بجد على التاج ده لانه خلانى اقف وقفه جامده مع نفسى
نورتينى يا قمر
emmy baby
-----------
منورانى يا قمر
ربنا يقدر اللى فيه الخير
هههههههههههههههههههه لا يا ستى انتى اللى عايزة تضربى العيال بس
هههههههههههههههههه
شكرا يا قمر
كيارا
----
اهلا بيكى يا جميل
يااااااااارب اللهم امين لنا ولكل المسلمين
وانتى طيبه وبألف خير
سعيده بوجودك جدا
enjy
-----
بجد يا انجى شكرا على تعليقك بجد مبسوطه جدااااااااا
ربنا يخليكى ويبارك فيكى يارب
وفعلا المدارس كتير
وبجد معدتش فارقه اوى يتصلوا ولا ميتصلوش
ان شاء الله خير
نورتينى يا قمر