الجوز الخيل

يا خبر ابيض ده انا وحشتنى الكتابه والفضفضه بشكل فظيع

الاول عايزه احتفال جامد بالاستاذة ريم ابنتنا المصون التى ولدت يوم 15/5/2014

كان يوم خميس

وكنت فرحانه ان البنج نصفى وشفتك وانتى بتخرجى للدنيا- ياترى مبسوطه يا حبيبة قلب 

ماما فيها ولا لاء؟- المهم رشروشه كمان بقيت احبها اكتر من الاول .. مش عارفه ايه السبب 

بس انتو كنز بجد وربنا يباركلى فيكم

الله اعلم هتعملوا فيا ايه لما اروح شقتى وابقى لواحدى وماما مش هتكون جمبى!!!

ندخل للجانب الرخم بقى..

عصبيتى زادت اوى زياده عن اللزوم وبقيت انفجر فى ماما وبابا وبالذات ماما

سامحينى يا ماما بس انا عارفه انك مستحمله وعلى طول بتستحملى

سامحينى وسامحنى انت كمان يارب وخلينى هاديه كده واكظم غيظى وما اكونش ضعيفه 

ابدا

بتفرج على مسلسل" قلوب "دلوقتى

وقبله كان" حكايات بنات "... مفيش وجه شبه بين الاتنين غير الاصحاب

الاصحاب حلوين اوى وللأسف انا مقدرش اعيش من غيرهم

ربنا يخليكى ليا يا منى بس انا عارفه انك هتتشغلى انتى كمان قريب ومش هتكونى جمبى 

كل ما الاقيكى. ..انا مكرهش ربنا يسعدك وينولك اللى فى بالك بس عايزاكى جمبى على 

طول

هى دى انانيه منى برضه؟

مش هعد اصحابى هما كتير الحمد لله وبكلمهم بس كتير منهم بيبقى مشغول فى حياته 

والدنيا واخداه فمش بيبقى متاح وقت ما بتصل بهم .. وبرضه مش كلهم سواء زمايل الدراسه 

او اصحاب عرفتهم من هنا من المدونه دى او عرفتهم وقت ما كنت بشتغل.. بحتاج اتكلم 

معاهم وافضفض لهم وببقى كتير محتاجه نصيحتهم

المهمممم

خلونا فى اجمل حاجه فى دنيتى

رشا وريم 

بناتى الغزلان.. 

عقبالى لما اكون انا كمان غزاله بجد:D