My photo
I'm a girl who lives sometimes in a good mood and sometimes oh in a very very bad one

Tuesday, June 29, 2010

The Secret..


هتكلم عن كتاب السر
انا قرأتته من شهر يناير وكنت عايزة اكتب عنه
مش عارفه اتأخرت ليه
ما علينا
الكتاب جميل على فكره
نفذت جزء فيه واتحقق الحمد لله
جزء تانى طبقته غلط خالص
ههههههههههههه
كنت بقول لنفسى انا عصفورة
لغاية ما بقيت عصفورة بجد
اكيد العكس اللى حصل
لا بس بجد كان محتاج شوية قوة ارادة ودى حاجة اكتشفتها فيا مؤخرا
ما علينا ده انتى بقيتى لكاكه اوى يا منى
نتكلم عن بعض الجمل اللى فى الكتاب اللى لفتت نظرى
*
اول حاجه خالص هى
the law of attraction in action
بداية الكتاب بيتكلم عن اللى انت بتتخيله هو اللى هيكون
وده بالظبط زى
" تفائلوا بالخير تجدوه" وانا عند حسن ظن عبدى بى"
كاتب قال: ان افكارنا زى ارسال اشارات التليفيزيون ممكن اغير الارسال علشان اغير الصورة... ممكن ليه لاء
I'm the master of my thoughts
I can change it from bad to good
ولو انا عايزة اغير المود بتاعى من وحش لحلو افكر فى حاجه جميلة
انا مثلا احب اغنية... حتة موسيقى .. طفل... اى حاجه حلوة
ممكن فيلم رومانسى.. العب مع القطة... اكل شيكولاته.. اتفرج على الطبيعة والخضرة... اشوف حد سعيد... مدونتى
كمان اسمع كلام ربنا من صوت مشارى
*
النقطة التانية
Gratitude
معناها شكر امتنان او عرفان بالجميل حاجه زى كده
المهم دى زى "لأن شكرتم لأزيدنكم"
---
بعد قرايتى للجزء ده من الكتاب مسكت الورقة والقلم وكتبت واحده من شطحاتى الجميلة
تقريبا اتحققت يمكن بعدها 15 يوم
سبحان الله
*
تالت نقطة
اتكلم الكتاب على انك تخرج فلوس لان ده معناه انك معاك فلوس كتير
فبكده يكون معاك فلوس كتير
وده زى ايه يا شباب
ايون بالظبط الزكاه والصدقة
"مانقص مال من صدقة"
*
what you resist persists
يعنى الحاجه اللى بتقاومها هى اللى هتفضل
فانا افكر فى الحاجه الحلوة اللى عايزها احسن
believe that you will receive
يبقى عندى يقين ان الحاجه اللى عايزها او بتمناها هتحصل
-----
المهم ان احنا عندنا فى ديننا حاجات كتير بس محتاجه مننا شوية تفكير وتدبر
هنلاقى كل حاجه موجوده
طبعا الكتاب متكلمش عن وجود ربنا
انت بتطلب الحاجات دى من الكون
فبجد الحمد لله على نعمة الاسلام والحمد لله ان انت ربنا ياربنا
----
بعدها بفترة قرأت ففروا الى الله
كنت اسمع عن الكتاب ده ايام الكلية بس مقرأتوش الا يوم 19/2
ربنا يبارك لى فى اللى جابهولى يارب
المهم فيه كام دعاء حلوين اوى
"اللهم انى اعوذ بك ممن يشغلنى عن ذكرك"
"اللهم اعزنى بطاعتك ولا تذلنى بمعصيتك"
وكمان الجملتين دول جامدين بجد
ابتليتهم بالمصائب لأطهرهم من الذنوب والمعايب
تفكير ساعة فى المعشوق يبعد ميلا عن المعبود
-------------
اما كتاب الاحلام لدكتور مصطفى محمود
قرأته 16/3
ودى جمل منه

تنبؤات الاحلام خالية من معنى التنبؤ.. وانما هى تفكير يستشف المستقبل ويتعرف عليه لانه يستخدم نوعا صافيا مركزا من التأمل..
والفراسة والحكمة التى تبدو فى بعض الاحلام لا تعدو كونها نتيجة لصفاء الفكر واستغراق الحواس فى خلوة النوم وهدوئه..
لا يوجد فى الامر غيب.. ولا الهام.. انما هى فراسة العقل الباطن.
*
قديما قالوا: " اعرف نفسك تعرف ربك"
بالايمان تصل النفس الى بر السكينة وتصبح الاحداث فى حياتها مجرد ارتعاشات على سطح بحر هادئ ماتلبث ان تنزاح وتسكن لتترك البحر شديد الهدوء شديد الصفاء
*
الروح اولى صفاتها خرقها للقوانين وعلوها عليها وارتفاعها فوقها وفوق المنطق.. وفوق المعقول ولهذا فهى متجدده ابدا لا يمكن التنبؤ بمكنونها.
-------
كفاية كده عليكم
اعتقد دى وجبة دسمة
المهم ان شاء الله هروح المكتبة العامة على اول شهر7 على ما يخلصوا جرد
بتسلى فى كتاب الف ليلة وليلة دلوقتى
سلاااااااام

لو هنتكلم عن التمثيل
فيه حاجه انا كنت بعملها يمكن من غير احساس قبل كده
ودلوقتى بعمل نفس الحاجه بس باحساس
وده مدينى احساس انى اول مره اعملها
لانى بعملها فى وقتها الصح
اللى ربنا كاتبه فعلا
الحمد لله رب العالمين
انا حسيت بانتصار بجد
حاسه انى حققت حاجه محصلتش قبل كده
فرحانه بكده على فكرة
يبقى ده مش تمثيل
ده حقيقة
انتى فيكى حاجات كتير حلوة يا منى
دورى بس واكتشفى نفسك
يارب احفظنى استودعك نفسى
خليك معايا يارب
"معية الله"
الله
يا رب
يا رب
يا رب

همثل!!

مدونتى انتى عارفانى صح؟؟
وعارفه انى هاجى احكيلك على موقف النهارده
بصى
هو هيضايقهم وهيتعب اعصابهم لفترة قليلة
وده غصب عنى
لانى بجد هرتاح من تعب القلب ده وانى احاول ارضى الاتنين على حساب نفسى
بس هما صعبانين عليا اوى
هاين عليا ارجع فى الكلام اللى انا قلته
بس بقول خلاص اللى حصل حصل
ياترى ممكن يحصل فى يوم ويذلنى علشان الموقف ده
بس ده حقى وهو عارف كده وان انا عايزة كده
انا ضربت اول بمبة
وفرقعت صح ونشنت تمام
بس تعرفى يا مدونتى
وانا بقول البمبة دى كان هاين عليا اضحك واكتم فى الضحكة وهى بتفلت منى
ااااااااااااااه
كان نفسى حل الموضوع ده يكون على ايده هو مش انا
لان انتى عارفه انى مبحبش اشيل مسؤلية بحب دايما يكون حد شايلنى
هقنع نفسى وان شاء الله ده اللى هيحصل بإذن الله
الموضوع هيعدى على خير
وعمره فى يوم ما هيحصل اللى انا خايفه منه لانى خلاص حاسه بأمان وثقة بالله
الحمد لله رب العالمين
-----
اجمل ما فى الموضوع انى همثل وهلعب لعبة صغيرة
وانا مجنونة وبحب الحاجات المجنونة ومفيش اجن من كده
كان طول عمرى حاسه انى حياتى دى مسلسل وانى انا البطلة وفيه حد بيتفرج عليا
بس مستنياه يجى يقولى ويوجهنى
وجه فعلا
عموما خير خير خير
والكلام ده بيفكرنى بعم شكسبير
وما الدنيا الا مسرح كبير
واحنا الممثلين
بس خلاص
توكلت عليك يارب
انت عالم بالحال
انا مبطلبش حاجه مش من حقى
اللهم دبر لى امرى فإنى لا احسن التدبير

Tuesday, June 15, 2010


القطط كائنات لطيفة اوى.. يمكن مكانش فيه اهتمام قبل سنة من دلوقتى بيهم
كانت قطط عادية ممكن تعدى فى الجنينة عندنا
اه مرة كنت ارتبطت بقطة فيهم وزعلت جدا لما ماتت.. بس دلوقتى بقت حاجه تانيه
ممكن لو زعلانة او فى حاجه مضيقانى ومجرد ما القطة تيجى وتقعد على رجلى فى عز الليل ... بحسها محتجانى انا وبس
وبحس انها بتكلمنى.. بقعد اشكيلهم واحكيلهم
امبارح انا كنت حزينة علشان القطة الصغيرة كان تعبانه وبجد كانت هتموت
اعتقد لو بنى ادم تعب مكنتش هتأثر اوى كده
بجد انا عيطت بدموع علشانها.. الحمد لله بقت احسن دلوقتى
عسولة اوى وانا بديها الدوا
زى الاطفال الصغيرين وقفلت فمها من المرارة بتاعته:)
دلوقتى وانا بكتب الجزء ده القط الكبير اللى بقاله سنة عندنا طلع على الـcpu ووقع كمان السماعات وبطل الاغانى
ولما جيت اكتب الجملة دى اتحرك شغلها تانى:)
اغنية قصة حبنا لرامى صبرى... تحفة
المهم انا مش قادرة افهم ازاى كائنات لطيفة زى القطط ممكن تجيب امراض وحشة كده
يارب عافينا يارب.. بس هما بجد مسليين ودمهم خفيف جداااااا
----
اثناء قرايتى ليا فى اجنداتى ومدونتى اكتشفت تحسن الحمد لله.. وهو ان الحمد لله بقت حاجات صغيرة تفرحنى
ممكن تقلب المود من النقيض للنقيض.. بقت فيه فرحة
جايز انا اللى بدور على اى حاجه تفرحنى وخلاص.. ما علينا المهم ان الحالة الرخمة دى اتغيرت وبقى فيه فرق
يارب دايما فى فرحة فى كل القلوب
وحاجة تانية وهى ان كانت حياتى وكتباتى متركزة على جزء واحد ومش عايزاها تتكرر بصراحة
عايزة الغى جزء حياتى اللى فات.. الحاجه دى بالذات
مش عايزة كده.. ساعدنى على انها متكونش كده.. ارجع مينفعش الكلام ده
----
مدونتى بجد انتى خففتى عنى ضغط كبير اوى كان مسيطر عليا الكام يوم اللى فاتوا
بعد ما ضاقت بيا الدنيا بالناس اللى فيها.. مكنتش عايزة الحكاية توصل للدرجة دى وبالذات من ناس معينة
انا عارفه انه غصب عنهم.. بس الاسلوب ده صعب معايا اوى والمشكلة انهم مش عارفين نتيجة ده ايه
المهم شكرا بجد ليكى
----

Sunday, June 13, 2010

ملكة الليل

اول مرة افتح شباك اوضتى بالليل فى الوقت ده
ريحة شجرة ملكة الليل حلوة اوى
ملت الاوضة بعبيرها
والهوا جميييييييييل اوى
بحب الليل
----
دائما لا أمل مشاهدة فيلم "فى شقة مصر الجديدة"
---
بقلب فى دفاترى القديمة امبارح والنهاردة
مش عارفه ليه
---
بقرأ "اوقات عصيبة" لتشارلز ديكنز
عندى الترجمة وان شاء الله اقرأ الرواية الاصلية مش التبسيط بتاعها
---
يارب استجب للدعوات اللى قرأتها النهارده
وبالذات اللى ألحيت عليك فيه
انت العالم بالحال يارب
---

Friday, June 11, 2010

I want to act like a princess

I want to stop that childish behavior
I know that I love being like a child
But you are right.. sometimes I should act like a grown up
Two days ago I watched "The Prisoner of Zenda ", the way princess Flavia acts is wonderful .
It's amazing
now I want to be a princess
I want to act like a real one
I'll do my best and try hard to be one
please Allah help me