لا شئ يهم
*
أنا عندى مبدأ من زمان
دايما اكون هايص فرحان
أبص هنا وأبص هنا
ألقى الهنا طول السنة
حياتى انى اعيش
والدنيا سرور فى سرور
ياما قلت وقلت
صحيت او نمت
يا واد سيبك بكرة هتموت
العمر قصير قضيه فى سرور
*
دى أغنية .. اللى مألفها شخصية محمد فى رواية لاشئ يهم لاحسان عبد القدوس
- احساس محمد فى الرواية جميل اوى.. عايش وخلاص
.. طول عمره ماشى بيمثل .. مش حاطط حاجه فى
دماغه.. بيحب كل حاجه تكون صدفة.. حتى جوازه كان
صدفة وفى تمثيليه من اللى بيمثلهم دايما.. مالهوش رأى
ولا يحب يكون له رأى ... مش بيحب الاوامر.. مش
عايز يتغير
...
انا لسه ما خلصتش الرواية.. بس عجبتنى شخصيته
اوووى.. نفسى اعرف النهاية بتاعته.. يا ترى هو
صح؟؟
عارفين
ساعات كتير احس انى زى محمد ده.. وفعلا ده اللى
بتمناه
بس اللى حواليا بيجبرونى انى ارجع للواقع واعيش فيه
عايزه احلم
عايزه اى حاجه تطلع فى دماغى اعملها على طول
بحب اوى لما حد يقولى مش هتكبرى بقى!!!
انا بحب اكون طفلة
اعمل الحاجه محدش يلومنى ويقولى غلط وعيب
بكره الكلمتين دول جدااااااااااااااااا
جملة كمان محمد قالها فى الرواية عجبتنى برضه
اذا لقيت واحد سعيد ومبسوط يبقى الاحسن انك تسأله
هو مبسوط ليه وتقعد تناقشه وتعكنن عليه ولا الاحسن
انك تشاركه فى انبساطه وسعادته؟؟
وكمان دى
ان الانسان لايفكر فى حبه الا اذا أصبح هذا الحب
مشكلة.. أما إذا كان حبا رائقا هادئا فالانسان لايفكر فيه
مهما بلغ من التصاقه به.. إن الحب كذراع الانسان
لايحس به الا اذا جرح او اصابه صدمة.. وأرقى
مستويات الحب هو الحب الذى تعيش فيه ومعه دون ان
تفكر فيه
ربنا يسهل بقى واكمل الرواية ان شاء الله
* * *
تحديث
--------
انا خلاص خلصت الرواية
وشخصية محمد اتغيرت فى الاخر
بجد اتصدمت
من بعد ما اتجوز سناء وهى كانت بتحاول تغيره
عايزاه يتحمل مسؤلية
ده كان بيسيبها فى الشارع من غير فلوس
ويجرى على الاتوبيس ويتشعبط فيه
وهى تفضل لدموعها
هى حبته وهو كان بيمثل دايما وحبت فيه كده
هو حقها تحس انها مسؤلة من شخص بتحبه ويحبها
بس مش عارفة انا متضايقة منها اوى علشان قتلت فيه الانسان الجميل ده
وكمان فى النهاية اتطلقوا
ومحمد بقى يمثل دور واحد بس
الموظف الجبان
وساب التمثيل خالص
فعلا دوام الحال من المحال
* * *
المهم
انا هفرح وهسيب نفسى للفرحة والسعادة
انا عارفه انى عيبى انى بستعجل كل حاجه
معنديش صبر
وهفرح اكتر برمضان ان شاء الله
يارب بلغنا رمضان
Comments
يارب تفرحى دايما بس فرح مفيش بعده ندم
مش عايزه اعكنن
بس مينفعش الواحد يعمل كل حاجه كده بمزاجه من غير ما يفكر فى العواقب
انا ساعات احب شويه تهور كده يدوا طعم للحياه
ويحسسونا بالانطلاق
طالما مش هنأذى حد ولا هنغضب ربنا
ربنا يسعدنا داااااااايما
تحياتى وحبى
عارفه انا كمان نفسي افرح اووووووووووي ومحدش يقعد يناقشني في فرحتي عشان بجد بيعكرو فرحتي دي لدرجة اني بقيت بخاف افرح نفسي لما افرح القي كل اللي بيحبوني بيشركوني فرحتي :)
انا متشكره علي البوست دي جدا حاسه انها صلحة حاجه جوايا
انا هستناكي تكمليلي بقيت الروايه
ربنا يبلغنا كلنا رمضان ويجعلنا من عتقائه :)
عاوزه كمان اقولك مرسي اوي علي سؤالك عليه
وكمان اقولك اني بحبك في الله :)
واكتر حاجة عايز ازبطها هى الكرة والازهر بارك وطبعا انى حد يعزمنى على الفطار
الموت من الفرح احسن من الموت من الحزن
ثم مفيش حاجه باقيه على حالها لو دلوقتى حزن نفرح ان بكره فرح
ولا ايه؟
انا جربت الحب فعلاً..
و صدقيني ..
الحب المثالي اللي مش موجود فقط هو اللي مافيهوش مشاكل ..
المشاكل دي بتقوي الحب . بتكشف المعدن .. و بتخلي الواحد يعرف أكتر .. و يفهم اكتر و يشوف أكتر..
الطفولة و البراءة حلوين اوي ..
بس للاسف الزمن دة مش مناسب ليهم ..
لأنه زمن مقلوب
بقى الصح فيه غلط و الغلط فيه صح..
حسن النية و البراءة خلاص.. مابقوش قيم موجودة زي زمان..
حتى الحب النقي الصادق بقى نادر اوي
و مش كل الناس بتلاقيه .
دة غير الانانية و انعدام المسؤولية و انعدام الضمير..
:)
لما تكملي الرواية اكتبي قوليلي حصل ايه
----
تمام يا منمونه
كلامك صح
والحمد لله رب العالمين عندى ثقة انى ان شاء الله مش هغضب ربنا لانى الحمد لله بقالى فترة بردد بينى وبين نفسى "الله مطلع على الله ناظر الى"
ولا تعكننى ولا حاجه يا عسولة
اه هو كل واحد مش هيعمل كل حاجه بس انا عايزه ارجع طفله تانى يا منى
هههههههههههههههههه
وهما شوية التهور دول اللى بيدوا للحياه طعم فعلا
وبإذن الله مش هنغضب ربنا ولا هيكون فيه ندم ابدا ابدا ابدا
يارب اسعدنا دايما وابدا
نورتينى يا قمرايه
ويارب تنورينى دايما
-----
حبيبتى اينو الرقيقة
يارب يا حبيبتى تفرحى على طول وكل اللى حواليكى يشاركوكى الفرحه يارب
ودايما يملا قلوبهم بحبك يارب
وايه متشكرة دى
لالالا هزعل منك
هههههههههههههه
لا والله ما اقدر ازعل منك
يارب دايما اقدر على انى افضل معاكم كده.. واللى يجمعنا هو الحب فى الله
ان شاء الله هكمل الرواية النهارده ربنا يسهل هو فاضل حوالى 150 صفحة بس
هههههههههههههههههههههههه
يارب نتجمع دايما فى الخير
وانا والله بحبك فى الله
الحمد لله رب العالمين
-----------
يا ألف اهلا ومليون سهلا
نورتنا بجد
فعلا رمضان شهر الخير كفايه ان الواحد بيتغسل فيه
نتمنى الزيارة تتكرر ان شاء الله
ويارب حقق اللى تتمناه
-----------
تمااااااام
عارف انت فكرتنى بيوم نتيجتك وانك كنت زعلان وده اللى كان حصلى
بس فعلا ليه نحزن
والله لينا الحق فى كل الفرح ده كفايه ان ربنا هو الله الرحمن
الحمد لله رب العالمين
نورتنى يا بطوط
كل سنه وانت طيب
-------------------------------
شيماء انتى فين من زمان
طيب والله سبحان الله انا كنت بفكر فيكى من فترة .. بس المشكلة مكنتش عارفة اوصلك ازاى ..
بس الحمد لله القلوب عند بعضها
بالنسبه للمشاكل فى الحب
انتى كده طمنتينى ربنا يطمن قلبك
ويارب افهمه
دعواتك بقى يا قمراية
اما الطفولة
فدى حكايتها حكاية
مقدرش اقول حاجه على كلامك لانه صح فعلا
بس برضه احساس الطفولة جميل اوى
احنا قلنا ايه
نفرح على اد ما نقدر حتى لو واجهنا ايييييييه حتى
اتفقنا؟؟؟
وان شاء الله ربنا يقدرنى واكملها
واكيد هقول على اللى هيحصل
وان شاء الله هتابعك من هنا ورايح
نورتينى يا شيمو
اوقات كتير لازم نكون محمد
مانشيلش هم ل حاجه
لكن مش كتير علشان الدنيا ماتبوظش
تحياتى
-----------
عندك حق
اكتشفت كده بعد ما خلصت الرواية
بس المشكلة فى الناس اللى حوالينا
ان شاء الله خير
الف شكر على الزيارة الكريمة
نورتنى
واعتقد ان التعليق ده يتناسب مع شخصيتك وهو
"الجميل إنك تحتفظي بزكريات أيام الطفولة .. والأجمل انك تحتفظي بروح الطفولة"
كل سنة وانت طيبة .. رمضان كريم
---------------
انا سعيدة جدا انك شايف شخصيتى كده
وبجد متشكرة جدا
انا مرة كنت سألت مدرسة زميلتى وقلت لها ياترى انا هفضل كده مع الاطفال لما اكبر كمان.. يعنى العب معاهم واحس فعلا انهم بيحبونى؟؟؟
انا بتمنى كده
يارب ان شاء الله
وانت طيب ... الله اكرم
نورتنى واسعدتنى بتعليقك وحضورك
------------
انا معاكى يا جميل فى كلامك .. الزواج فعلا مسؤلية.. وده اللى سناء كانت عايزاه.. هو حقها اكيد وانا مقدرش اقول انها غلطانه انها طلبت الطلاق.. بس اللى زعلنى ان محمد اتغير فى الاخر.. وهى الى حد ما كانت سبب فى التغيير ده
ربنا يخليكى يا قمر ومايحرمنيش منك
نورتينى
بجد بجد بجد
أسلوبك الأدبي تحفة
بحب الأسلوب دا جدا
وتقريبا بكتب بالطريقة دي
أسلوب يميل للعامية قليلا
عندما يقرأه القاريء يتخيل أنك تحدثيه بل ويسمع صوتك دون أن يراك
فيال جمال الأسلوب!!! خالص تقديري
برضو نسيت أقوووووووووول
كل سنه وانتي طيبة
وبرضووووووو رمضان كاااااااااارررررررررررررررررريم
هههههههههههههههههههههههه
خالص التحية والتقدير
--------------------
وعليكم السلام ورحمة الله وبركاته
دكتور محمد
انت تقصدنى انا بالكلام ده؟؟؟؟؟
متأكد
ههههههههههههههههههههههههههههه
ربنا يخليك يارب
دى شهادة اعتز بها جدا والله
كل سنه وانت طيب
تحياتى