حبيبى مات... ربنا وسعت كل شئ رحمة وعلما

السلام عليكم كلكم

اولا سبب البوست ده موضوع عند منى اسمه " وما ربك بظلام للعبيد " دورت لقيت القصة الجميلة دى 

ربنا يكرمك يا منى يارب لانك كنتى السبب فى معرفتى ليها

ولما حكيت القصة لبسبوسة حبيبة قلبى قالت لى دى فعلا محتاجه بوست لواحدها علشان كده جيبتها 

اليكم القصة وبعدها اقول على الجزء التانى من البوست

الجزء الأول

-----------

كلنا نعرف سيدنا موسى عليه السلام وهو كليم الله

فقد أتت إليه امرأة، وقالت له أدعو لي ربك أن يرزقني بالذرية، فكان سيدنا

موسى عليه السلام يسأل الله بأن يرزقها الذرية

وبما أن سيدنا موسى عليه السلام كليم الله، كان رب العزة تبارك وتعالي

يقول له يا موسى إني كتبتها عقيم

فحينما أتت إليه المرأة قال لها سيدنا موسى، لقد سألت الله لك، فقال ربي لي

يا موسي إني كتبتها عقيم

وبعد سنة أتت إليه المرأة تطلبه مرة أخرى أن يسأل الله أن يرزقها الذرية، فعاد

سيدنا موسى وسأل الله لها الذرية مرة أخرى

فقال الله له كما قال في المرة الأولى يا موسى إني كتبتها عقيم

فأخبرها سيدنا موسى بما قاله الله له في المرة الأول

وبعد فترة من الزمن أتت المرأة الى سيدنا موسى وهي تحمل طفلا

فسألها سيدنا موسى طفل من هذا الذي معك ، فقالت انه طفلي رزقني الله به

فكلم سيدنا موسى ربه ، وقال يا رب لقد كتبتها عقيم

فقال الله عز وجل وعلا

يا موسى كلما كتبتها عقيم ، قالت يا رحيم

كلما كتبتها عقيم ، قالت يا رحيم

فسبقت رحمتي قدرتي

فانظر يا أخي وانظري يا أختي رحمة رب العالمين وقدرته

وإليك الدعاء

اللهم يا حي يا قيوم ، يا ذا الجلال والإكرام ، أسألك باسمك الأعظم الطيب

المبارك ، الأحب إليك الذي اذا دعيت به أجبت ، وإذا استرحمت به رحمت ، وإذا

استفرجت به فرجت ، أن تجعلنا في هذه الدنيا من المقبولين والى أعلى درجاتك

سابقين ، واغفر لي ذنوبي وخطاياي وجميع المسلمين

اللهم اغفر لي وعافني واعف عني واهدني الى صراطك المستقيم وارحمني يا أرحم

الراحمين برحمتك أستعين

سبحان الله والحمد لله ولا إله إلا الله ، والله أكبر ولله الحمد ، وأستغفر

الله عدد خلقك ورضى نفسك وزنة عرشك ومداد كلماتك

اللهم اغفر للمسلمين جميعا الأحياء منهم والأموات وأدخلهم جناتك ، وأعزهم من

عذابك ، ولك الحمد ، وصلى اللهم على أشرف الخلق سيد المرسلين محمد صلى الله

عليه وسلم وعلى أهله وصحبه أجمعين

تحديث لابد منه

*************

القصة اثارت جدل وانا مكنتش عارفه انه هيحصل ده كله

المهم انا عملت بحث على مدى صحتها ولقيت الرد ده

ما هي صحة قصة المرأة مع كليم الله موسى ؟؟

وهل هي من الإسرائيليات المقبوله ؟؟

الجواب: وعليكم السلام ورحمة الله وبركاته

وجزاك الله خيراً .

هو مِن المقْبَول مِن حيث المعنى ، لا مِن حيث العمل به . فمعناه صحيح ، والعمل به يَحتاج إلى ثبوته في شرعنا . وأعني به تخصيص الدعاء بهذا الحال .

وأما الدعاء فشأنه عَجيب .. بِه تُنفّس الكُروب ، وتُكشَف الخطوب ، وتُفْرَج المضايق

وفي الحديث : لاَ يَرُدّ القَضَاءَ إِلاّ الدّعَاءُ ، وَلاَ يَزِيدُ في العُمُرِ إِلاّ البِرّ . وفي الحديث أيضا : الدعاء ينفع مما نـزل ومما لم ينـزل ، فعليكم عباد الله بالدعاء .

المجيب الشيخ/ عبدالرحمن السحيم

عضو مركز الدعوة والإرشاد

ولينك الكلام ده اهو

http://al-ershaad.com/vb4/showthread.php?t=3674

ياريت اسمع رأيكم

الجزء الثانى

-----------

"حبيبى مات" لهانى حلمى

ده شريط كاسيت جانى هدية ربنا يكرم ويبارك فى اللى جابته ليا يارب اللهم امين

استغربت من اسمه اوى فى الاول وبصراحة مكنتش هسمعه لسببين

1- انا متشائمة جدا من اسمه

2- انا معرفش هانى حلمى ده ومكنتش بحب اسمع الخطاب الدينى الا من ناس معينه بحب اسلوبها وبساطتها فى الالقاء 

المهم قررت اسمعه واشوف اللى فيه

لقيته جميييييييييييييييييل جدا جدا جدا

اسلوبه تلقائى وحلو اوى

اتكلم الاول عن قصة شاب اسمه عصام كان متزوج وعنده ابنه وكان كل اللى بيتمناه من ربنا الاحلام العادية

يأمن حياة كريمة لبنته ومراته .. المهم انه مات فى حادثة عربية وكمان العربية بتاعته مكانش كمل الاقساط بتاعتها

بس تفتكروا هو مات على ايه؟؟؟

كان مشغل كلام ربنا وبيردده

الله فعلا حسن الخاتمة

اللى عرفوه بعد كده انه كان بيعطى جزء كبير من مرتبه صدقات لله بس فى الخفاء

كام واحد فينا بيعمل كده

مع انه فى امس الحاجه لأى فلوس علشان اقساطه ويشترى لهم بيت و..و..و الى اخره

القصه دى حلوه اوى واثرت فيا جامد

ربنا بيبعت لنا رسايل واحنا مش بناخد بالنا منها

ليييييييييييييييه؟؟؟؟

وكمان حته عجبتنى 

لما ربنا بيعطيك الحاجه اللى بتتمناها بتنشغل بيها عنه سبحانه وتعالى

علشان كده بيعمل اى حاجه مشاكل او اوى حاجه عموما علشان ترجعله

فعلا .. ده حصلى

انا اسفه يارب وسامحنى

الحمد لله انى سمعت الشريط ده فى الوقت ده بالذات

استعدوا لرمضان يا جماعة دى فرصة وبنستناها من السنة للسنة

اللهم بلغنا رمضان

ده لينك لمجموعة من الدروس للشيخ هانى حلمى

http://www.islamway.com/?iw_s=Scholar&iw_a=lessons&scholar_id=1221

دعواتكم بالله عليكم

شكرا لوجودكم فى حياتى