وداعا كفر الشيخ

-
" وداعا كفر الشيخ"

قبل النهارده كنت بقولها وانا مخنوقه من كفر الشيخ وكنت مصدقت انى هخلص اخيرا
بس بعد النهارده مش قادره اوصف انا بحب كفر الشيخ اد ايه
بجد كان يوم جميل
بداية بإنه كان اخر يوم امتحان
ونهاية بالفسحة اللى قضيتها مع اصحابى

مش هنسى القطر ومغامراته
ولا هنسى نظام التعليم والادارة
ولا هنسى الصحبة سواء فى الكلية او المدرسة
ولا هنسى فرحتى بمعرفة بلد جديدة

بجد سنة لاتنسى بكل المقاييس
الحمد لله الذى هدانا الى هذا وما كنا لنهتدى لولا ان هدانا الله

Comments

هوندا said…
مبروك الافراااااااااج عقبال النتيجه
كويس انك غيرتى جو عرفتى ناس جديدة مكان جديد ربنا يوفقك ديما
:)
July 15, 2008 at 11:08 PM
Mona Shereif said…
الله يبارك فيكى يا هوندا
وعقبال نتيجتك انت كمان يا جميل
ربنا يكرمك
July 16, 2008 at 8:33 AM
momken said…
بالنجاح
وبسيطه ياستى خدى شقه فى كفر الشيخ

تحياتى
July 16, 2008 at 12:47 PM
Mona Shereif said…
يارب اللهم امين

وانت بتقول فيها انا كنت خلاص قررت اقيم هناك
هههههههههههههههههههههه
بس طبعا مينفعش
July 16, 2008 at 5:17 PM
dina said…
لا الف مبروك الافراج بقى و ان شاء الله نباركلك عالنتيجة دا بجد مهما كانت البلد حلوة و جو جديد و مغامرات انما اكيد افتقدتى الحياة قبل كفر الشيخ بردو
كل الخير و التوفيق ليكى ان شاء الله
July 17, 2008 at 5:30 AM
Mona Shereif said…
الله يبارك فيكى يا دينا ومبروك ليكى انتى النتيجة كمان

عندك حق والله انا افتقدت فعلا حاجات كتير
كفايه انى كل مدرسة اروحها والاقى فيها اصحاب اسيبها
بس كله خير ان شاء الله
July 17, 2008 at 7:34 PM
Ahmed Mohi said…
ربنا يوفقك ويقدرلك الخير دايما ان شاء الله ويرضيكى بيه
July 17, 2008 at 9:49 PM
kafrawy said…
هههههههه

و كفر الشيخ كمان بتشكر فيكى


تعالوا زورونا
July 18, 2008 at 2:56 AM
Mona Shereif said…
ahmed mohi
يارب اللهم امين لينا كلنا ولكل المسلمين اجمعين
بفرح جدا لما بشوف تعليق حضرتك عندى يا باشمهندس احمد
ربنا يكرمك

kafrawy
منورنا ياكفراوى يا اصيل
كفايه كفر الشيخ اللى عرفتك بينا

بس عرفت منين ان كفر الشيخ بتشكر فيا هى قالت لك ولا ايه؟
مع انى مكنتش مبينه حبى لها لا انا ولا اصحابى
هو بس اخر يوم اللى فرق معانا جامد
طول السنه كنا كارهين اليوم اللى فكرنا فيه اننا نقدم الدبلومه فى كفر الشيخ
بس سبحانه مغير الاحوال

منورنا
July 18, 2008 at 7:21 PM
منى said…
الحمد لله انك خلصتى على خير
عقبال ما نفرح معاكى بالنجاح
مالكيش حجه بقى عايزين على الاقل كل اسبوع بوست تعوضى اللى فات
تحياتى يا قمره
July 19, 2008 at 7:08 PM
Mona Shereif said…
الحمد لله يا منمونه
وان شاء الله ربنا يسهل واعوض اللى فات
وحشتينى
July 19, 2008 at 11:12 PM
Eno said…
الف مبروك انك خلصتي يامونش وعقبال ما تطمني علي النتيجه وتسمعينا اخبارك الحلوه :)

سلام ياقمر :)
July 19, 2008 at 11:50 PM
Mona Shereif said…
وحشتينى يا اينو جدا جدا جدا
وحشتنى كمان موضوعاتك الرقيقة
ايه اخبارك وياترى جديدك ايه؟
July 20, 2008 at 12:35 AM
Unknown said…
طبعا اكيد حاسس بيكى انا طبعا فرحان بالصحبة الحلوة اللى شفتها كام مرة فى الكلية وايام الامتحانات بس فى آخر يوم امتحانات هكسر زير واقول الله يخرب بيتك يا طنطا
بس هحتفظ بالهدية اللى اديتهالى الدبلومة وهى الصحبة الحلوة
احنا عاملين لقاء يوم 4/8 ان شاء الله فى مكتبة بوكس اند بينز بالمنصورة الساعة 5 والميعاد هيتحط على الفيس بوك بكرة على الرابط ده:
http://www.facebook.com/group.php?gid=18252776335
يا ريت تشرفينا انتى والمدونين اللى تعرفيهم من الدقهلية
تحياتى
July 26, 2008 at 12:26 AM
Unknown said…
مبرووووووووووووك ليكم كلكم
ومبروك ليا انا كمان :D
July 28, 2008 at 7:23 AM
Post a Comment

Popular posts from this blog

الجوز الخيل

-
الحان : سيد مصطفى غناء : سيد مصطفى - شافية احمد - كارم محمود كلمات الاغنية الجوز الخيل والعربية انغامهم كلها حنية سوق ياسطى لحد الصبحية على راسى ياهانم وعنيا الاسطى عاجبنى يامحلا غناه والدنيا ياروحى ماهيش سايعاه فرحان بالخيل اللى مانساه وحياته فى الدنيا هنية سوق ياسطى لحد الصبحيه على راسى ياهانم وعنيا ان شد السرعة بايده يمين بيحودوا زى البنى ادمين وان شد شمال برضك قايمين بواجبهم وشوية سوق ياسطى لحد الصبحية خدامك انا والعربية الجوز الخيل والعربية انغامهم كلها حنية بشتغلوا عليهم الالاتييه ---- بحبها اوى وكانت وحشانى بفتكر ايامنا واحنا صغيرين كانت حاجات جميلة اوى ---- ل لتحميل ----
Read more

تحويشة كلام

-
انا عارفة انى مجنونة لسه عاملة موضوع اغنية عن الرسول صلى الله عليه وسلم البوست اللى فات يمكن من دقايق بس قلت اعمل واحد تانى هتكلم عن اى حاجة وفى اى حاجة انا انذرتكم دى تحويشة اسبوع بحاله يعنى محدش يقولى صدعتينى ابدأ بايه ابدأ بايه ابدأ بايه مش عارفه بس انا اتعلمت حاجات كتير اوى الاسبوع ده لقيت كام مقالة عن اركان الاسلام بالانجليزى the five pillars of Islam واتعرفت على مفردات جديدة مكنتش اعرفها قبل كده تعرفوا ان معنى كلمة ركعة بالانجليزى unit وكمان الاحاديث الشريفة لرسول الله محمد صلى الله عليه وسلم اسمها the traditions of Muhammad وضوء يعنى ablution والخمس صلوات بيتكتبوا كده Fajr.. the dawn prayer Dhur.. the early afternoon prayer Asr.. the late afternoon prayer Maghrib.. the evening prayer Isha.. the night prayer وصلاة الجماعة اسمها congregational prayer الاقامة يعنى summons قرأت كتاب الصحة الاجتماعية لقيته عند اخويا المفروض بيدرسه فيه معلومات هايلة بجد وفى اخر الكتاب مجموعة من الممارسات الشعبية فى دلتا مصر والطب الشعبى وكده ومجموعة امثال حلوووووووة وبمناسبة الامثال جدتى كانت قالت و...
Read more

:)عروسة

-
ظلا متزوجين ستين سنة, كانا خلالها يتصارحان حول كل شئ, ويسعدان بقضاء كل الوقت فى الكلام أوخدمة احدهما الاخر, ولم تكن بينهما أسرار, ولكن الزوجة العجوز كانت تحتفظ بصندوق فوق أحد الرفوف, وحذرت زوجها مرارا من فتحه او سؤالها عن محتواه, الى ان كان يوم اتهك فيه المرض الزوجة, وقال الطبيب ان ايامها باتت معدودة, وبدأ الزوج الحزين يتأهب لمرحلة الترمل, ويضع حاجيات زوجته فى حقائب ليحتفظ بها كذكريات. ثم وقعت عينه على الصندوق فحمله وتوحه به الى السرير حيث ترقد زوجته المريضة, التى ما ان رأت الصندوق حتى ابتسمت فى حزن وقالت له: لا بأس... بإمكانك فتح الصندوق... فتح الرجل الصندوق ووجد بداخله دميتين من القماش وإبر النسيج المعروفة بالكروشية, وتحت كل ذلك مبلغ 25 ألف دولار, فسألها عن تلك الاشياء. قالت العجوز هامسة: عندما تزوجتك أبلغتنى جدتى ان سر الزواج الناجح يكمن فى تفادى الجدل والناقر والنقير. ونصحتنى بأنه كلما غضبت منك, اكتم غضبى وأإقوم بصنع دمية من القماش مستخدمة الابر.. هنا كاد الرجل " يشرق " بدموعه: دميتان فقط؟ ينى لم تغضب منى طوال ستين سنة سوى مرتين؟ وبرغم حزنه على كون زوجته فى فراش الموت فقد...
Read more