لفيت شويه فى المدونه بتاعتى
قريت بوستات زمان
وحشتنى روح الكتابة واحساسى لما كنت بكتب وقتها
دلوقتى جه فى بالى اكتب بوست فكتبت
جميل
الحمد لله
----
بقالى فترة متابعة مسلسل حريم السلطان
المسلسل جامد على فكرة
حملت حلقاته بدل ما اقعد قدام التليفزيون ساعتين علشان اشوف حلقة من كتر الاعلانات
وبرضه المسلسل فتحلى مجال انى ادور فى كتب التاريخ تانى
فرصه كويسه للقراءة
----
فضفضت كتير اوى مع اصحابى
الاصحاب بجد نعمه
وخصوصا لما تلاقى حد مهتم بيك وبيسأل على اخبارك اول بأول
لانه حاسس بكل حاجه انت بتمر بيها
الحمد لله رب العالمين
----
رشا هانم تعلن العصيان ومش عايزانى اكمل البوست ده
هتموت وتمسك الكى بورد
لن اسمح لكى بذلك يا روشا يا حبيب قلب ماما
بحبك يا اجمل حاجه حصلتلى فى حياتى
ربنا يبارك فيكى ويبعد عنك كل شرور الدنيا ويحفظك ويحميكى يارب
-----
استغفرك ياربى واتوب اليك
سامحنى واغفرلى يارب
اهدنى للصراط المستقيم وفك كربى واهديلى حالى واللى حواليا
الحمد لله
اللهم صلى وسلم على سيدنا محمد

Comments

Blackmatta said…
اااااااااااااه كويس انه فى حد يسمعك .. بجد " الحمد لله على كدة
Shiko said…
معاكي حق.. اللي بيحب يكتب و يقعد فترة مايكتبش حاجة.. بيحس ان في حاجة ناقصة و ان القلم وحشه اوي.. ان بيجيلي الاحساس ده كتير
Tamer Moghazy said…
حاسس اني بعيد بقالي كتير..
ولما رجعت لقيت حاجات كتير مش عارف الاحقها..!!

اعمل ايه انا..؟؟

Popular posts from this blog

الجوز الخيل

اذن يا بلال

ارادة الله لا قرارى