هفضفض شويه

السلام عليكم
ازيكم وازيك يا منى
الاول كل سنة وانتم طيبين ورمضان كريم عليكم يارب
هتكلم شويه لانى حاسه انى متكلمتش من زمان
اللى هى الفضفضه اللى بينى وبين نفسى دى وانى اقف واشوف انا وصلت لفين

لسه زى منا حساسة لدرجه تخنق
ليه ما اخدش من وسع زى ما بيقولو
لا بس انا عندى حق
لما اسمع من شخص قريب منى اوى
"انا بدأت اتخنق منك بجد"
يا سلام
برضه مش عايزة اكبر الموضوع
علشان برضه فى اوقات كتير بتحسسنى بقيمتى وانا انا حاجه حلوة فى حياتك وبتحمد ربنا عليا

بقيت اهتم كتير بالطبيخ
واتفرج على فتافيت
وكمان فيه مدونة ليها مدونتين واحده عادية والتانيه عن الطبيخ دخلت مباشرة للطبيخ
جايز اكمنى بقيت فاضية ومفيش حاجه اعملها اد كده

بقيت حاسه انى تافهه ومفيش حاجه اعملها
بعد ما كان وقتى كله مشغول
عموما كلها كام شهر وانشغل باللى مش هينيمنى
ده على حد كلام الجميع

يارب انت عارف ان بيبقى عندى ثقة ويقين بحاجات متأكده انك هتحققهالى زى اللى بتمناه لولادى ان شاء الله
هيبقوا حاجه كبيرة اوى وهربيهم صح وهتقدرنى بجد على كده انت عارف نيتى
وهيزودوا حاجه فى الدنيا دى

احساس جميل اللى بيحصل جوايا
بحبك:) من غير ما اشوفك

وحشنى الكلام والكتابة اوى
سؤال اجبارى لكل من يتكرم ويزور مدونة منى المهجورة من اهلها
؟ازاى اقدر اغير انى لما اكون متضايقه معيطش ولا ادمع
؟ازاى امسك نفسى على الاقل قدامهم
علشان موضوع الدموع ده بيزعل ناس منى وبجد انا مش عايزة ازعلهم

Comments

ربنا يكملك على خير يا حبيبتى
وعادى فى الحمل عيطى براحتك وساعة الولادة برضة وبعدها ..بصى دى حاجات طبيعية وعلى المتضرر أنه يجيب مناديل :)
pegasus13 said…
بجد الف مبروك يا منى يا رب تفرحى بيه و حياتك دايمآ تبقى سعيده
خدى بالك على نفسك
Eno said…
مني حببتي

حاولي تفرجي عن نفسك شويه
انانفسي اكلمك ليكي عندي
كلام كتير عن تجارب حصلتلي
احتمال كبير تفيدك اتمني :)

عموما اي وقت تكوني اونلاين اديني رنتين ورا بعض وندخل نرغي حبه كده :)

وحشتيني يااجمل ماما :)
catroz said…
ربنا يكرمك يا ب يا حبيبى و ربنا يريح قلبك و متشوفيش حزن ابدا

***

العياط
خدى 10 انفاس عميقه ورا بعض
الدموع هتروح
بعملها كتير

:))
السلام عليكم ورحمة الله وبركاته
يا حبيبت قلبي يا منمونه
الله ييسر أمورك وتقوميلنا بالسلامه يا أحلى ماما :)
وماعليش العياط والدموع دي خارج إرادتك والمود الي مش ولابد كلها لما أن شاء الله الباشا يكمل ثلاث سنين وتبقي فل :)
...
بجد وحشاني فوق ما تتصوري
أحبكِ في الله

Popular posts from this blog

الجوز الخيل

ارادة الله لا قرارى

اذن يا بلال