هنرجع لأى كلام

بقالى ساعة ونص بلف فى مدونة بنوته حبيتها اوى
وكنت لما اقرالها حاجه احس ان انا اللى كاتباها
مع انى كنت قرأتها قبل كده بس هى وحشانى بجد ويارب تكون بخير
احساسى وانا بقرأ رجعنى لاول ايام التدوين
بس فيه فرق
فى الاول كان عندى حماس وشعلة نشاط كده
انما دلوقتى مش عارفه مالى
-----
نفسى قلبى يتنطط من الفرحة زى زمان
كانت اى حاجه ولو صغيرة بتفرحه
مش عارفه مالى بجد
------
عنيا مدمعه
صعبان عليا نفسى
وبرضه مش عارفه مالى
------
عارفه انى هقلق ناس كتير بالبوست ده
بس بجد تعبانه وعايزه ارجع زى زمان
انتى رحتى فين يا منى؟؟؟؟
-----
ايام العيد فاتت وكانت غير كل عيد
اولا قضيته بشكل جديد
ثانيا كنت مترقبه حدوث حاجه ولسه محصلتش
قلبى موجوع بجد
بس انا عارفه ان اختيارك يا رب هو الصالح ليا
-------
زعلانة من نفسى اوى علشان سيبتك يا مدونتى
ومعدتش بتابع المدونين اصحابى
------
هو انا اتغيرت؟؟
ايه اللى حصل
ولا انا ما اتغيرتش وانا زى مانا بس اكمن اللى بفكر انه كان حاجه تانيه فات وانقضى
-----
بجد انا عايزة افرح
عايزه كلامى تتنطط منه الفرحة زى زمان
عايزه افرح
عايزه افرح
عايزه افرح