اهو كلام
بسم الله
ازيكم عاملين ايه
يارب تكونوا بخير
انا قلت اتكلم شويه معاكم او مع نفسى بدل ما افرقع
حاسه انى مش لاقيانى زى زمان
بس تعرفوا انا يمكن احسن من زمان
ـــــــ
فى حالة طوارئ علشان الامتحانات فى كذا مدونة
وانا زعلانه علشان مبذاكرش
ااااااااااخ يانى
وحشتنى اوى المذاكرة
والله حاسه انى مخى هيضرب
افتكرت السنة اللى فاتت
لما كنت بذاكر مع بسبوسه
وكنا بنعيط انا مره وهى مره ونقعد نصبر بعض
هههههههههههههه والله كانت ايام عسل
ومذاكرة القطر ايام امتحانات العملى
ولا اول يوم امتحانات والعربيه باظت مننا فى الطريق والافيهات اللى كنا بنقولها
وحشتنى المجموعه دى اوى
حنان واسماء ومنى وبوسى
واصحابى اللى عرفتهم من كفر الشيخ
ايمان وسحر وسمر وسوزان
ولا يوم بلطيم
كان اخر يوم امتحان لينا ورحنا بلطيم انا ومنى وبوسى
على فكره لسه شايفه صوركم دلوقتى وحشتونى اوى
مش حرام ان كل واحده راحت فى بلد
يلا ربنا يوفقكم يارب ويحميكم ويحرصكم يارب انتو و شباب المسلمين يارب
ـــــــــــــ
احساس وحش اوى لما كل اللى حواليك يبقى عارف قيمتك الا انت
ــــــــــــ
الكلمة
ممكن تحيك وممكن تموتك
ـــــــــــ
من يومين شفت بالصدفة كليب الحلم الجميل لهانى شاكر
اتأثرت اوى بيه
وهنا بقى فيه سؤال
ليه احنا بندور على النكد
وليه اكتر الاغانى كده
تعيشك احساس الالم مليون مره
ـــــــــــــ
قريت جزء من كتاب "جدد حياتك "للغزالى
واتكلم عن افات الفراغ
اذا لم تشغل نفسك بالحق شغلتك بالباطل... الشافعى
خلوا بالكم بجد من الفراغ
وحشششششششششش جدااااااا وبكرهه اوووووووووووى
الحمد لله رب العالمين
لو فكرنا كده انك لو شغلت نفسك بحاجه
عمر القلق والوساوس ما هتقربلك
لانه استحاله على الذهن البشرى انه يفكر فى حاجتين فى نفس الوقت
وده قريب من قول الله عز وجل فى سورة الاحزاب
"ماجعل الله لرجل من قلبين فى جوفه"
ـــــــــــــ
فرحانه انى لقيت كتاب سيدات بيت النبوة على النت علشان دورت عليه قبل كده وملقتهوش
كنت اشتريته من 3 سنين اعتقد او اكتر
وصاحبتى اخدته منى وسافرت ومن يومها ولا اعرف عنه حاجه
الكتاب لعائشة عبد الرحمن .. بنت الشاطئ
بجد جبار ما شاء الله
ان شاء الله اقراه وهجيبه لكم هنا
ــــــــــ
احساسى بالعجز وان يكون رد فعلى انى اعيط وبس وانى مش قادرة انقذها ده تاعبنى اوى
والله مش عايزاها تجرب اللى انا جربته بجد احساس مؤلم
هو احنا ليه مش بنسمع كلام اللى حوالينا لما ينصحونا ويقولولنا على خبرتهم ويوفروا علينا التجربه والفشل
احنا كده بنضيع عمرنا فى الم وخلاص
ساعات بحس بالغباء
ـــــــــــ
"ربنا يحميكى"
قالهالى عم ابراهيم
بجد دخلت جوا اوى
من يوم ما سمعتها وبقيت احب اقولها وادعيها لكل الناس
بجد احساسها حلو اوى
يارب اسمعها دايما
وربنا يحميكم يا شباب المسلمين وينصركم يارب
ـــــــــــــ
كنت مخنوقه مره ورحت لصاحبتى واتكلمت معاها وقعدت احكى لها وكده
قالتلى
انتى معدتيش بتابعى برامج دينيه
وفعلا انا معدتش بتابع
ساعاتها حسيت انها فعلا صحبة صالحة
وحشتينى يا بلبله اوى
اهو انا زعلانه بقى علشان معدناش بنشوف بعض... بقالنا 3 سنين من ايام الكلية
على الرغم ان احنا كنا واخدينها جد اوى بس كانت ايام لذيذه
لما بنقعد نفتكرها زعلت منك لما قلتى ياريتنا ما عشناها علشان منفتكرهاش
ربنا يصلح لك الحال يا رب وتتحققى كل اللى تتمنيه يارب ويروق بالك
ــــــــــــ
انا بحبك يا هدهود اوى
ربنا يخليكى ليا يارب
بحب لما بقول الكلمة انا وانتى فى نفس الوقت
كتير بيحسدونى عليكى
عارفه حتى خناقاتنا هتوحشنى وهفتقدها
اااااااااااه فى حاجه
صاحبتك امو الفظيعة
عنيها صعبة اوى يا هدهود
فاكره لما شافتنى بذاكر مره ومن بعدها مقدرتش افتح كتاب وكنت فى الليسانس وكانت حالتى هباب والبيت كان جحيم بجد وقتها
وتعبت الكل معايا
انا مش عارفه هى كده ازاى مع انها بتقول ما شاء الله
عموما الحمد لله الذى عافانا
ـــــــــــ
شكرا لصبركم فى قراية الكلام ده
ياريت اطلع بدروس مستفاده
ههههههههههههه
والى لقاء اخر مع شوية كلام تانى
بصراحه مبسوطه بالبوست ده اصلى من زمان مفضفضتش
Comments
ل
رومانسى
الحمد لله انك بخير
الصداقه اهم شئ فى الوجود
وبالذات بقى لو الاصدقاء مخلصين
وبيحبوا بعض بجد
وكلمه عم ابراهيم
وكليب الحلم الجميل
ليه بس كده
والمذاكره
نحمد ربنا اننا خلصناها
الحمد لله
بجد وحشتينى جدا جدا
ويا رب تكونى بالف خير
وحشتتتتتتتتتتتتتنى جدا
ذكرياتنا مهما كانت برضه بنحبها
ربنا يحميكى ويباركلك فى محمد
من ميزات الكياسه لدى بعض البشر كيفية عمل تصالح مع النفس وتحفيزها باءستمرار وتذكر الايام التى تحى فى القلوب الابتسامه
وتتطفى على الحياه السعادة
لاءن ربنا لم يخلقنا لكى نتاءلم ونعيش حياه كلها عذاب وضنا
ومن حكمته اننا لا نعرف من الذى كتب عليه الشقاء ومن كتب عليه السعادة
لذا الكل لديه الامل فى الافضل
مرة ثانيه تذكر ما يبهج القلب والنفس يزيد الفكر والعقلانية نضوجا" واحتراما
تحياتى مع دوام كل الخير لك
ايه بس مالك يا قمر
كل دة شايلاه جواكي وساكتة
لا يا حبي فضفضي براحتك خالص
بس إية الحلاوة دي فضفة حلوة
وفعلا داري علي شمعتك تقيد يا قمر
يلا بوسات كتير وحشاني يا بنوتة
لا لا انا بهزر والله فعلا فضفضي براحتك ومال المدونات اتعملت ليه ماهو علشان نفضفض وايام الكليه ماتتعوضش وكمان خلي بالك من الحسد ربنا يخليلبك كل اصحابك وتشوفيهم تاني
جامدين اوى بجد ..:)
بوست ملخبط بس حلو
كفاية انك بتفضفضى يا بنتى
حكاية مبنسمعش كلام اللى حوالينا ليه
مش انتى بس والله كلنا
بنحب نجرب
الانسان بطبيعته مبيحبش ميجربش الحاجة بنفسه
اما عن الفراغ فمعاكى حق الفراغ يودى فى داهية ويجيب اكتئاب
اما على انك بتحكى على محمد
ان هنصحك بحاجة سيبك حتى من الحسد
المفروض انى دى حاجة خاصة بيكى اوى مينفعش ترغى فيها
ممكن مثلا تعبرى عن حالة حزن او فرح لكن تفاصيل لا
بس كده :)
تحياتى وربنا معاكى فى الامتحانات ويخليلك كل اصحابك يارب
احساس جميل بنعيشه من غير ما نغلط
ناس كتير حلوه بنحبهم ونبعد عنهم ونفضل نحبهم
فضفضتك جميله اوي ربنا يخليلك اصحابك ويخليكي ليهم
يااااااه اصحابي وحشوني اوي
هروح اسال عليهم
دمتي في حماية الله
ده اللى بحس بيه دلوقتى على فكرة للاسف
أسأل الله أن يرزقنى واياكى وكل شباب المسلمين الهدى والتقى والعفاف وحلاوة الايمان ...........
امين
امين
امين
مع خالص حبي
بووووووووووسي
عموما ارقي نفسك بالرقيه الشرعيه و اقري القران اكيد حترتاحي بأذن الله
دمتي بألف خير
ههههههههههههه
حلوه واحد يشد ويتكلم ويدكر ماضي
اعتقد ماضي اجمل دكره
سلامي
ونتمالك توفيق
علي فكره ادعليك تنجحي
وانت كمان ادعلي
اصلي عندي امتحانات
يارب ننجح
سلام
اختك
فتاة من زمن اخر
يارب دايما
وربنا ميحرمكيشش من صحابك ابدا ويخلى الود حتى ولو من بعيد
تحياتى وحبى
والله وحشتني فضفضتك جدا
ايام الدراسه دي ايام متتعوضش طبعا ربنا يجعل كل ايامك سعيده يامنمن :)
اللي قالك داري علي شمعتك تقيد ده عاوزه مصلحتك وانا يمكن قولتلك الكلمه دي مره في الاول خالص اوعي تزعلي من حد بيقولك كده
ربنا يكرمك ويبارك فيكي ياقمر ويكملك علي خير ان شاء الله :)
تحياتي :)
وبالنسبة للدراسة ممكن توجعي قلبك وتحضري ماجيستير علشان عايزة تذاكري على اساس ان المذاكرة دي حاجة حلوة يعني عاااااااااا اسأليني انا
بستنى اليوم اللي هخلص فيه الكلية بفارغ الصبر
وبالنسبة لموضوع لما بتكتبي عن محمد بتتخانقوا ده نفس اللي بيحصل لما بكتب عن ماما وبابا في البلوج :(((
بجد بجد وحشتييييييييييني
اتمنى زيرتك
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية
لكن ولا حياة لمن تنادى
العين وحشة بجد والعين فلقت الحجر
لكن بنتوكل على الله والله خير حافظ
احنا كده بنضيع عمرنا فى الم وخلاص" لأنى اكتشفت ان الواحد لو مجربش وغلط مش هيحس بطعم الحياة بس طبعا مش معنى كلامى ان الواحد يجرب كل حاجة غلط وخلاص.
mahasen saber
موناليزا
ABOALI
وومن
حاسوباتيه
catroz
princess
صوت من مصر
حنان الشافعي
safa7_karmooz
Bosssssy
Meme
holyday
منى
Eno
Lady E
ادم المصرى
رابطة هويتي اسلامية
3abratalsabeel
MaNoOoSh
------------------
اهلا بيكم يا حلوين بجد اسعدتونى بردودكم
ربنا يخليكم ليا
اهلا بالزوار الجداد
برنسيس .. حنان.. هولى داى.. ادم المصرى... عابرة سبيل...منوشا
ماشاء الله ربنا يزيد ويبارك
نورتونى بجد
اهلا بالزوار الدايمين اللى دايما رافعين معنوياتى وبيحبونى بجد
معلش على تقصيرى
بس النت حالته مش طبيعيه
انتى بتروحى فين
بتغطسى وبترجعى تانى ومبعرفش انتى بتروحى فين
بس بجد وحشتينى وحشتينى يا منى
وعودا حميدا يا جميله
حَيَّ عَلَى الْجِهَادِ.. بالوقت والعلم والمال والدم لتتحقق الوحدة بين كافة طوائف الأمة..
حَيَّ عَلَى الْجِهَادِ.. بفتح المعابر والحدود وأبواب التطوع ودعم المجاهدين بكل الوسائل.
حَيَّ عَلَى الْجِهَادِ.. لتبرأ الأمة إلى ربها من تقصيرها في حق ربها ودينها ورسالتها.
حَيَّ عَلَى الْجِهَادِ.. لنصرة المظلوم وإعادة الحق لأصحابه.
حَيَّ عَلَى الْجِهَادِ.. للوقوف في وجه الظلم والاستبداد والاستكبار الصهيوني غير المسبوق على مرأى ومسمع من العالم بأسره.
حَيَّ عَلَى الْجِهَادِ.. جهادًا نرفع به سقف مواجهتنا لهذه المحرقة لأقصى درجاتها الممكنة.
وحشاني جدا يا قمر ...
فضفضي يا بنتي براحتك
وأنا كمان كنت عاوزه أقولك يا عني ما تجبيش سيرت محمد كتير
يعني مش عشان الحسد بس فيه ناس بتفرح فيكي وبيكون مفعولها زي الحسد بس منغير قصد كده
........
الله يحميكم يا حبيبتي
.........
حلوه أيام الدراسه
والله يجمع بينك وصحباتك
على مايحب ويرضاه
.........
بوسي وحشاني أنا جدا بجد مقصره معاهاومعاكي يا قمر...
وإنتي وحشاها جدا ودايما بتجيب بسيرتك بالخير ...
.....
في أمان الله يا حبيبتي..