عجبانى
من المواقف الطريفة أن زوجة اشتكت لزوجها وقالت له : أين الكلام المعسول والذي كنت اسمعه منك قبل الزواج ؟ لم أعد أسمعه كما كنت من قبل ؟ فقال لها الزوج هل رأيت صياداً يضع الطعم للسمكة بعد أن يصطادها ؟
--------------------------------
مكنتش عارفه اكتب ايه موضوع تالت لشهر مارس
مع ان كان فى دماغى حاجات كتير اوى والله
يعنى مثلا كنت عايزه اكتب شكر لكل الناس اللى تعبت معايا اوى الفتره اللى فاتت
وكمان كنت عايزه اكتب عن تجربة الوقفه فى طابور العيش-علشان انا عملتها وان شاء الله لن تتكرر,توبه يا بيه حرمت خلاص-امممممممممممممم ايه تانى؟؟؟؟
مش فاكره
بس حاجات دارت كتير جوايا
وبجد كنت عايزه اكتبها
بس موووووووووش عارفه ليه مكتبتهاش
عموما الموقف اللى فى اول الموضوع ده عجبنى جدا جدا جدا
هههههههههههههههههههههههههههههههههههههههههه
ياريت اسمع ارائكم
تحياتى لكم ووحشتونى والله
سلااااااااااااااااام
Comments
على العموم في رأيي الشخصي المتواضع ان الحل الوحيد ان الرومانسيه ماتخلصش هو ان يكون في فترة خطوبه حلوه تعمل رصيد ايجابي بعد الجواز
ان شاء الله لما ربنا يرزقني ببنت الحلال هبقى ادلعها واقولها كلام حلو بعد الجواز بس المهم بنت الحلال تيجي
هو قالها فعلا
في صياد بيعطي للسمكه طعم بعد ما يصطادها؟؟
لازم يشنكل البنت بالكلام الجميل المزوق
بعدين لما تقع في شباكه يبقى خلاص
كله انتهى ويعيشوا في ملل
حاجه تقرف
الواحده بتفكر بلاش تتجوز
هههههههههههههههههههه
بس هو فين العريس
ميرسي يا عسل
موضوعك ظريف اوي
اه نسيت اقولك
بلاش طابور العيش ده
دي بتكون مذبحه
ههههههههههههههههههههه
سلام يا جميل
وميرسي ليكي تاني
ويبدو ان الحل السليم هو زى ماقالت الحب القديم انى مااتجوزش خالص واريح دماغى .
ودمتم
سؤال خبيييث :))
اوعى يكون اسقاط على محمد انه معادش بيقولك كلام حلو
انتوا لسه ملحقتووووش اساسا يابنتى
وبعدين لو الراجل بوجه عام يعنى مقالش كلام حلو من نفسه ..الست ممكن تخليه يقول كلام حلو غصب عنه كده ويطلع منه تلقائى بردو
يعنى تكلمه برقه
تقوله هيا كلام حلو
تعمله اكله بيحبها
تلبس لون بيحبه
يعنى وهكذاااا
هتلاقيه قال بقى ويفضل يقول ومتعرفش تسكته كمان :)
حلو الموضوع بتاعك اوووووووووي هايحسس اي بنت انها بلطيه حلوه كده
هههههههههه
انا متفقه مع نوسه في كلامها علي فكره
نصيحه اكتبي كل اللي يجي علي بالك احنا بشر عادين زيك مش ادباء يعني
ودي مساحه شخصيه ليكي تقولي فيها اللي عاوزاه وبأي اسلوب تحبيه
بس مش تغيبي تاني :)
ربنا يسعدك يارب ويوفقك في كل اللي تحبيه :)
سلام :)
-----
اهلا دكتور وائل منور المدونه
ويسلم من دلك علينا
وبرافو عليك والله اكتر حاجه البنت تحبها هى الرومانسيه
وربنا يرزقك ببنت الحلال ياااااااارب اللهم امين
---------
اهلا بيكى يا قمرايه
بس ايه التشاؤم ده يا بنتى
اتطمنى ان شاء الله ربنا هيرزقك بالعريس اللى يفرح قلبك وتكون حياتك كلها رومانسيه وهاديه ان شاء الله
وتحت امرك يا باشا لن تتكرر حكايه طابور العيش دى بتاتا هو اللى انا شفته شويه
تحياتى يا جميل
-----------
يا بسبوسه الامل دايما موجود
والله واسألى مجرب - اللى هو انا يعنى- بجد ربنا جميل اوى ومش هيسيب حاجه كده
ف اتطمن يا جميل وروق وان شاء الله كل الامور بتعدى
منورانى وربنا ما يحرمنى منك ابدا
------------------
ههههههههههههههههههههههه
ماشى يا نوسه
ده كلام برضه تقوليه
هههههههههههههههههههههه
بس حلوه اسقاط على محمد دى
جاااااااامده
لا الحمد لله ربنا يبعد عننا الكلام ده
انا والله كنت بدور على مقالات عن الحب والموده بين الزوجين ف لفيت الموقف ده عجبنى وبس
وهبقى اجرب الحاجات اللى انتى قولتيها دى - بس يارب ما يحصلش كده ابدا لاى حد
-------------
معلش يا جميل على غيابى وتأخيرى
بس اهى ظروف طارئه
وحاضر يا قمر هكتب اللى اللى يجى على بالى ان شاء الله
دعواتك ليا بقى
وربنا يخليكى ليا
هو في رايي ده يعتمد على الزوجه نفسها يعني لو هي كويسه وواخده بالها من بيتها وجوزها ومقلهاش كلام حلو يبقى هو ماعندوش احساس او حتى مجرد كلمه شكر انا بعتبرها كلام حلو او اي شئ بسيط جدا جدا هيكون عندها حاجه غاليه جدا ان شاء الله ورده جابها من الشارع بس المهم افتكرها مش لازم كلام يعني ممكن تصرفات لان في رجاله خجوله او كتومه والنوع ده انا شفته وبعاني منه بس بيكون بقى تصرفات مش لازم كلام وبكون برضو مبسوطه بيه كمان ربنا يوفقك يارب ومحمد يقولك كلام حلو على طول وحياتكم كلها فرحه
ابقى خلى محمد يقرا الموقف دة عشان المستقبل بس :D
على فكرة مدونتك جميلة اوى
انا اول مرة ادخلها
و مستنيين مغامراتك مع طابور العيش قريب
تحياتي
احب ان ابدى اعجابى بمدونتك واتمنى لكى مكان عال مع نجوم التدوين
موضوع الكلام المعسول ده مش مشكله الزوج بس لا دى مشكله بين الاتنين يعنى لازم يكون فى تبادل وبعد الجواز مش شرط الست تستنى هو يتكلم علشان هى تتكلم ما لو اتكلمت هى حيرد هو وهكذا تمضى الحياه
موضوع طابور العيش نحن السابقون وانتم اللاحقون حمدلله على السلامه
هو موقف لذيذ وكوميدي ويضحك
بس من باب (شر البلية مايضحك)عشان
للاسف دا بيحصل كتير في مجتمعاتنا
بالعكس كمان
دا نادرا لما مبيحصلش
بس دا طبعا ان دل علي شئ فإنما يدل علي ان عقلية الزوج مهياش بالنضج الكافي...او ان الزوجه مش مهتمه بنفسها بالقدر اللي كان قبل الجواز
...ودا برضه بيحصل كتير وكأن اهتمامها بنفسها ده كان هو برضه الطعم اللي هي حطيتهوله عشان يتجوزها
عشان الزوج يقول كلام حلو ..لازم يلاقي الزوجه اللي تستاهل الكلام ده..يعني الموضوع متوقف علي الطرفين مش هو بس ولا هي بس
وفي النهاية انا بحييكي بجد علي المدونه الرائعه دي وعلي كل المواضيع اللي انتي كاتباها فيها...وخصوصا اللي بتعبري فيه عن حبك لخطيبك...بجد تحفه..وربنا يوفقك ويخليكوا لبعض..بااااااي
لا حلوة بجد
بس انا مش مقتنعة بالكلام ده ..صح هو كلام واقعى وبيحصل فى بيوت كتيرة ..وبين ناس اللى كان يشوفهم فى فترة الحب والخطوبة يقول ان كنارية الحب دول اكيد حياتهم كلها هاتبقى حب فى حب ..هايجى يلاقيهم بعد الجواز بيولعوا فى بعض
!!
بس الرومانسية والمحافظة على اللحظات الجميلة بين اى اتنين واجب عليهم المحافظة عليه ..والعمل على استمراره ..
صح مشغوليات الحياة بقسوتها وحلوها ومرها ممكن اوى يتسبب فى بعد غير مقصود بين اى زوجين ..بس بإيدهم يقدروا يبقوا مع بعض على الحلوة والمرة ..وعلى قد ما يقدروا يحولوا مرهم لحلو
صح ده كلام نظرى ..بس ممكن اوى يحصل ..وكيد بيحصل برده
بس الف حمد لله على السلامة ..ما تغبيش اوى كدة تانى علينا
تحياتى
:)
STOP BLAMING EVERYTHING ON MEN.
,,
ocean eyes
رئيس جمهورية نفسى
----------------
يارب يارب يارب
تفضل كل الناس تقول كلام حلو
دايما منورنى
ارائكم كلها سديدة
شكرا ليكم
سفينه
Yuki
راجى
--------
يا هلا بيكم
شكرا لتشريفكم مدونتى
ويارب ما تكونش اخر زيارة ليكم هناااااااا