ساعات ساعات

ساعات ساعات

أحب عمري 

وأعشق الحاجات

احب كل الناس

وأد أيه أحساس؟

واحس جوايا بميت نغم

ميت نغم يملو السكات

ساعات

ساعات ساعات

أحس أد أيه وحيدة

وأد ايه الكلمة في لساني

مش جديدة

وأد أيه مانيش سعيدة

وأن النجوم ..بعيدة

وتقيلة خطوة الزمن

تقيلة دقة الساعات

ساعات

أضحك وألعب زي عصفور الربيع

زي النسيم 

ما يعدي وفي لحظة يضيع

أضيع

أفرح أوي

وأضحك أوي

وأحب عمري وأعشق اليوم اللي فات

ساعات

غريبة وغريبة

نفس اللي بيفرحني ما يفرحني

وغريبة 

نفس اللي بيريحني ما يريحني

وأحس أن عمري فات

من غير ما أحب عمري وأعشق الحاجات

كده ساعات وكده ساعات

آآآآآآآآآآآآآآآة

وغريبة غريبة دقة الزمن

غريبة غريبة لعبة الساعات

ساعات 

ساعات ؟؟؟؟؟؟؟؟؟