Posts

Showing posts from August, 2008

Happy Ramadan

Image
برنامج الطريق الصح للداعية معز مسعود.. الساعة 5:30 قبل الفطار على قناة المحور برنامج قصص القران للاستاذ عمرو خالد.. الساعة 10:00 مساءا على قناة الرسالة برنامج الكنز المفقود للداعية مصطفى حسنى.. الساعة 11:00 مساءا على قناة اقرأ 1 رمضان سأحيا بالقران ومن خلال القصص هتعلم ازاى:- 1- احب القران وافهمه 2- اصلح حياتى 3- اتعلق باسماء الله الحسنى 4- اشارك فى احياء الامة ان شاء الله رب العالمين يارب قلبى ما يتعلق غير بيك مش عايزه اشغل نفسى بحاجه تانيه يـــــــــــــــــــــــــــا رب * * *

قلبى فرحان

امبارح كان يوم عجيب بشكل كنت الصبح بدرى متضايقه ومخنوقه وبعيييييييط بطريقة رهيبة اختى اقترحت اننا نروح كلنا الارض بتاعتنا وتبقى فسحة النهاردة بما ان والدى كان نشيط وماشفناهوش كده من زمان قال خلاص انا هسبقكم وبعد ما تخلصوا اللى وراكو حصلونى قلت فى بالى ياريت يسيبونى كلهم ويخرجوا واقعد انا مكتئبة مع نفسى وبعدين فكرت ليه ما اخرجش واغير جو.. وانا اصلا بموت فى الارض وببقى ساعات كتير عايزه اروح بس ما ينفعش اروح لواحدى المهم قلت لماما واخواتى انا هروح مشى وانتو اركبو وابقو حصلونى رحت ولقيت بابا مستنينى ودار بينى وبين بابا حوار جميييييييل كان فى كل حاجه تقريبا دين.. سياسة.. فن.. ادب يااااااااااااااااااااه من زمان ماتكلمتش معاك يا بابا وحشتنى بجد انا فاكرة واحنا صغيرين وكنت بتجمعنا انا واخواتى ونلف جوله حول العالم فى الاطلس بجد كانت ايام جميلة ومفتقداها بشكل غريب من زمان ما حسيتش الاحساس ده والله كنت مفتقداك اوى يا بابا ربنا يخليك لنا ويبارك فيك ويديك الصحة ويشفيك ويعافيك ويروق لك بالك وتفضل كده من تانى وحشنى شكلك وانت بتتكلم اوى وحشتنى لمتنا كلنا وكلامنا وتقعد تفتكر ذكريااااااااات زمان مع مام

لا شئ يهم

* أنا عندى مبدأ من زمان دايما اكون هايص فرحان أبص هنا وأبص هنا ألقى الهنا طول السنة حياتى انى اعيش والدنيا سرور فى سرور ياما قلت وقلت صحيت او نمت يا واد سيبك بكرة هتموت العمر قصير قضيه فى سرور * دى أغنية .. اللى مألفها شخصية محمد فى رواية لاشئ يهم لاحسان عبد القدوس - احساس محمد فى الرواية جميل اوى.. عايش وخلاص .. طول عمره ماشى بيمثل .. مش حاطط حاجه فى دماغه.. بيحب كل حاجه تكون صدفة.. حتى جوازه كان  صدفة وفى تمثيليه من اللى بيمثلهم دايما.. مالهوش رأى  ولا يحب يكون له رأى ... مش بيحب الاوامر.. مش  عايز يتغير ... انا لسه ما خلصتش الرواية.. بس عجبتنى شخصيته  اوووى.. نفسى اعرف النهاية بتاعته.. يا ترى هو  صح؟؟ عارفين ساعات كتير احس انى زى محمد ده.. وفعلا ده اللى  بتمناه بس اللى حواليا بيجبرونى انى ارجع للواقع واعيش فيه عايزه احلم عايزه اى حاجه تطلع فى دماغى اعملها على طول بحب اوى لما حد يقولى مش هتكبرى بقى!!! انا بحب اكون طفلة اعمل الحاجه محدش يلومنى ويقولى غلط وعيب بكره الكلمتين دول جدااااااااااااااااا جملة كمان محمد قالها فى الرواية عجبتنى برضه  اذا لقيت واحد سعيد ومبسوط يبقى الاحسن انك تس

قلق+توتر+خوف+بطالة+.....+.....=؟؟؟؟؟؟

السلام عليكم ورحمة الله وبركاته عنوان يخض مش كده؟؟؟ الاول الحمد لله الذى هدانا الى هذا وما كنا لنهتدى لولا ان هدانا الله يـا رب انا مش معترضه على حاجه والله بس انا تعبانه اوى هفضل عايشه لامتى فى قلق وتوتر قبل ما اتخرج كنت عايشه فى توتر وكلنا عارفين قلق الامتحانات ولما خلصت امتحانات .. عشت فى قلق انتظار النتيجة.. بعدها قلق البطالة اسوأ مرحلة فى حياتى من مايو 2006 لما خلصت الكلية بتاعتى وكنت فاااااااااااااضيه- احساس بشع جداااا- طول عمرى كنت بخرج وكنت بروح كورسات .. غير فريق صناع وفجأه كل ده راااااح تعبت جدا الفترة دى (الحمد لله رب العالمين انها عدت على خير)بس الأثار اللى نتجت عنها لسه تعبانى لغاية دلوقتى بدأت روحى ترجعلى لما اشتغلت مدرسة كمبيوتر بالمكافأة20/11/2006 مع العلم ان تخصصى انجليزى.. بس انا قلت اهو شغل والسلام.. وكانت كمان البلد بعيدة اللى فيها المدرسة.. قلت عادى برضه.. دفعت اد اللى اخدته مرتين.. وكان اول قبض ليا 60 جنيه شهر وعشر ايام .. ومش هقول على البهدله اللى كنت بتبهدلها علشان اخدهم .. كنت اجيب استمارة قبض من اى مكتبه واملاها من المدرسة وبعدها اروح للموجه بتاعى يمضى عليها و

حبيبى مات... ربنا وسعت كل شئ رحمة وعلما

السلام عليكم كلكم اولا سبب البوست ده موضوع عند منى اسمه " وما ربك بظلام للعبيد " دورت لقيت القصة الجميلة دى  ربنا يكرمك يا منى يارب لانك كنتى السبب فى معرفتى ليها ولما حكيت القصة لبسبوسة حبيبة قلبى قالت لى دى فعلا محتاجه بوست لواحدها علشان كده جيبتها  اليكم القصة وبعدها اقول على الجزء التانى من البوست الجزء الأول ----------- كلنا نعرف سيدنا موسى عليه السلام وهو كليم الله فقد أتت إليه امرأة، وقالت له أدعو لي ربك أن يرزقني بالذرية، فكان سيدنا موسى عليه السلام يسأل الله بأن يرزقها الذرية وبما أن سيدنا موسى عليه السلام كليم الله، كان رب العزة تبارك وتعالي يقول له يا موسى إني كتبتها عقيم فحينما أتت إليه المرأة قال لها سيدنا موسى، لقد سألت الله لك، فقال ربي لي يا موسي إني كتبتها عقيم وبعد سنة أتت إليه المرأة تطلبه مرة أخرى أن يسأل الله أن يرزقها الذرية، فعاد سيدنا موسى وسأل الله لها الذرية مرة أخرى فقال الله له كما قال في المرة الأولى يا موسى إني كتبتها عقيم فأخبرها سيدنا موسى بما قاله الله له في المرة الأول وبعد فترة من الزمن أتت المرأة الى سيدنا موسى وهي تحمل طفلا فسألها سيدنا مو

يوم نام إبراهيم

يوم نام إبراهيم ابن الرسول عليه الصلاة والسلام في حضن أمه مارية وكان عمره ستة عشر شهراً والموت يرفرف بأجنحته عليه والرسول عليه الصلاة والسلام ينظر إليه ويقول له :  يا إبراهيم أنا لا أملك لك من الله شيئاً .. ومات إبراهيم وهو آخر أولاده فحمله الأب الرحيم ووضعهُ تحت أطباق التراب وقال له : يا إبراهيم إذا جاءتك الملائكة فقل لهم الله ربي ورسول الله أبي والإسلام ديني .. فنظر الرسول عليه الصلاة والسلام خلفهُ فسمع عمر بن الخطاب رضي الله عنه يُنهنه بقلب صديع فقال له : ما يبكيك يا عمر ؟ فقال عمر رضي الله عنه يا رسول الله : ابنك لم يبلغ الحلم ولم يجر عليه القلم وليس في حاجة إلى تلقين فماذا يفعل ابن الخطاب ! ، وقد بلغ الحلم وجرى عليه القلم ولا يجد ملقناً مثلك يا رسول الله !  وإذا بالإجابة تنزل من رب العالمين جل جلاله بقوله تعالى رداً على سؤال عمر :  « يُثَبِّتُ اللَّهُ الَّذِينَ آمَنُوا بِالْقَوْلِ الثَّابِتِ فِي الْحَيَاةِ الدُّنْيَا وَفِي الآخِرَةِ وَيُضِلُّ اللَّهُ الظَّالِمِينَ وَيَفْعَلُ اللَّهُ مَا يَشَاءُ (27)» ( سورة إبراهيم الآية 27) نسأل الله تعالى أن يثبتنا عند سؤال الملكين ويهون علينا و