قلبى فرحان
امبارح كان يوم عجيب بشكل
كنت الصبح بدرى متضايقه ومخنوقه وبعيييييييط بطريقة رهيبة
اختى اقترحت اننا نروح كلنا الارض بتاعتنا وتبقى فسحة النهاردة
بما ان والدى كان نشيط وماشفناهوش كده من زمان
قال خلاص انا هسبقكم وبعد ما تخلصوا اللى وراكو حصلونى
قلت فى بالى ياريت يسيبونى كلهم ويخرجوا واقعد انا مكتئبة مع نفسى
وبعدين فكرت ليه ما اخرجش واغير جو.. وانا اصلا بموت فى الارض وببقى ساعات كتير عايزه اروح بس ما ينفعش اروح لواحدى
المهم قلت لماما واخواتى انا هروح مشى وانتو اركبو وابقو حصلونى
رحت ولقيت بابا مستنينى
ودار بينى وبين بابا حوار جميييييييل
كان فى كل حاجه تقريبا
دين.. سياسة.. فن.. ادب
يااااااااااااااااااااه من زمان ماتكلمتش معاك يا بابا
وحشتنى بجد
انا فاكرة واحنا صغيرين وكنت بتجمعنا انا واخواتى ونلف جوله حول العالم فى الاطلس
بجد كانت ايام جميلة
ومفتقداها بشكل غريب
من زمان ما حسيتش الاحساس ده
والله كنت مفتقداك اوى يا بابا
ربنا يخليك لنا ويبارك فيك ويديك الصحة ويشفيك ويعافيك ويروق لك بالك وتفضل كده من تانى
وحشنى شكلك وانت بتتكلم اوى
وحشتنى لمتنا كلنا وكلامنا
وتقعد تفتكر ذكريااااااااات زمان مع ماما
مش قادرة اوصف اللى انا حاساه لانى لو فضلت اتكلم مش هخلص ابدا
بجد قلبى فرحان بشكل غير عادى
ربنا يخليك ليا يا حبيبى ومايحرمنى منك ابدا
ويخليكى ليا يا ماما
بحبكو اوى اوى اوى
وعارفه اد ايه انتو استحملتونى
سامحونى بجد لو كنت ضايقتكم وزعلتو منى
يا رب تفضلو معانا على طول
ودايما متجمعين على الحب والود والرحمة
وشكرا ليك يا حبيبى على لمتنا تانى
فرحتنا اوى يا بابا
بجد احنا من غيرك ولا حاجه
الحمد لله رب العالمين
هلت بركاتك يا رمضان يا شهر الخير
Comments
بس اقولك على حاجه اتعلمى بقى لما تحسى بخنقه متستسلميش لها
واديكى شفتى بنفسك
:)
----------
ربنا يخليك يارب
عندك حق
فعلا الواحد لازم يتعلم
نورتنى
كل رمضان وانت طيب
وكل عام وانتي الى الله أقرب
مع تحياتي
ربنا يخليه ليكم
بجد الأب دا نعمة كبيرة
ربنا يخليه ليكي ياااااااارب
وما يحرمكيش منه ابدا
بجد
أنا كمان سعيد
:d :d :d :d
خالص تقديري
برضو نسيت أقوووووووووول
كل سنه وانتي طيبة
ورمضان كاااااااااررررررريم
ههههههههههههههههههه
تحياتي
مش مسامحاكى
متحاوليش
متترجنيش
مش مسامحاكى يعنى مش مسامحاكى.
ايه ده هتبوسي ايدى
طب خلاص خلاص مسامحاكى بس ماتكرريهاش تانى ياشاطرة . انتى عارفه ومتأكده انك ولا حاجه من غيري.هههههههههههه
بجد يامنوشة ربنا يخليلك باباكى ويفضل دايما منور بيتكم هو ومامامتك.
انا حاسه بيكى لانى عايشة المأساه دى ونفسي ارجع صغيرة تانى واخواتى كمان يرجعوا تانى بيت بابا ومايبقوش متجوزين ونتلم كلنا زى زمان.
اد ايه رمضان كان ليه طعم تانى لما كان بابا بيصحينا عشان نتسحر . ربنا يخليك لينا ياحبيبي يارب ويفضل اسمك دايما عنوان بيتنا...
pusssssy
انا كمان عندي اخبار حلوه عدي وشوفي اخر بوست
كل سنه وانتي طيبه ورمضان كريم :)
وكل سنة وانتى طيبة
وياسلام بقى لو مع الأب أو الأم أو الأخوات
ربنا يخليهملك
وكل سنة وانتو طيبين
تقبلى تحياتى
وربنا يباركلكم وميحرمكوش من بعض ابدا يا رب
----
يارب اللهم امين
كل سنه وانتى طيبه
نورتينى بجد
-------------------
ربنا يخليك يا دكتور محمد
وفعلا والله نعمة كبيرة جدا
الحمد لله رب العالمين ان انت سعيد
ويارب تكون كده دايما
ونكون كلنا سعداااااء
كل سنه وانت طيب
---------
انا مفترية ماشى يا بسبوسة
يهون عليكى مشوارنا اللى كنا بنمشيه علشان نذااااااااااااكر
ماشى ماشى الله يسامحك
وفيها ايه يعنى لما اصحيكى
ايه يا بنتى حد ينام للساعه 9 ايه ده
فاكره لما كنت بفوت عليكى السااااااعه 6
فاكره ولا نسيتى؟؟
عجايب يازمن
ربنا يخليهم لنا ويبارك لنا فيهم ومايحرمنا منهم ابداااااااااااا
ويشفيهم ويعافيهم يارب
ويرجعلك باباكى بالسلامه يارب
نورتينى يا حبيبتى
كل سنه وانتى طيبه
-----
يارب يا اينو ويفرح قلوبنا كلنا
مبروك يا مدام اينو
ربنا يهنيكم ويجمعكم على خير يارب
ويكون نعم الزوج ليكى ان شاء الله
كل سنة وانتى طيبة يا قمر
------
يارب يا موناليزا ان شاء الله
وانتى طيبه يا حبيبتى
------
فعلا والله
وانا جربتها
قبل كده لما كنت متضايقه مكنتش برتاح
انما لما بدأت اتكلم معاهم حسيت بفرق جامد
انا عارفه انى بدأت احس بالنعمة دى متأخر
بس الحمد لله على كل شئ
ربنا يخليهم لنا يارب
كل سنة وانت طيب
-------
يارب يا حبيبتى
وانتى فين يا قمر من زمان
هو العريس هيخطفك مننا ولا ايه؟؟؟
ربنا يبارك لكم يا قمر
خلى بالك منه
كل سنه وانتى طيبه
------
يارب اللهم امين
يارب تقبل
ربنا يخليكى يا حبيبتى
نورتينى
------
نورتينى يا قمرايه
ربنا يخليكى ويبارك فيكى
الف شكر على كلامك الرقيق ده
وانتى بألف خير يا حبيبتى