Posts

Showing posts from April, 2014

ليه انا كده؟؟؟

هو ليه انا دايما كده انا اللى اتصل وانا اللى اطلب اشوف اى حد ليه مش بلاقى حد يجيلى كده على طول سواء اصحاب او احباب تعبت اوى منك وغصب عنى اللى بعمله انت اللى اضطرتنى لكده على فكره تصرفاتى اللى مش عاجباك دى رد فعل طبيعى للى انت بتعمله فيا المشكله انك عارف بتصالحنى ازاى او ايه الاسلوب والطريقه اللى بتسعدنى مش عايزه على طول كده.. بس ياريت اغلب الاوقات لوسمحت مبقتش اعرف اتكلم معاك انا مش قاصده ان اعكنن عليك ولا على نفسى والله بدليل انى بحاول اكلمك وانت بجد واحشنى.. جايز المشكلة فى الوقت ؟؟ انا اخترت وقت غلط؟؟ بس انت دايما مش فاضى ومعدتش عارفالك مواعيد هو حتى انى اعبرلك عن اللى جوايا بقى بمواعيد وازاى اختار الوقت المناسب؟؟ رشا حبيبة ماما بصراحة برضه كنت متوقعه ان تكون بنت منى بنوته كده من اللى بيقولوا حاضر كده ومتربيه تربيه فل وجميله الناس تحسدنى عليها انتى مش كده خالص هى العيال بقت عامله كده ليه؟ اى نعم انتى لسه سنتين ونص .. بس برضه يا فله لو حتى اى مبادئ لكده.. انتى بتضربى وتشتمى كبير وصغير.. عنديه بشكل كبييييييير اوى هو انا السبب برضه؟؟