My photo
I'm a girl who lives sometimes in a good mood and sometimes oh in a very very bad one

Monday, October 18, 2010

فضفضه ما قبل20/10

اللهم الهمنى رشدى وقنى شر نفسى
اول ما هبدأ كلامى لازم اكلمك انت
الحمد لله رب العالمين
يارب بارك لى يارب
انا عارفه انك دايما معايا ومش هتسبنى وانا متأكده ومتطمنه على نفسى
الحمد لله
بجد حاسه بكرمك ورحمتك بيا
يارب فرح ماما وبابا ويتطمنواعليا بجد
نفسى افرحهم قوى
هيوحشونى
مهما اتخانقنا ولا زعلنا هما اللى بيصلحونى
وبيتمنوا انى اطلب حاجه
وينفذوها حتى من قبل ما اطلبها
ياترى الحياه الجديدة دى شكلها هيكون ازاى
انا عارفه انه كله بيعدى
والناس كلها عايشه
عادى
بس المشكلة انك مكنتيش كده يا منى
انتى مكنتيش عادى
بقيتى تتصرفى عادى
كنت بستغرب لما الاقى حد ساب شغله واتفرغ للموضوع ده وبس
انا عملت كده
بس على فكره هى مسؤليه ومسؤلية كبيرة كمان
ان شاء الله ربنا هيعينى
الحمد لله الحمد لله الحمد لله
حاجات اتغيرت فيكى يا منى
فرحت بحاجات جديدة جميلة وبنانيتى
بقيت اخد بالى جدا من كلام الناس ونواياهم
محدش عاد سهل ابدا
قلبى بقى مليان مشاعر مختلفة
نبدأ بالحب
جميل
فيه غيرة
وده مش حلو
وكمان كان فيه كره
اتضايقت انى ممكن اكره انسان بالدرجه دى
او ان شعورالكره ده يكون جوايا
اللهم نقى قلبى يارب العالمين
فيه فرحه كمان فى قلبى
الحمد لله
بجد مش عارفه اقول ايه كمان
بس اتمنالك حياة تكونى ناجحة فيها يا منى
حددى اهدافك
اشغلى وقتك
شوفى هى ايه اولوياتك
انا هقوم اكتبهم فى ورقة حالا
يــــــــــــــا رب
استودعكم الله الذى لا تضيع ودائعه
اكيد هنتقابل ان شاء الله
انا قابلت ناس فيكم فى احلامى على فكره
واتكلمت معاكم كتير اوى