My photo
I'm a girl who lives sometimes in a good mood and sometimes oh in a very very bad one

Thursday, July 23, 2009

تاج مثقف

تاج مثقف من منى احاسيس


ماذا يمثل لك الكتاب؟
خير جليس

هل القراءة تغير من حالتك النفسية ؟ وما أثر القراءة عليك بوجه عام؟
ااكييييييييييد ... ده انا ببقى فى منتهى السعادة لما اقرأ حاجة.. اليوم اللى بيعدى كده ببقى اخر نكد وبصراحه اهلى بيصعبوا عليا ههههههههههههه

اول كتاب قراته واخر كتاب؟
اول كتاب مش فاكره تحديدا... بس انا بحب الكتب جدا من وانا صغيرة... احتمال احتمال والله اعلم يعنى"منهاج الطفل المسلم" وبعدين الجرايد وكنت حبيت اوى ملحق "صبيان وبنات" كان مع اخبار اليوم وكانت اكتر حاجه عجبانى.. "مذكرات مراهقة مستقيلة" كانت بتكتبها علا مجدى عندها 19 سنة ... ياسلام لو اعرف بس طريقها البنوتة دى.... وزادت القرايه اوى مع "روايات مصرية للجيب" وخصوصا ادهم صبرى رجل المستحيل- احتمال علشان اسم البطلة منىD: - .... كنت فى ثانوى بحب اروح مكتبة المدرسة فى الفسحة وادور على القصص الخياليه بتاع الامراء والاميرات دول ... وكان فيه قصه جميلة اوى كان اسمها "رد الجميل" وبطلها كلب... لما دخلت الكلية طبعا القرايه زادت جداااااا علشان المسرحيات والروايات وكان جو تانى غير نظام الدراسة فى المراحل السابقة... حاليا بقى اخر كتاب فأنا باخد مقتطفات من " دعاء الانبياء والصالحين" للشيخ الشعراوى ، "التربية فى مدرسة النبوة" للشيخ الشعراوى برضه

اذكر ثلاث كتب أو قصص أثروا في حياتك وتحتفظ بهم ؟
"زوجة احمد "لاحسان عبد القدوس.. بجد كتاب جميل جدا عجبنى فيه حكمة الزوجة .. كانت عامله يوم معين تيجى تزورها فيه اصحابها علشان متقصرش فى حق بيتها... كمان كانت عامله زى كشكول بتكتب فيه يوميات ولادها وهما صغيرين علشان لو تعبوا والدكتور جه يسألها عن حاجه تكون جاهزة... عايزه اقرأها تانى على فكرة
"نساء النبى" لعائشه عبد الرحمن بنت الشاطئ.... راااااااااااااااااااائع ماشاء الله اسلوبها خرافه بجد


في أي المجالات تحب أن تقرأ ولماذا ؟
اكتشفت انى بحب اليوميات جدا لما افتكرت ملحق صبيان وبنات ده.. وكمان كان فيه يوميات اتنين مخطوبين ده من على النت.. الفكر الدينى احبه جدا

هل عندك مكتبة وكم عدد الكتب بها في تقديرك ؟
ايون عندى مكتبة... مش عارفه تحديدا بس التاج ده هيخلينى اعمل قايمة ان شاء الله بالكتب
ده غير الكتب اللى على الجهاز وبرضه عايزه اعمل قايمه لهم... النت سهل الموضوع اوى

اذكر اسم كاتب تتمنى أن تحتوي مكتبتك كتاب له ؟
مش فاكره دلوقتى

ماهو الكتاب الذي يرافقك في السفر ( غير المصحف )؟
اى كتاب ببقى بقرأ فيه مش شرط كتاب معين

ماهي الجريدة أو المجلة التي تتابعها وما هي أهم الأعمدة فيها؟
جريدة الاهرام واهم عمود "صندوق الدنيا" لأحمد بهجت... بحبه اوى

ماهو أفضل كتاب أهدي لك ؟ وأي الكتب تهديه ولمن ؟
"كيف تتدبر القرآن" وهو برضه اللى اهديه لكل الناس

إذا كنت بمعرض للكتب كيف تتعرف على الكتاب الجيد ؟
المقدمة والفهرس

ما هو المكان المفضل لك للقراءة ؟ وهل لك طقوس خاصة وقت القراءة؟
الارض بعيدا عن اعين الناس او اى مكان لواحدى يعنى

الرواية – القصة القصيرة – الدين – السياسة – العلوم – الشعر
من الأحب لك في كتاب تلك الفروع ؟
فاروق جويده


كمان انصحنا بخمس كتب ترى فيها إفادة عظيمة
الكتب اللى بقرأها دى جربوها

-------
مؤخرا لقيت موقع للشيخ الشعراوى
فيه التفسير كله بجد جميل اوى وكمان كذا برنامج له
و فيه مكتبة كمان
ممكن تحملوا اى كتاب انتم عايزينه من على موقع 4shared
--------
وحشتونى
وان شاء الله رب العالمين اجاوب تاج من اينو وايمى
معلش على تأخيرى عليكم