My photo
I'm a girl who lives sometimes in a good mood and sometimes oh in a very very bad one

Sunday, April 27, 2008

اول تاج فى حياتى البلوجاتية

اول تاج فى حياتى البلوجاتية
من اينو

اولا : اذكر عشرة اشياء عن نفسك
ثانيا : اختار خمس اشخاص تهدي لهم التاج 
ثالثا : لاتهدي التاج لمن اهداه اليك 
رابعا : عرف اللي بعتلك التاج انك نزلته عندك

اولا : عشر حاجات عن نفسى
الصراحة اجابته صعبة جدا
بس سمعت مقولة بتقول ( لاتبحث كثيرا عن نفسك فهى تصرفاتك ) يبقى هنتكلم على تصرفاتى وانتم بقى تحكموا ونشوف رأيكم ايه
1- بزعل بسرعة جدا من اى حد ومن اى حاجه، هنقول حساسه هنقول هبل بس اهو بقى انا كده ومش عارفه ليه
2- بحب الناس اوى واحس فيهم الخير، بس بخاف جدا لو شفت اى حاجه بتظهر مساوئ وجشع وظلم الناس وارجع واقول الحمد لله الذى عافانى 
3- ناس كتير بتقول عليا طيبة لدرجة انى كنت اتخنقت من كلمة طيبة دى لانها كانت اتقالت لى فى يوم اكتر من 10 مرات من 10 اشخاص مختلفين فبقول الحكاية دى لواحدة صاحبتى فقالت لى ولا تزعلى يا ستى انتى خبيثة، لقيت الكلمة وحشة جدا وقلت مالها الطيبة يعنى احنا كده عال وفل الفل
4- ممكن ازعل الناس واجرحهم بس بيبقى من غير ما اقصد والله وبندم جدا من كده ونفسى اتخلص من الموضوع ده
5- اكتشفت مؤخرا انى رومانسية جدا مع ان مش باين عليا خالص والله
6- ساعات احس ان عندى طموح عالى اوى وانى اقدر اهد جبال وساعات تتملكنى حالة من اليأس والملل وابقى خلاص على تكه واعيط وفعلا بعيط كتير وده ينقلنا على النقطة اللى بعد كده وهى.............
7- نكديه من الدرجة الاولى بعيط فى الفرح وفى الحزن
8- شكلى بيبقى مكشر دايما، لدرجة الناس بتقابلنى فى الشارع تقولى زعلانه من ايه يا انسه؟ انتى يا ابله يا اللى زعلانه متكشريش كده، وما الى ذلك مع انى والله بضحك كتير جدا وكان فيه مدرس عندى فى ثانوى سألنى مره انتى بتضحكى كتير كده ليه؟ والله انا بقيت محتارة هو انا مكشرة ولا مبسوطه ههههههههههههههههه
9- احب اعرف رأى الناس فيا ويقولولى عيوبى قبل مميزاتى مع انه هبل وعبط وانا عارفه ان مفيش حد ممكن يقولك عيوبك فى وشك كده، اه ممكن يقطع فروتك من وراك ده العادى اصلا
10- اى كلمة صغيرة ممكن تأثر فيا ولو كنت زعلانه من حد وبجد رد عليا بكلمه بسيطه اوى بس ريحتنى بنسى كل اللى فات يعنى الحمد لله بروق بسرعة وبنسى بس عمرى ما بنسى اللى بيجرح كرامتى ابدا

وفى الختام احب اقول

الف شكر يا اينو على التاج ده ربنا يخليكى ليا
(على فكرة انا حبيت البنت دى جدا) محدش يقولها بقى اتفقنا؟


ثانيا : اختار خمس اشخاص تهدي لهم التاج 
اهو دلوقتى هعيط لانى مش هعرف احط اللينكات بتاعة المدونات والناس اللى هديلهم التاج ، علشان انا معنديش شريط تنسيقات اصلا، وتلاحظوا انى عمرى ما حاولت انسق الموضوع ولا احط صورة ولا الون الخطوط لانى مش لاقيه شريط تنسيقات عندى مش عارفه ليه؟ اشمعنى انا يعنى
عموما اول خمسه يردوا على البوست ده بهديلهم التاج واجبارى بقى يجاوبوا عليه ومتتكسفوش بقى وتقعدوا تعزموا على بعض 

وزودوا العيار حبتين الله يكرمكم ويرضى عليكم
وادعو كتير بقى دلوقتى انا بمتحن امتحانات اعمال السنه والعملى
الدعاء بظهر الغيب
وحشتونى
السلام عليكم ورحمة الله وبركاته
************
تحديث
-----
هاااااااااااااام وعاجل الى كل من:-
wael 
وومن 
shirry
سفينة 
أبا يحيى وادم

فقد تم تمرير التاج لهم حيث انهم كانوا الخمس الاوائل فى التعليقات
و دمتم

Friday, April 18, 2008

لعبة المذاكرة

سنة 2006 كنت بلعب اللعبة الجميلة دى
وافتقدتها جدا جدا جدا 2007 لدرجة انى كنت بحسد اختى واخويا واى حد بيمتحن وبيذاكر، وهو مش عارف قيمة المذاكرة دى
كنت ملهوفه جدا وفرحانه انى هذاكر من تانى لما قررت اخد الدبلومة
بس مش عارفه وايه اللى حصل ونفسى اتسدت من ناحية المذاكره
حتى انتو تلاحظوا انى كنت قلت انى هكتب موضوعات من المواد بتاعتى لانها لذيذة وجميلة بس انا مكتبتش حاجه عن اى مادة من اللى انا باخدها السنه دى
بس الصراحة خلاص الوقت بقى ضيق جدا
واكتشفت الطامة الكبرى وهى انى عندى 11 مادة
اى نعم انا كانت عندى الكتب من اول السنه بس بصراحه ما حاولتش اعدهم
قلت بقى خلاص لازم اذاكروفعلا بدأت بس مش عارفه وايه اللى حصل وكسلت تانى
محاجه دعواتكم بالله عليكم امتحاناتى فى 22\6 ان شاء الله

ودى هدية منى لكل اللى هيمتحن
انا عارفة احساس الناس اللى خلصت دراسة ووالله هما بيحسدوا كل اللى لسه بيدرس
دعواتكم
دعواتكم 
دعواتكم

اوصيكم ونفسى بهذه النصائح

(1)
وجَّه استشاري التنيمة البشرية للتطوير- د. أكرم رضا- عددًا من النصائح للطلاب الذين يستعدون للمراجعات النهائية لموادهم الدراسية قبل اجتياز امتحانات نهاية العام، مؤكدًا أن تحديد الهدف من المذاكرة والمراجعة مهم جدًا حتى وإن كان الهدف غير كافٍ. 



وطالب رضا الطلابَ الذين اعتادوا المذاكرة وفقًا لجدول منظم أن يضربوا الجدول في 2 أو 3 حسب المدة المتبقية، فإذا كان الطالب يذاكر 10 صفحات من المادة فعليه أن يجعلها في المراجعة 20 أو 30 حسب مدة المراجعة التي رصدتها.



ووجَّه رضا نصيحتَه للطالب الذي لا يهتم بوضع جدول زمني للذاكرة، وحدد دكتور أكرم رضا سبعَ مهام رئيسة لجميع الطلاب، وهي:



1- انتهت المذاكرة

بمعنى أن بعض الأصدقاء يستمر في المذاكرة إلى آخر يوم كأنه يتعامل مع الكتاب لأول مرة، وأحيانًا يقف أمام فصل أو وحدة في موقف تحدٍّ، مستشعرًا أنه لا يستوعبها جيدًا، ولا ينتقل عنها فلا هو استوعبها ولا ذاكر غيرها.



2- مراجعة الفهرس

وأقصد بهذه المهمة أن تحضر ورقةً كبيرةً (A4)، وتضعها أفقيًّا أمامك وذلك لكل مادة، وتكتب عنوان المادة أعلى الورقة وتفرع منها فروعا بعدد الوحدات، وكل وحدة تفرع منها فروعًا بعدد الأبواب، وكذلك كل باب بعدد الفصول، وهكذا لتصل إلى أصغر جزئية في الكتاب، لتتكون لديك خريطةٌ جيدةٌ للمادة وقد كتبتها كلها في ورقة واحدة، وهذه الخريطة ستفيدك جيداً في الاستيعاب الكلي للمادة، ومعرفة جزئياتها الصغيرة أين تقع على الخريطة.



3- استخدم النجوم

أنت تعلم معي فندق خمس نجوم وأربع نجوم، وهناك فنادق السبع نجوم، بل وهناك فنادق مظلمة بلا نجوم.. استخدم النجوم في تقييم استيعابك للمادة من خلال الخريطة السابقة.. أعطِ كل مادة عددًا من النجوم، وبالتالي تستطيع أن تقيم مستوى مذاكرتك، ليس على مستوى المادة بالكامل، ولكن على مستوى جزئيات المادة حتى الصغيرة، لا تقل مادة (س) جيدة، ولكن قل في مادة (س) الجزء (ص) ممتاز والجزء (ع) يحتاج مذاكرة.



4- ابدأ من أسفل القمع

بعدها رتب أجزاء المادة على هيئة قمع قاعدته لأعلى ورأسه لأسفل بحيث تضع النجوم الأكثر في أعلى القاعدة والنجوم الأقل أسفل منها.



5- عاصفة الأسئلة

عليك أن تحصل على بنك أسئلة، وابدأ بكتاب المدرسة لتنتهيَ من حل جميع الأسئلة المحلولة، والنماذج المجاب عنها، ثم التمرينات على كل باب، ثم التمرينات المجمعة، وانتقل إلى كتاب النماذج، فإذا انتهيت من ذلك كله استمر في أي كتاب خارجي يحتوي على امتحانات السنين الماضية.. حلّ كأنك في امتحان.. قيِّم إجابتك، وابحث عن مواطن الخلل، وأعد ترتيب القُمع وعدِّل في عدد النجوم، فقد يكون هناك جزءٌ أعطيتَه نجمتين ويستحق خمس نجوم أو العكس.



6- لا تطفئ الأنوار

هل تتصور أن هناك من يذاكر في الظلام؟! أقول لك رغم غرابة السؤال فإن بعضنا يفعل ذلك.. تدبر معي قول الله تعالى: ?وَمَن لَّمْ يَجْعَلِ اللهُ لَهُ نُورًا فَمَا لَهُ مِن نُورٍ? (النور: 40)، ومن أين يأتي النور ونحن نطفئه بأيدينا؟! تريد أن أحل لك هذا اللغز؟!



سيحله لك الإمام الشافعي، الذي كان يصيب في الرمي 10 من 10، فأصاب يومًا 9 من 10، فتاب إلى الله واعتبرها معصيةً، وكان يحفظ من النظرة الأولى، ويخفي الصفحة حتى لا تتداخل مع الأخرى عندما يحفظ.. أراد يومًا أن يحفظ درسًا فاستشعر ثقلاً في حفظه، فذهب إلى صديق له اسمه (وكيع) يشكو له سوء حفظه، فابتسم (وكيع) وقال له: اترك المعصية يا شافعي، ثم تلا عليه قول الله تعالى: ?يَهْدِي اللهُ لِنُورِهِ مَن يَشَاءُ? (النور: 35)?وَمَن لَّمْ يَجْعَلِ اللهُ لَهُ نُورًا فَمَا لَهُ مِن نُورٍ? (النور: 40).



فذهب الشافعي يفكر: أي معصية ارتكبتها، فتذكر أنه نظر إلى امرأة فأطال النظر إليها، فندم وتاب عن معصيته، وقال شعرًا:

شكوت إلى وكيع سوء حفظي فأرشدني إلى ترك المعاصي

وأخبرني بأن العلم نور ونور الله لا يُهدى لعاصي



7- مفاتيح السماء

يقول تعالى: ?إِنَّ الَّذِينَ كَذَّبُوا بِآيَاتِنَا وَاسْتَكْبَرُوا عَنْهَا لاَ تُفَتَّحُ لَهُمْ أَبْوَابُ السَّمَاءِ? (الأعراف: 40)، نعم إن أبواب السماء مفتوحة لمن يطرق عليها والله تعالى قال لنبيه: ?وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إذا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ? (البقرة: 186)، والله تعالى يقول: ?وَقَالَ رَبُّكُمْ ادْعُونِي أَسْتَجِبْ لَكُمْ? (غافر: 60).. إن مفاتيح السماء هي الدعاء.. وإن أعجب شيء يفعله الإنسان أنه يسير في هذه الحياة التي خلقها الله وحده.



أقول لك: "اصحب الله معك، ولا تجعله بعيدًا عن تخطيطك وعملك".. وفرَّ إليه إذا خِفْت من شيء: ?فَفِرُّوا إلى اللهِ إِنِّي لَكُم مِّنْهُ نَذِيرٌ مُّبِينٌ? (الذاريات: 50)؛ لذلك فعليك بمفاتيح السماء.. (الدعاء)، وتذكَّر دائمًا دعاء رسول الله- صلى الله عليه وسلم-: "يَا مُقَلِّبَ الْقُلُوبِ ثَبِّتْ قَلْبِي عَلَى دِينِكَ"، وتذكر دعاء ذي النون- سيدنا يونس عليه السلام-: ?لاَّ إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ? (الأنبياء: 87).
--------------------------------
(2)

ساعات المحاضرة بتمشي كويس جداً، وفي آخر المحاضرة الدكتور يبتسم ابتسامة خاصة، هتميزها بسرعة بعدين، ويقول لكم إن فيه امتحان مفاجئ يوم السبت الجاي، وطبعاً إنت دايماً مستعد، أنا عارف، لكن دي بعض الأساليب للمراجعة السريعة والطارئة قبل الامتحانات.
أسلوب منظم للدراسة السريعة:
• قم بإلقاء نظرة مسبقة على المادة المراد تغطيتها. 

• اختر الشيء المناسب: استخلص من الفصول النقاط الأساسيّة. 

• قم بالتركيز على النقاط الأساسيّة. 

• قم بتحديد خمسة موضوعات أو مفاهيم ستتم تغطيتها في الامتحان.

• ضع مفهوماً أو موضوعاً واحداً في رأس كل صفحة من الصفحات.

• استعمل الكلمات الأساسية أو العبارات القصيرة فقط. 
• بأسلوبك الخاص، قم بكتابة تفسير، تعريف، إجابة، إلخ...

• اكتب بضعة أسطر حول المفهوم الأساسي.

• لا تستعمل نص الكتاب ولا الملاحظات التي دونتها. 

• قارن كتابتك بـمصادر المعلومات الخاصة بالمنهج (الكتاب وملاحظات المحاضرات). 

• قم بإعادة كتابة فهمك الخاص حول كل موضوع، ولاحظ الفرق. 

• ضع كل صفحة من صفحات مواضيعك في سلسلة وقم بإعطائها رقماً من 1 – 5 يترتب تبعاً للأهميّة. (1 =الأكثر أهمية). 

• قم باتباع نفس الإجراءات أعلاه من أجل مفهومين إضافيين إذا كان لديك الوقت الكافي. 

• ضع المفهومين الجديدين في السلسلة المكونة من 1 – 5 وغيّر الترقيم ليصبح 1 – 7. 

• اتبع نفس الإجراءات الموضحة أعلاه لإضافة مفهوم أو مفهومين جديدين على أن يكون المجموع تسعة. اعتمد مستوى الزيادة المناسب لك، أضف المفاهيم فقط عند الضرورة. 

• حاول أن لا يزيد عملك عن تسعة مفاهيم. ركّز على الأكثر أهميّة.

• قم بالمراجعة في يوم الامتحان، لكن حاول الاسترخاء قبله مباشرة.

------------------------------------

الله اعلم هكتب فى الفترة دى موضوعات ولا لاء لسه مش عارفه
بس اللى عايزاه منكم انكم تذاكروا وتدعووووووووووولى
ويارب اضحك على البوست ده بعد النتيجة بس نكون جايبين تقديرات عالية ان شاء الله
وحتى نلتقى 
لكم منى اجمل تحية وارق سلام

Saturday, April 5, 2008

ابتسم فالله ربك

نعم لأن الله ربك وإلهك ومعبودك

لأن الله هو الرحمن الرحيم العزيز الكريم السميع العليم القريب المجيب

لأن الله هو الحي القيوم الواحد الأحد الفرد الصمد 

الذي لم يلد ولم يولد ولم يكن له كفواً أحد

لأن الله هو الوحيد الفرد الودود 

ذلك الإله الذي إذا ناديته قال :" لبيك عبدي "

عجيب يا إخواني

انظروا إلى رأفة الله ورحمته وعطفه ولطفه

أي ملك إذا ناديته قال لك: لبيك عبدي ... لبيك عبدي ؟؟؟

ابتسم 

لأن الله الذي يسمع شكواك ويجيب دعواك 

وإذا سألته أعطاك... سبحان الله الكريم

وإذا قربت منه قرب منك أكثر وبكرمه حباك

يا الله!! ما أعظم الله

الله الكريم منّ عليك واصطفاك 

وجعلك ابن آدم لا حيواناً ولا شيطاناً لا هذا ولا ذاك

وجعلك على أرضه خليفة دون الخلائق

يالله
وتقول لماذا أبتسم ؟؟

ابتسم 

لأن الله ربك ... حبيبك ومولاك لن يضيعك

ابتسم... 
فقد جهز لك إن شمرت واستعنت به جهز لك الجنة 
وإن أعرضت عنه وابتعدت حذرك من النار وأرسل لك من ينذرك
فهو لن يذرك حتى ينذرك 
والله أعلم

ابتسم... لم لا تبتسم 
ابتسم فالله ربك ... والإسلام دينك ... ومحمد صلى الله عليه وسلم نبيك 
والأرض أرضك والسماء سماؤك و.. و.. و.. و.. و.. و.. و.. 

ابتسم فالله ربك 
حين تبتسم سترى على وجهك بسمة لم ترى أحلى منها ولا أنقى

عندها سترى عيناك قد ملئتا دموعاً 

فتشعر بشوق عظيم لله... فتهب إلى السجود للرحمن الرحيم وتبكي بحرقة رغبةً ورهبة 

تبكي وتنساب على خديك غديرين من حبات اللؤلؤ الناعمة الدافئة 

وتقول لك: حق لك أن تبكي وتبتسم فالله ربك

وحبيبك وحسيبك ومولاك وأنيسك

يالله... ألست في نعمة عظيمة!!... الله ربك

ابتسم 
وابكي فرحاً فما أعظم هذه النعمة أن الله ربك ومعبودك ولا تعبد غيره لا تعبد حجراً 

ولا شجر... لا بقراً ولا بشر... لا شمساً ولا قمر
الحمدلله الذي اصطفانا على كثير من خلقه وفضلنا تفضيلاً
الحمد لك ربنا حمداً كثيراً طيباً مباركاً فيه كما ينبغي لجلال وجهك وعظيم سلطانك
ولك الحمد حتى ترضى ولك الحمد إذا رضيت ولك الحمد بعد الرضا
ربنا اغفر لنا ذنوبنا واستر عيوبنا وكفر عنا سيئاتنا وأتمم نعمك علينا بلذة النظر إلى 
وجهك الكريم

آميـــــــــــن يـــــــــــــا رب العــــــــــــــالمين


-------------------------------------------------------------

عمرى بجد ما حسيت بحلاوة اول مرة اقرأ الموضوع ده
نفسى احسها تانى
نفسى تدخل قلبى من تانى
الموضوع ده كان موجود على احد المنتديات
يارب كلماته تدخل قلوبكم زى مادخلت قلبى
ووالله ده كلام من القلب للقلب

--------------------------------------
اوعى تنسى يا مصر بكره 
اصلى جايلك ف الميعاد 
ده الأمل فى النصر فكره 
بس محتاجه العناد 
وانتى طول عمرك مذاكره 
قاريه ف كتاب الجهاد 
طهرى ارضك يا شاطره 
م اللى بايعك ف المزاد 
م اللصوص وم السماسره 
واللى زارعين الفساد

بكره 6 ابريل
يارب يحصل حاجه كويسه ان شاء الله
ويكون يوم اضراب عام
ونفكر بيه ولادنا لما نكبر ونحكيلهم احنا عملنا ايه
يااااااااارب
يارب الكل يشارك