قمر الحتة
ابن الحتة .. نوره بيملا كل الحتة..
جه يخطبى .. وهيكسبنى .. ويزود افراح الحتة..
قمر الحتة..
قلبى اختاره .. وقالى استنى.. بكره يجيلك .. وهتتهنى
انا بهواه.. قمر الحتة
وقلبى معاه.. قمر الحتة
هو حبيبى .. وكل نصيبى
جه يخطبنى .. وهيكسبنى.. ويزود افراح الحتة
قمر الحتة..
له انوار على الحى بحاله.. من اخلاقه وكتر جماله
شفت الحب يملا عيونه.. شفت غرامى شاغل باله
ساكن قلبى.. واغلى حبايبى
جه يخطبنى.. وهيكسبنى.. ويزود افراح الحتة
قمر ... قمر ... قمر الحتة
اغنية "قمر الحتة" اللى فوق دى كنت سمعتها مرة فى الراديو وعجبتنى اووووووووووى
اللى بتغنيها " فايدة كامل" ادور على النت انى الاقى اغانى لها استحالة ( ينوبكم ثواب لو حد عرف لها مكان اغانى يقولى )
الحمد لله رب العالمين
فى شهر 10 لبست دبلتك يا محمد وتحديدا يوم 26 -10-2007 هو صحيح انا اللى لبستها لواحدى علشان انت كنت مسافر بس مش مشكلة يا قلبى..
تانى يوم رحت المدرسة ومكنتش عارفه هقول لاصحابى ايه.. محدش كان يعرف اننا قرينا الفاتحة .. ولما لبست الدبلة كان باباك اللى موجود بس .. المهم دخلت وعلامات الذهول على وشى واصحابى يقولولى مالك يا بت فى ايه.. وبتريقه بيقولوا اتخطتبتى ولا ايه؟؟؟ قلت لهم اه ووريتهم الدبلة.. خد عندك كلام من نوعية يا ندله و و و و
انت بعتلى رسالة فى تانى يوم وقلت " اللهم لك الحمد انتى يا منى متعرفيش انا امبارح ما كنت بضحك ولا اى حاجه بس كنت سعيد من قلبى مكنش باين عليا اصحابى يقولولى مالك انت زعلان؟ اقول التفكير خدنى بس مفيش احلى من الزواج هو سبب من اسباب الرزق والحفاظ على الانسان من اى شر الحمد لله والشكر لله يا كريم يا ذو الجلال والاكرام"
عارف يا محمد انا حبيتك ليه؟
علشان لقيت على لسانك دايما كلمة الحمد لله .. وكمان خطبتنى من غير ما تشوفنى وسمعت كلام باباك لما قالك انى اخترتلك منى.. بجد احترمتك اوى ومن يومها وانا بحبك
لما لبست الدبلة.. اخوك واصحابك قالوا لك ازاى تخطب واحده انت ما شفتهاش واصحابى قالولى انتى اتسرعتى لما لبستى الدبلة كده اتحسبت عليكى خطوبة لو لا قدر الله ما حصلش نصيب .. كنتى استنى لما ينزل وتشوفوا بعض
انا عارفه ان عندهم حق .. بس مش انا وانت ارتحنا للموضوع كده والحمد لله انت صليت استخارة وانا كمان وقلت لك الكلام ده ساعتها
لغاية ما رجعت مصر يا حبيبى وحصل اول لقاء
و الحمد لله كتبنا الكتاب بعدها بفترة
كنت فرحانه بدبلتك اوى يا محمد وكنت كل يوم ابوسها.. دى مش اى دبلة دى دبلة عليها اسم الغالى
كنت هكتب الكلام ده فى ميعاده يعنى يوم26 بس لما باباك جه امبارح فرقت بصراحة وقلت مش عايزه اضيع حماسى فى الكتابة... وكمان انت كنت جميل اوى امبارح يا محمد ويارب دايما اشوفك فرحان ومبسوط ومتهنى معاااااااايا امين يارب..
ولسبب تانى برضه انى سمعت ام كلثوم امبارح طول النهار قبل ما تيجى ومن زماااااااااااااان اوى ما سمعتهاش من ايام المذاكرة..
المهم بحبك اوى يا محمد ويارب يخليك ليا وهو ده محمد اللى ماشفتوش من زمان اللى كان واحشنى اوى اوى اوى
محمد قمرى .. علشان انت زى القمر ربنا يبارك لى فيك يارب ويرزقك بالحلال ويقر عينى بيك وعنيك بيا يارب
بطلب من ربنا انه يجمعنا على خير
ويرزق الشباب كلهم بالازواج والزوجات الصالحين والصالحات
بجد احساس جميل ويارب الكل يحسه ويدوقه
كنت بقول ان اول سبع شهور خطوبة كانوا حلوين اوى ومفتقداهم.. امبارح بقى بكل الايام دى .. علشان شفت الفرحة فى عينيك يا حبيبى
لو تعرف لما بتكون متضايق وشايل الهم بتعمل فيا ايه ونفسيتى بتتعب ازاى
يلا الحمد لله ويارب اشوفك على طول فرحان وبالك رايق
ربنا يبارك لى فيك يا محمد
ويخليكوا ليا يا ماما انتى وبابا واختى واخويا وجدتى.. ربنا ما يحرمنى منكم ابدا
الحمد لله رب العالمين
*
انا ملاحظة انى بقيت اكتب موضوعات كتير معلش استحملونى منا بقيت فاضية بقى
يارب انشغل بحاجه جميلة قريب يارب
بس برضه هكون معاكو ان شاااااااااء الله
ادعولى
ولو حد لقى اغنية قمر الحتة دى ياريت يسيبلى اللينك بتاعها
شكراااااااااا
17 Comments:
مش عارف اقول اية علشان دى مناجاة بينك وبين محمد
انا لسة صاحى ومش شايف قدامى فعقلى مليان ضباب بعدين ابقى اقرى على رواقو
ربنا يبااااااااااركلك فيييييييه يامني بجد تستاهلي كل خير
ويجمعكم في حلاله ويرزقكم بالذريه الصالحه
بس بشرط تسموا بنوته علي اسمي
مش كيارا طبعا
اعمليها انتي بس
وانا هقولك الاسم (وش بيغمز)
ههههههههههههه
والله مش عارف مين ياسيدتى اللى قمر اكيد انتى يا منى
انا قولتك قبل كده انى حاسس انك انسانة فاضلة بكل المعانى ولا اذكيكى على الله نحسبك على ذلك
بجد من اول ما كنتى عملتى دعاء لمحمد برضوا( يا بختوا بيكى)
صدقا انا كنت فى منتهى السعادة
اغنية قمر الحته دى لا تنطبق الا عليكى فعلا
وكمان كانت مفاءجاه ليا انك محمد لم يراك وانتى كذلك
وده نادر فعلا
مش عاوز اطيل عليكى بس انا عندى بوست قديم اسمه
فى الشر يكمن الخير
فى معنى قريب من معناكى
لو تسمحى انا ها عمل نسخ ليه عندك مع احتفاظى بطلبى انك تشوفيه عندى
وهو التالى كلماته
عجبت عندما سمعت ان انس بن عامر اراد ان يتزوج ووضع فى احلامه امرأه شقراء بيضاء تسر الناظرين
ولكن عندما تزوج وكشف عن وجهها لانه لم يراها قبل ذلك وجدها سوداء فهجرها فى ليلة الزفاف.
واستمر الهجران بعد ذلك فلما استشعرت زوجته ذلك ذهبت اليه وقالت يا انس لعل الخير يكمن فى الشر فدخل بها واتم زواجه ولكن استمر فى قلبه ذلك الشعور بعدم رضاه عن شكلها فهجرها مرة ثانيه
ولكن هذه المرة هجرها عشرين عاما ولم يدرى ان امراته حملت منه.
وبعد عشرين عاما رجع الى المدينه حيث يوجد بيته وارد ان يصلى فدخل المسجد فسمع امام يلقى درس فجلس فسمع فعجبه وانبهر به فسئل عن اسمه فقالوا هو الامام مالك فقال ابن من ؟
فقالوا ابن رجل هجر المدينة من عشرين عاما اسمه انس فذهب اليه انس
وقال له سوف اذهب معك الى منزلك ولكنى سأقف امام الباب وقل لإمك رجل امام البيت يقول لكى لعل الخير يكمن فى الشر فلما ذهب وقال لإمه قالت اسرع وافتح الباب انه والدك اتى بعد غياب
ياااااااااااااااااااااااااااا لم تقل له انه هجرنا وذهب لم تذكر اباه طول غيابه بالسوء فكان اللقاء حارا"
شكرا لكى يا ام مالك على الدرس الجميل
اتمنى ان ندرك المعنى والمغزى بدل ان نتصارع فى المحاكم لإثبات مين فينا اللى السبب فى الخلاف؟
وعجبىىىىىىىىىىىىىى
له انوار على الحى بحاله.. من اخلاقه وكتر جماله
شفت الحب يملا عيونه.. شفت غرامى شاغل باله
جمييييييييييله الاغنيه بجد
ربنا يكرمك و يحفظك و يخليكوا لبعض يااارب
حلوة اوى مشاعرك ناحيته
من قلبك اوى
البوست مش طويل ولا حاجه
انا فعلا استمتعت بيه جدا
..:)
ماشاء الله ولا قوة الا بالله
ربنا يسعدكم ويهنيكم ويكملكم علي خير
ايوة كده يامنمن لما بتفرحي الدنيا بتفرح معاكي
ربنا يفرحك دايما بيه وتسمعينا كده اخبار حلوه دايما :)
الاغنيه حلوه اوووي انا اول مره اسمع عنها تسلم ايدك :)
تحياتي ليكي :)
hi sweety...
i woke up early this morning and i checked your blog... i was surprised to see a new post has been posted just 15 mins earliar..i thought what makes her awake at this early hour??
"human curiousity" b3eed 3anek :)
anyway after reading your post i
could see that you probably could'nt sleep last night how sweet!!!
nice post..i like it so much..and even though we don't know each other but i truly wish you all the best cause you are such a lovely person.
bless you
الف مبروك
وربنا يحفظكم لبعض من كل مكروه
في موقع عليه اغاني لفايدة كامل
http://www.sawari.com/
بس مع الأسف ملقيتش وسطهم الاغنية بتاعتك
---------------
كلمتين على جنب كده
"داري على شمعتك تأيييد"
أخوكي
وليد
اة فهمت
ربنا يتممها عليكى انتى ومحمد على خير يارب
اقول مبروك ولا مبروكين
عموما ربنا يخليلك محمد بس عارفه الصدف انى امبارح بجد كنت مع ساره وشوفت برضه الفرحه فى عينها وانا كمان كنت هموت من كتر فرحتى ؟
بجد مبروك ويخليلك محمد
ياةةةةةةةةة
بتفكرينا باغانى جميله
انا شاء الله لما محمد خطيبك يجى
ابقى غنى اغنيه عريسى جه اناجيه اهو
يارب كده يلم شملوكوا وكمان يحقق لك احلامك
ربنا يبارلك فيك
و تبقى مع دايما فى خير و سلام
و يارب يستمر حبكم عالطول
و ياريت لو لقيتى الاغنية اللى كتابها ديه
تقوليلى مكانها فين
عشان اول مرة اسمع عنها
ندعوكم للأشتراك فى برنامجنا الأذاعى وهو عن النت والمدونات ويذاع يوميا من الأذاعه الرئيسيه لمصر ...
كافة التفاصيل فى مدونتنا وموقعنا
المدونه
http://netonradio.blogspot.com
ويمكن الدخول للموقع من رابط بالمدونه
ويهمنا سماع آراءكم فى الأسئله المطروحه فى المدونه لأذاعتها
ويسعدنا ان نشير فى برنامجنا الى هذه المدونه
تحياتنا واطيب التمنيات
اللهم بارك لهما وبارك بهما واجمع بينهما خير.....
منمن بجد والله فرحانة اوى وفرحانلك جدا
يارب دايما اشوفك سعيدة وبدعى من كل قلبى ربنا يجمعكم على خير
ومتنسيش تقراى قل اعوذ برب الفلق كل يوم علشان العين هههههههههههه
بجد الف الف مبروك بعودة محمد ليك
تحياتى ياقمر الحتة
ايمى
ربنا يهنيكم ببعض ويجمعكم علي خير أن شاء الله
ولا عزاء للعزاب
تقبلي مروري
مجنووون
ربنا يباركلكم فى بعض وتفضل المشاعر الجميله دى معاكوا لحد ما تعجزوا وتحكوها لاحفادكوا....
ربنا يباركلك فيه يا منى وتحبيه اكتر واكتر ويكون حبك ومعاملتك واخلاصك ليه سبب فى دخولك الجنه ..
ويا رب ربنا يقذف محبتك علطول فى قلبه ويشوفك دايما زوجة الدنيا والاخره وكل ما يشوفك يفتكر ربنا ويعاملك فيه...
اللهم امين
اللهم امين
..ويا رب ربنا يرزق ابنى بواحده تحبه وتخلصله كده..
قولى بقه اللهم امين...
ربنا يسعدك يارب ويرجعهولك بالف سلامه
وتفرحي ويجعل ايامك فرح وسعاده ديما وايه وحجات كتير وكل اللي بتتمنيه يتحقق
والله معرفكيش بس فرحنالك ويارب يسعد كل الناس كلها تبقي مبسوطه كده
هيه ياله الناس هتعمل ايه هههه
تحياتي
سمكه
Post a Comment